Aisaya 61:10 - Uwumbɔr aagbaŋ

¹⁰ Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 61:10 ပူးပေါင်းရင်းမြစ်များ

Mpiin 24:53

Le u nyan ŋikeken, ni tikunabr, ni salmaa aatakpanyaan tii Rebeka. U nan ki tii upiibo ngbaan aana ni uninja tiwan ni kpa kidaak na.

2 Bibɔrb Aabɔr 6:41

Tidindaan Uwumbɔr, fii sil, ki dii Nkaal Aadakaa, u ye saapɔɔn aamɔkl na, koo Saadichal ngbaan ponn ni, ki li koo do n‑yoonn mɔmɔk. Ŋa saanyoor ŋa saatotoorb aatuln mɔmɔk pu, ki cha saanib li kpa mpopiin saah kpa bi pu tiŋann ti na pu.

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Job Aagbaŋ 29:14

M tun dii nsan le ki si chob.

Ilahn 132:16

M ga ŋa maanyoor ŋa kaatotoorb aatuln mɔmɔk pu, le kaanib ga gaa mpopiin aalahn mpɔɔn pu.

Ilahn 132:9

Cha saatotoorb li tun lituln li ŋan na n‑yoonn mɔmɔk. Cha saanib gaa mpopiin aalahn.

Ilahn 28:7

Uwumbɔr kii mi le ki lik mi; le m di naadii tii u. U tii mi nterm ki piir nsui; m joo mpopiin aalahn le pak u.

Ilahn 35:9

Le Uwumbɔr pu, nsui ga piir; waah gaa mi lii pu na, le m ga li kpa mpopiin.

Solomonn Aalahn 1:10

Tafajɔnjɔn ti bi aatafal pu na cha aa ŋan sakpen, Nleenyaan mu bi aasil pu tii si kinyaan pam.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 17:10

Israel yaab, ni suln Uwumbɔr bɔr; uma le nan nyan ni nimi ki kii nimi ke litakpasakpeln na. Naah tee ŋa pu na le ye ke ni ŋum ŋisubil aasui le ki dooni ŋiwaa.

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 41:16

Ni ga di ki mee yaa paacham; le libuln ga daa ki buen, le kitaabuŋ daa ki yaa. Le ni ga mɔɔr nimi ke min le ye nimi Aawumbɔr; ni ga pak mi, nimi Israel yaab Aawumbɔr u bi chain na.

Aisaya 48:18

Ni yaa nan ba pel maah tuk nimi pu na kan, le tinyoor ba ga li puu choo ni chee, ke nkpen mu aanyun aa foor na. Linyaŋ ba ga dan ni chee, ke nnyusakpem aanyunkpenn na la.

Aisaya 49:18

Fenn ki lik tiwan ni bi ŋani na. Saanib bi kuuni tɔb chee, ki choo kun ni la. Maah po ye Uwumbɔr u bi n‑yoonn mɔmɔk na pu na, kina le aa ga li kpa limakl saanib pu, ke ubɔndinn aah mak waaleenyaan pu pu na.

Aisaya 49:4

Le m bui ke, “M tun pam, le naa kpa tinyoor. Maapɔɔn mɔmɔk doo a, le maa nyan tinyoor tibaa.” Le m tee kpa limakl ke Uwumbɔr ga sil mpuwɔb; u ga pa mi maah tun pu na pu.

Aisaya 51:11

Saah gaa binib bi lii na ga di mpopiin fuu Jerusalem, ki ga li gaa ilahn ki tar ni mpopiin. Bi ga li kpa mpopiin n‑yoonn mɔmɔk; bi ga nya kinimbaak, ni mpombiin ponn ni ki ti saa n‑yoonn mu kaa kpa ndoon na.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 52:1

Jerusalem, ki pɔɔk, ki ki li nyuun ke saah nan bi pu na. Uwumbɔr aatiŋ ki bi chain na, di saakekenyaan gbab. Binib bi dii ŋiwaa ki kpa tijɔŋ na aan ki koo aa ponn ni.

Aisaya 56:7

“M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Aisaya 58:14

aa ga kan mpopiin mu nyan ni saah tun maatuln pu na ni. M ga cha dulnyaa mɔmɔk li pak si, le aa ga ji mmɔɔn, kitiŋ ki m nan di tii aayaaja Jakob na pu. Min Uwumbɔr le len kina.”

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Aisaya 65:18

Cha nisui li piin aan ni li mɔɔni maah ban m naan ni na pu. Maah ban m naan Jerusalem pɔɔn u na ponn ni ga li ye mmɔɔn ŋmeen la, le kaanib ga li kpa mpopiin.

