Aisaya 60:2 - Uwumbɔr aagbaŋ

² Ŋitimbol ŋiken pu ga li ye mbɔmbɔɔn la, le Uwumbɔr aawiihn ga woln aa ma pu; waah wiin chain pu na ga li bi aa chee.

Aisaya 60:2 ပူးပေါင်းရင်းမြစ်များ

1 Bibɔrb 8:11

ki wiin, ki joo Uwumbɔr aawiihn mu moor lak lak na, le baa nan ki ŋmaa gir koo ki ti tun baatun.

Ilahn 102:16

Uwumbɔr yaa ki gir maa Sionn kan, u ga nyan waapɔɔn sakpiin mpaan pu.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Aisaya 2:5

Nimi Jakob aayaabitiib, cha ti li gur chuun man nwiihn mu Uwumbɔr di tii timi na ni.

Aisaya 4:5

N‑yoonn ngbaan le Uwumbɔr ga tun ni ntaalangbam mu nan biin Sionn Aajool ni binib bimɔk kuun nima chee na nwiin pu, ki di iŋmanyuu ni mmiigaal mu wiin chain na biin bi pu kinyeek. Uwumbɔr aapak ki ye nwiihn na le ga biin ki kii kitiŋ ngbaan mɔmɔk.

Aisaya 58:10

ki yaa tii nkon aah joo binib bi na tijiir, ki cha binib bi lann na mu kan kan, n‑yoonn ngbaan le mbɔmbɔɔn mu maln goln nimi na ga daa labr nwiihn mu wiin ke nwiin pu aawiin na.

Aisaya 58:8

“N‑yoonn ngbaan le maaŋann ga dan ni chee ki wiin ke kichakpiik ni aawiin na, le nimi aabuun mɔmɔk ga yann mala. M ga li bi ni chee n‑yoonn mɔmɔk ki gaa nimi lii; maah ga li bi ni chee pu na ga li kii nimi ŋipepel mɔmɔk pu.

Aisaya 62:1

M ga len ki pɔɔk Jerusalem yaab aataakpab; maan di cha limeel ni pu see ni ŋmar, le nimi aaŋann li wiin ke kinyeek aamii aah wiin pu na.

Aisaya 66:11

Ni ga ji kaawangol ke ubo aah ŋaa una aabiil pu na.

Aisaya 8:22

bee bi si lik kitiŋ, kaan li waa nibaa see falaa ni mbɔmbɔɔn ŋmeen, mbɔmbɔɔn mu kpa ijawaan aan bi cha bi ti koo mu ni na.

Jeremia 13:16

Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Esekiel 10:4

Nwiihn mu deer ŋinimbil ki mɔk ke Uwumbɔr bi nima chee na nan fii tiwan ni kpa ifeen ngbaan na chee ki ti sil Uwumbɔr Aadichal aabisamɔb chee. Ntaalangbam na nan ti gbiin Lidichal ngbaan, le lichiln ni mɔmɔk woln chain.

Liifai Yaab 9:23

Moses ni Aaronn nan buen Uwumbɔr Aabool ni; baah nyan ni na, le bi mee Uwumbɔr aanyoor ŋa bi pu, le Uwumbɔr aawiihn mu moor ki deer ŋinimbil na sunn ni bi mɔmɔk pu.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Nkahm 16:19

Le Kora kuun ni Israel yaab mɔmɔk, ki nan sil toŋ Moses ni Aaronn, Libool ngbaan aabisamɔb chee. Libuul ngbaan ni, le Uwumbɔr aawiihn mu moor lak lak na woln binib ngbaan mɔmɔk pu.

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”

Matiu 23:19

Nimi bijoom, nilani jer niken, ipiin ngbaan le aan Uwumbɔr aatork aabimbiln li ŋa ipiin ngbaan chain na?

Matiu 23:24

Ni ye bisanmɔkb bi jɔb na la. Kisibirk waatiir yaa bi tiwanyukaan ni kan, ni yak nyani ki. Laakumii ma yaa bi kan, ni kpaan nyu laakumii ni tiwanyukaan mɔk la.

Jɔnn 1:1

Uwumbɔr aah kaa nan kee naan dulnyaa na, ubaa nan bi, bi yin u ke Limɔboln. U nan bi Uwumbɔr chee, ki bi ke Uwumbɔr aah bi pu na.

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

Jɔnn 8:55

Le naa nyi u. Min le nyi u. M yaa len ke maa nyi u kan, m ga li ye unyamɔndaan la, ke naah ye binyamɔndam pu na. M sil nyi u, ki joo waaliin.

Lituln 14:16

N‑yaayoonn na, u nan cha ŋinibol mɔmɔk ŋani baah gee pu na.

Lituln 17:23

M chuun nimi aatiŋ ponn ni ki kan naah dooni ŋiwaa pu na, le ki kan bi nan ŋmee ŋŋmeen naah toor kitork nin chee na. Bi ŋmee ke, ‘Taah kaa nyi Uwumbɔr u na.’ Ni dooni Uwumbɔr, ki mu aa nyi u. Waabɔr le m ban m tuk nimi dandana wee.

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

2 Korenti 3:18

Ti mɔmɔk waa Tidindaan aah wiin chain pu na. Nibaa aa bi ki dok timi ke ti taa li waa u. Tidindaan u ye Nfuur Nyaan na le cha ti bi kpelni, ki naŋni u, ki moo wolni n‑yoonn mɔmɔk, ke waah wiin chain pu na.

Kolosiya 1:13

Uma le nan nyan timi mbɔmbɔɔn aanaan ni, ki nabr timi di buen Ujapɔgeehn aanaan ni.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.