Aisaya 61:2 - Uwumbɔr aagbaŋ

² U tun ni mi ke m nan moon ke n‑yoonn fuu ni, buyoonn Uwumbɔr ga gaa waanib lii ki nyaŋ waadim na. U tun ni mi ke m nan sɔŋ binib bi wii na aasui,

Aisaya 61:2 ပူးပေါင်းရင်းမြစ်များ

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Aisaya 34:2

Uwumbɔr gee liŋuul ŋitimbol mɔmɔk ni ŋaajab bi jaa kijaak na pu. U ga kuln bi mɔmɔk.

Aisaya 34:8

N‑yoonn mue le ye n‑yoonn mu Uwumbɔr ga gaa Sionn aatiŋ lii ki daa baadim aatafal na.

Aisaya 35:4

Bui umɔk aataakpab yɔl na ke, “Cha aataakpab pɔɔk ki taa san ijawaan. Uwumbɔr choo u nan gaa si lii, u choo u nan daa saadim aatafal.”

Aisaya 40:1

Uwumbɔr bui ke, “Sɔŋ maanib aasui, sɔŋ bisui man.

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Aisaya 57:18

“M kan baah ŋa pu na, m mu tee ga tii bi laafee. M ga loln bi pu nsan ki ter bi, ki ga sɔŋ binib bi wii na aasui.

Aisaya 58:5

Ni yaa lul bumɔb kan, le ni muk nibaa, le ki tiin niyil ke kimook ki yɔl na, ki di tiwan ni saak kuub na aakekeln yar, ki di nfatan yɔk yɔk ŋi pu, ki doon paan. Nimina le ni yin bumɔb aalulm aa? Ni dak ke nima ngbaan ga piir nsui ii?

Aisaya 60:10

Uwumbɔr bui Jerusalem ke, “Biwɔwɔm le ga ki gir maa saagon, le baabɔrb li ye saanaagbiib. Maaŋuul ponn ni le m nan daa nitafal, le dandana wee ma m ga mɔk nimi maanimbaasaln, ni maah gee nimi pu na.

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Jeremia 31:13

Bisapɔm ga li kpa mpopiin le ki waa liwaal, le bijab bi por na, ni binachipɔm ga li mɔɔni. M ga sɔŋ bisui ki cha baakpowiil kpaln mpopiin, ki cha baasuugar kpaln mmɔɔn.

Jeremia 46:10

Din wee le ye Tidindaan Uwumbɔr Mpɔɔnsakpiindaan aawiin, din le u ga teen waadim; din le u ga daa waadim aatafal. Waajaak aajuk ga geei bi ki ti bab, le ki nyu baasin ki ti gbii. Din wee le Uwumbɔr Mpɔɔnsakpiindaan ga di waadim toor kitork ŋŋangan wɔb, Yufrates aamɔɔl chee.

Maika 3:8

Tɔ, mma kan, Uwumbɔr le joo Waafuur Nyaan ni waapɔɔn gbiini mi, le ki tii mi ibamɔn aalan, ni ntaakpapɔɔn mu m ga ŋmaa di bui Israel yaab baatunwanbir aah ye pu na.

Matiu 5:4

Binib bi kpa mpombiin baatunwanbir pu na, Uwumbɔr aanyoor bi bi pu; u ga sɔŋ bisui.

Tibɔnyaan ti Luk ŋmee ti na 4:19

ki tuk binib ke buyoonn Uwumbɔr ga gaa waanib lii na fuu ni.”

Tibɔnyaan ti Luk ŋmee ti na 6:21

Nimi bi nkon joo nimi dandana na, Uwumbɔr aanyoor bi ni pu; ni ga nan ji ki bab. Nimi bi wii dandana na, Uwumbɔr aanyoor bi ni pu; ni ga nan laa.

2 Korenti 6:2

Uma Uwumbɔr le len ke, “Naah ŋeer pu na, le m pel saameen. Bundaln ni ŋeer ke m gaa si lii na, le m ter si.” Li pel man, din le ni ŋeer. Din le ye n‑yoonn mu u ga gaa si lii na.

1 Tesalonika 2:16

ki kiir timi, kaa ban ke ti tuk binib bi kaa ye Juu yaab na tibɔnyaan tee, aan bi ŋmar. Juu yaab ngbaan aah ŋani kina na, bi too kpae baatunwanbir pu n‑yoonn mɔmɔk la. Uwumbɔr aaŋuul pii bi kookoo.