Jeremia 2:32

Upiisapɔɔn ga ŋmaa suln waaleenyaan pu uu? Ubɔndinn mu ga ŋmaa suln waakekenyaan pu uu? Le maanib ma aah suln m pu pu na, saan ŋmaa kahn iwiin ngbaan.

Esekiel 42:14

Bitotoorb yaa koo Uwumbɔr Aadichal ni ki ban bi nya lichinjal ni kan, bi peer baah ba pee chain aawanpeenkaan ni ki tun Uwumbɔr aanimbiin ni lituln na bilni nima chee la. Bi ga di tiwanpeenkaan yayan le peen ki nin nya buen binib aah kuun nin chee na.”

Habakuk 3:18

m tee ga li mɔɔni Uwumbɔr pu, m ga li kpa mpopiin Uwumbɔr u gaal mi lir na pu.

Sekaria 10:7

Israel aanib ga li pɔɔ ke butɔb aajab na la, ki ga li kpa mpopiin ke binib bi bi nyu ndaan na. Biyaabitiib ga nan teer linyaŋ lee pu, le Uwumbɔr aah ŋa pu tii bi na, bi ga li kpa mpopiin.

Sekaria 3:5

Le m bui ke, “Cha bi di kiyikpupuk ki kaa kpa tijɔŋ na chiŋ Josua aayil pu.” Le bi ŋa kina, le ki di tiwanpeenkaan nyaan na peen u, Uwumbɔr aatuun ngbaan aanimbil ni.

Tibɔnyaan ti Luk ŋmee ti na 15:22

Le ute bui waatutum, ‘Li cha mala ki ti yoor ni lininkpebɔkul nyaan na, ki nan di peen u, ki di kibɔmbik ŋmaan u, ki di ŋinaatak taŋ u,

Rom Yaab 13:14

Ni li bi ke Tidindaan Yesu Kristo aah bi pu na, ki taa ki li ŋani nimi aabimbikpok aah ban pu na.

Rom Yaab 14:17

Uwumbɔr aanaan aa ye tijikaar ni tiwanyukaan. Mu ye mbimbinyaan, ni nsuudoon, ni mpopiin, Waafuur Nyaan aah tii timi pu na la.

Rom Yaab 3:22

Binib bimɔk gaa Yesu Kristo ki kii na, bima le Uwumbɔr len ke baabɔr ŋan. Baah gaa Yesu Kristo ki kii na, nima le cha Uwumbɔr len ke baabɔr ŋan. Ubaa aa bi ubaa, ki cha biken;

Rom Yaab 5:11

Naa ye nima baanja pu le ti mɔɔni. Tidindaan Yesu Kristo pu le ti bee Uwumbɔr aah ŋan pu na, le ki mɔɔni. U pu le ti ni Uwumbɔr kpaan kijɔtiik.

Galantiya 3:27

Baah nan muin nimi nnyun ni, Kristo aayimbil pu na, ni gaa Kristo aabimbin la.

Filipi 3:9

ki kpaan u ni. M yaa dii Moses aakaal kan, nima le aan cha Uwumbɔr len ke maabɔr ŋan. Maah gaa Kristo ki kii na, nima le cha Uwumbɔr len ke maabɔr ŋan; m gaa Yesu Kristo ki kii le ki ŋan Uwumbɔr chee.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.

1 Piita 1:8

Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.

Tibɔkpiirkaan 21:2

Le m kan kitiŋ ki bi chain, ki ye Jerusalem pɔɔn na, nyan ni Uwumbɔr chee paacham, ki gor ke ubɔndinn u ban u mɔn tichal na aah gor ubaa pu pu na.

Tibɔkpiirkaan 21:9

Le Uwumbɔr aatuuntiib bilole bi joo kookoo aafalaa bilole ŋisambil ŋilole ponn ni na, bi ponn ni ubaa dan m chee ki nan bui mi ke, “Dan, aan m nan mɔk si Ubɔndinn u ye Upihbo ngbaan aapuu na.”

Tibɔkpiirkaan 4:4

Le ŋijal moninko ni ŋinaa mu si gob libɔrjal ngbaan. Bininkpiib moninko ni binaa mu ka ŋijal ngbaan pu, ki pee tiwanpiln, ki chik salmaa aayikpupur.

1 Samuel 2:1

Le Hana mee Uwumbɔr ke: “Uwumbɔr di mpopiin gbiin nsui ni, waah ŋa pu tii mi na, nsui piir sakpen. M laa maadim; Uwumbɔr aah ter mi pu na tii mi mpopiin sakpen.