Aisaya 6:6 - Uwumbɔr aagbaŋ

⁶ Le tiwanfuurkaan ngbaan ponn ni nibaa fii dan m chee, ki joo ni limiisakɔl li u di kichaababr di bab li kitork aabimbiln paab na.

Aisaya 6:6 ပူးပေါင်းရင်းမြစ်များ

Nnyam 25:38

Ni di salmaa ŋmeen mɔɔ naajubababr, ni ŋipen.

Aisaya 6:2

Tiwanfuurkaan ni aawon mɔmɔk ye mmii na nan si mann gob u, ki kpa ifeen iloloob. Tiwanfuurkaan ngbaan nibaa mɔk nan di ifeen ilee di biin ninimbil wɔb, ki di ilee biin niwon pu, le ki joo ilee i gur na fiir.

Jeremia 1:9

Nee aapuwɔb le Uwumbɔr taln uŋaal ki di meeh mmɔgban, le ki bui mi ke, “Li pel, m bi tii si tibɔr ti aa ga len na la.

Esekiel 10:2

Uwumbɔr nan bui uja u pee ŋitanyaan aawan na ke, “Koo tifambann aataa ŋi bi tiwan ni kpa ifeen ngbaan na aataab na ni, ki lee mmiisakɔn gbiin aaŋaal, ki di mee yaa kitiŋ ngbaan pu.” M nan si lik u le u buen.

Liifai Yaab 16:12

u yoor mmii aasambil ki ban kitork aabimbiln pu mmiisakɔl, ki lee tulalee aayon mu nu mɔ na iŋaal ilee, aan ki li joo ni Chain Chain Aapepel ni.

Nkahm 16:46

Le Moses bui Aaronn ke, “Yoor saamii aasambil, ki ban ŋimiisakɔn kitork aabimbiln pu ŋa li ponn ni, aan ki di tulalee aayon paan mu pu. Ŋa mala mala, ki di mu san buen binib ngbaan chee ki ti toor bi, bi ŋa chain. Ŋa mala mala. Uwumbɔr aaŋuul fii a, le bi piin ki kpoi.”

Matiu 3:11

Mma muini nimi nnyun ni la, ki mɔk ke ni kpeln nimi aabimbin. Unii u paa ni m pu na jer mi. Maa ŋeer m chuu takl waanaatak tii u. Uma le ga nan muin nimi Uwumbɔr Aafuur Nyaan, ni mmii ni.

Lituln 2:3

Le bi kan tiwan nibaa, ni bi ke imiigaal na, ki nan tɔŋ bi mɔmɔk aayil paab.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

Hiibru Yaab 1:7

Uwumbɔr len waatuuntiib aabɔr, ke u cha waatuuntiib tun waatuln la, ke libuln ni mmiigaal aah tun waatuln pu na.

Hiibru Yaab 13:10

Timi aatork aabimbiln le ye Yesu aadɔpuinkoo. Juu yaab aatotoorb aan ŋmaa ji timi aatork.