Aisaya 61:6 - Uwumbɔr aagbaŋ

⁶ Le binib ga li nyi nimi, ke ni ye Uwumbɔr aatotoorb, timi Aawumbɔr aatutum. Ni ga ji ŋitimbol ŋiken aawangol, ki li mak ke ni ye nimi yaan la.

Aisaya 61:6 ပူးပေါင်းရင်းမြစ်များ

Nnyam 19:6

ki tii min baanja, le ki ga li ye bitotoorb ki tun maatuln.”

Aisaya 23:18

Bi ga di ŋimombil ŋi bi kani kitiirk ni na di tii Uwumbɔr. Baan ki di ŋi bil; le binib bi dooni Uwumbɔr na ga gaa baamombil ngbaan ki di daa tijikaar ni tiwanpeenkaan ni bi ban na.

Aisaya 54:3

Aa ga moo ban kitiŋ kpee saatiŋ pu ŋipepel mɔmɔk pu; saanib ga ki gaa ntim mu ŋitimbol ŋiken nan gaa bi chee na. Ntisakpem mu binib san cha mu na ga ki gbiin binib.

Aisaya 56:6

Le Uwumbɔr bui biwɔwɔm bi kpaln waanib, ki gee u ki dii u na, ki joo waakpaakool daal, ki gaa waah puu tipuur ti na ki kii mbamɔm na ke:

Aisaya 66:12

Uwumbɔr ki len ke, “M ga joo ni nimi liwangol li kaan doo na; litimbol mɔmɔk aawangol ga li choo ni chee ke limɔɔl li kaa foor na la. Ni ga li naahn upii aah ŋaani waabo, ki joo u uŋaal ni, ni ngeehm pu na la.

Aisaya 66:21

M ga ŋa bi ponn ni bibaa bitotoorb ni Liifai yaab.

Jeremia 33:18

Le bitotoorb mu ga li bi ki nyan ni Liifai aanibol ni ki li tun maatuln, ki joo ni kitork ki ga see mmii ni na, ni njikaabim aapiin, ni titoor ti gur na.”

Esekiel 14:11

M ga ŋa kina le Israel yaab taa di mi lii ki di titunwanbir bii bibaa. Bi ga li ye maanib, le m ga li ye Baawumbɔr.” Bidindaan Uwumbɔr le len kina.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

1 Korenti 3:5

Ŋma ye Apolos? Ŋma ye Pɔɔl? Ti po ye Uwumbɔr aatutum bi ter nimi ke ni gaa Yesu ki kii na la. Ti mɔmɔk tun lituln li Uwumbɔr tii timi ke ti tun na la.

1 Korenti 4:1

Ni ŋan ke ni bee ke ti ye Kristo aatutum la. Uwumbɔr di waabɔbɔrkaan ŋa tiŋaal ni ke ti di tuk binib.

2 Korenti 11:23

Bi ye Kristo aatutum la aa? M mu ye ki jer bi. M ŋa nimi gafara la, m len ke ujɔr na la. M nan tun Kristo aatuln ki jer bi, ki koo tiyondir ponn ni ki jer bi. Kristo pu, binib nan gbaa mi ŋinaalab ki ti chaar jer. M nan kani linimaln, naa nan pɔɔ ke m kpo.

2 Korenti 6:4

Timi aabimbin aah bi pu na, nima le mɔk binib ke ti ye Uwumbɔr aatutum. Kinye pu? ti kan falaa, ni limukl, ni tibɔr, ki ji limɔr, ni mɔmɔk ponn ni.

Ikaal 18:2

Bi taa li kpa ikpaakon ke biken aah kpa pu na, baayimɔɔn le ye ke bi ye Uwumbɔr aatotoorb ke waah nan puu tipuur pu na.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 1:6

ki ŋa timi waanaan ni aanib bi ye bitotoorb na, ke ti li tun lituln tii Ute Uwumbɔr. Uma Yesu le ye uyimbidaan, ki kpa mpɔɔn mɔmɔk n‑yoonn mu kaa kpa ndoon na. Amii.

Tibɔkpiirkaan 20:6

Binib bi puen fikr nkun ni na kpa mpopiin; bi ye Uwumbɔr aanib la. Baan ki kpo lelee. Bi ga li ye bitotoorb ki tun lituln tii Uwumbɔr ni Kristo, ki ga ji nnaan u chee ŋibin lichur.

Tibɔkpiirkaan 5:10

Aa ŋa bi saanaan ni aanib bi ye bitotoorb na, bi ti tun lituln tii timi Aawumbɔr, le bi ga li joo dulnyaa mɔmɔk.”