Aisaya 6:9 - Uwumbɔr aagbaŋ

⁹ Kina pu le u bui mi ke m li cha ki ti di tibɔr tee tuk binib ngbaan ke, “Ni po gee ni ŋa pu, ni ga pel ki pel, kaan bee Uwumbɔr aaliin aatataa. Ni ga lik ki lik, kaan li waa tiwan ni ŋani na.”

Aisaya 6:9 ပူးပေါင်းရင်းမြစ်များ

Ŋiyataŋak 28:5

Titunwanbirdam aa nyi ibamɔn, le binib bi dii Uwumbɔr na ma beer ibamɔn mbamɔm.

Aisaya 28:13

Kina pu le Uwumbɔr ga mɔk nimi ŋibɔbil ngbaan mɔmɔk aatataa aah ye pu na. Le ni yaa yoor litaal limɔk na kan, ni ga gbeer. Ni ga kan iween, gaawɔb mam ga chuu nimi, aan bi di nimi ŋa kiyondiik ni.

Aisaya 29:10

Uwumbɔr le cha ni doon ki geen kaan finn mala. Nimi Uwumbɔr aabɔnabr le ba ye binib aanimbil, le Uwumbɔr ŋum ninimbil.

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Aisaya 29:14

Le m yaa cha tibɔbir tibaa jer kan, tiken ki fuu ni, le ni gar bi. Binib bi kpa nlan na ga kpaln bijɔrb, le baalan ngbaan ga bee fam.”

Aisaya 42:20

Israel yaab, ni kan tiwan pam, le ni mu aa kpa ni chee tataa. Ni kpa ŋitafal ni li joo ŋun, tɔ, ni sil di ŋitafal ngbaan ŋun ba?”

Aisaya 43:8

Uwumbɔr bui ke, “Kuun ni maanib libɔjil ni man. Bi kpa ŋinimbil, le ki mu tee jɔb; bi kpa ŋitafal, le ki mu tee kpaa.

Jeremia 5:21

Li pel man, nimi bijɔrb ni bilatiirb bi kpa ŋinimbil kaa waa na, ki kpa ŋitafal kaa ŋun na.

Esekiel 12:2

“Unibɔn, aa koo binib bi ye bimɔyiib na ponn ni la. Baah ye bimɔyiib na le bi kpa ŋinimbil, ki mu aa waa nibaa; bi kpa ŋitafal, ki mu aa ŋun tibɔr tibaa.

Hosea 1:9

Uwumbɔr nan bui Hosea ke, “Yin u ke ‘Baa‑ye‑maanib,’ ba pu? Israel aanib aan ki li ye maanib, le m mu aan ki li ye Baawumbɔr.”

Tibɔnyaan ti Mak ŋmee ti na 4:12

‘Aan bi lik ki lik, kaa waa, ki pel ki pel, kaa beer naatataa. Bi yaa ŋun ki bee naatataa kan, nibaakan bi ga kpeln baabimbin, aan Uwumbɔr di cha baatunwanbir ki pinn bi.’”

Tibɔnyaan ti Luk ŋmee ti na 8:10

Le u bui bi, “Uwumbɔr le cha ni bee waanaan aabɔbɔrkaan. Biken ma kan, u ŋak bi ŋiyataŋak, aan bi lik, kaan li waa, ki pel, kaan bee naatataa.”

Jɔnn 12:40

“Uwumbɔr jɔb binimbil ke bi taa li waa; ki cha bitafal pɔɔ, bi taa bee waaliin aatataa, ki taa fenn dan uwɔb ke u tii bi laafee.”

Rom Yaab 11:8

Ni ŋmee Uwumbɔr Aagbaŋ ni ke, “Uwumbɔr chuu nyan nlan biyil ni ke binimbil taa woln, bitafal mu taa ŋun, ki nan saa dandana wee.”

Ikaal 29:4

Tɔ, ki yoor ki nan saa din wee na, waa cha ni bee naah nan kan tiwan nimɔk na aatataa.