Aisaya 60:7 - Uwumbɔr aagbaŋ

⁷ Bi ga joo ni Kedar ni Nebayof aapiih mɔmɔk nan tii Jerusalem yaab ke bi di toor ipiin aatork Uwumbɔr aabimbiln paab aan ni piir usui. Uwumbɔr ga moo nyuŋ Waadichal ki jer laah nan kan pu na.

Aisaya 60:7 ပူးပေါင်းရင်းမြစ်များ

Mpiin 25:13

Ismael aabim aah paa tɔb pu pu na aayimbil sɔ: Nebayof, ni Kedar, ni Adbeel, ni Mibsam,

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Ilahn 120:5

Ni chee aakookoon aa ŋan ke unii u koo Mesek ni, kaa ŋan ke unii u koo Kedar aanib chee na la.

Solomonn Aalahn 1:5

Jerusalem aapiib, m bɔn le ki ŋan, m bɔn ke Kedar aateersakpiin ni aakeken aaboo na la, le ki tee ŋan jer Solomonn aabɔrchiln ni aakeken ŋi lee tidir aabisamɔi na.

Aisaya 19:19

N‑yoonn ngbaan yaa nan fuu ni kan, Uwumbɔr Mpɔɔnsakpiindaan aatork aabimbiln ga li bi Ijipt aatiŋ pu, le bi ga maa ligoln waayimbil pu Ijipt aatiŋ aanaanmɔk.

Aisaya 19:21

Uwumbɔr ga di ubaa mɔk Ijipt aanib, le bi ga bee u ki doon u, aan ki joo ni kitork ni ipiin nan tii u. Bi ga puu tipuur bamɔnn tii u le ki ŋa baah puu pu na.

Aisaya 21:16

Le Uwumbɔr bui mi ke, “Libiln libaa mɔk na, Kedar aanibol aapɔɔn mɔmɔk ga doo.

Aisaya 42:11

Cha nteersakpiin pu, ni ntim mu bi nima na aanib pak Uwumbɔr; cha Kedar aanib pak u. Cha binib bi koo Sela aatisakpeŋ ni na li tar ŋijoo paab ni mpopiin.

Aisaya 56:7

“M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Aisaya 60:13

Binib ga di bunaasub ni lisalaasiil ni isui imɔk bi Lebanonn aachook ni ki ŋan ki pɔɔ na giin maa sin Jerusalem, ki ŋa Maadichal kinyaan, ki moo nyuŋ maatiŋ.

Esekiel 20:40

Nimi Israel aanib mɔmɔk ga li dooni mi kitiŋ ngbaan pu, maajool li bi chain ki ye Israel aajool li paa na pu nima. M ga li gee nimi, le ni ga joo ni mi nimi aatork, ni nimi aapiinkpaan i bi chain na.

Esekiel 27:21

Arabia yaab ni Kedar aajojoob nan di ipihbi ni ipiih, ni iŋoob pan saawan pu.

Maika 4:1

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga chaar ŋigongon mɔmɔk pu. Le ŋitimbol pam ga dan li chee;

Sefania 3:10

Hali maanib bi yaa ki bi Kus aatiŋ ni dandar dandar na ga joo ni ipiin nan tii mi.

Sekaria 2:8

Uwumbɔr Mpɔɔnsakpiindaan u kpa kipak mɔmɔk na di tibɔr timina tun mi ŋitimbol ŋi nan jan ki gaa waanib aawan na chee ke: “Unii umɔk faa maanib na faa tiwan ni m gee sakpen ke nnimbil na la.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 15:16

ki ŋa mi Yesu Kristo aatutunn ke m tuk binib bi kaa ye Juu yaab na Uwumbɔr aabɔnyaan, ki di bi tii Uwumbɔr, ke kitork na. Waafuur Nyaan le ŋa bi chain ke bi piir usui.

Hiibru Yaab 13:10

Timi aatork aabimbiln le ye Yesu aadɔpuinkoo. Juu yaab aatotoorb aan ŋmaa ji timi aatork.