Aisaya 60:16 - Uwumbɔr aagbaŋ

¹⁶ Ŋitimbol ni bibɔrb le ga li tun tii si, ke ubo aana aah kpiini u pu aan u ti chikr na. Aa ga bee ke min Uwumbɔr le gaa si lii; min Israel yaab Aawumbɔr Mpɔɔnsakpiindaan na le gaa si lii kookoo.

Aisaya 60:16 ပူးပေါင်းရင်းမြစ်များ

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Aisaya 61:6

Le binib ga li nyi nimi, ke ni ye Uwumbɔr aatotoorb, timi Aawumbɔr aatutum. Ni ga ji ŋitimbol ŋiken aawangol, ki li mak ke ni ye nimi yaan la.

Esekiel 34:30

Unii mɔmɔk ga bee ke min le kii Israel aanib, le bi ye maanib. Min Bidindaan Uwumbɔr le len kina.”

Aisaya 59:20

Uwumbɔr bui waanib ke, “M ga dan Jerusalem ki nan sil nichaŋ ni, ki nan gaa nimi bi yii nimi aatunwanbir na lii,

Tibɔkpiirkaan 21:24

Kaawiin ga woln ŋinibol aanib pu, ke bi chuun. Dulnyaa aabɔrb ga li joo ni baawanyaan ki ponn ni.

Tibɔkpiirkaan 21:26

Ŋinibol aanib ga li joo ni baawanyaan ki ponn ni.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 19:20

Libimbiln ni ligoln ngbaan ga li ye limɔkl ki mɔk ke Uwumbɔr Mpɔɔnsakpiindaan bi Ijipt aatiŋ ponn ni la. Limukl yaa pii nima chee aanib aan bi yin Uwumbɔr aayimbil ki ban nterm kan, u ga tun unii aan u ti gaa bi lii.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 29:24

Bijɔrb ga bae nlan ki bee baah ga dii nsan mu na, le binib bi ŋulni n‑yoonn mɔmɔk na ga li gur kpa mpopiin ki gaa nsurm.”

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 43:11

Min baanja le ye Uwumbɔr. Min baanja le ga ŋmaa gaa nimi lii.

Aisaya 45:15

Israel yaab Aawumbɔr u gaal waanib lir na, u ye Uwumbɔr u bɔrni ubaa pu na la.

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Aisaya 60:17

Buyoonn ni ban mbɔman na m ga tii nimi salmaa, buyoonn ni ban tikur ni idɔ na, m ga tii nimi tikunabr ni mbɔman, le buyoonn ni ban litakpal na, m ga tii nimi tikur. Binib bi joo nimi na aan ki li muk nimi; m ga cha bi di ibamɔn ni nsuudoon le di joo nimi.

Aisaya 63:8

Uwumbɔr bui ke, “Bi ye maanib la; baan ŋmann mi.”

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Jeremia 15:21

M ga nyan si mbiindam, ni binib bi aabimbin pɔɔ na aaŋaal ni. Min Uwumbɔr le len kina.”

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 52:6

N‑yoonn choo le ni ga bee ke m sil ye Uwumbɔr ki bui nimi tibɔr tee.”