Aisaya 6:3 - Uwumbɔr aagbaŋ

³ Ni nan wii ki yin tɔb ki len ke: “Chain, chain, chain, Uwumbɔr Mpɔɔnsakpiindaan bi chain. Waapak gbiin dulnyaa mɔmɔk.”

Aisaya 6:3 ပူးပေါင်းရင်းမြစ်များ

Esra 3:11

Bi nan gaa ilahn ki pak Uwumbɔr ke, “Uwumbɔr kpa tiŋann, le waah gee Israel yaab pu na aa kpa ndoon.” Unii mɔk nan tar mpɔɔn pu, le ki pak Uwumbɔr, waah cha bi ŋmaa bil Uwumbɔr Aadichal aadinyikl aatakpal pu na.

Ilahn 57:11

Uwumbɔr, mɔk saah pɔɔ sakpen pu na kitaapaak ni, ki mɔk saapak kitiŋ kee mɔmɔk pu.

Ilahn 66:2

Gaa ilahn ki nyuŋ waayimbil, ki tii u kinyuŋ aapak.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Ilahn 8:2

bibilb ni mbipɔm gaa ilahn ki pak si. Saadim mɔmɔk aan ŋmaa ŋa si nibaa; unii umɔk aa keei saamɔb na, aa chur u siin ni libuul ni la.

Ilahn 90:16

Cha timi saatutum kan saapɔɔn sakpiin aatun; Cha timi aayaabitiib kan saapak sakpeŋ.

Ilahn 97:6

Paacham aawan mooni waah kpa mbimbinyaan pu na, le ŋitimbol waa waah kpa kinyuŋ pu na.

Ilahn 99:3

Unii mɔmɔk ga pak waayimbikpaan li kpa ijawaan na. U bi chain la.

Ilahn 99:9

Pak Tidindaan Uwumbɔr man, li dooni u waagongoln li bi chain na pu man. Tidindaan Uwumbɔr bi chain la.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Aisaya 24:16

Ti ga ŋun dulnyaa aatingbaan i bi dandar na aanib gaa ilahn ki pak Uwumbɔr u ŋan na. Nee mɔmɔk pu na le m bui ke maa kpa limakl. Nwon kpo doo a. Bibɔmbɔtukb beenin tuk tibɔr, le baabiin moo kpae.

Aisaya 40:5

Uwumbɔr aah kpa kipak sakpen pu na ga nya mpaan pu aan unibɔn mɔmɔk kan waapak ngbaan. Uwumbɔr ubaa le puu kina.”

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Esekiel 43:2

le m kan nima chee nwiihn mu deer ŋinimbil na nyan ni liwipuul wɔb ki ye Israel yaab Aawumbɔr aawiihn. Uwumbɔr aaneel nan ŋuun ke nnyusakpem aafuuk na, le nwiihn mu deer ŋinimbil na woln kitiŋ pu chain.

Esekiel 44:4

Uja ngbaan nan ki yoor mi dii ŋŋangan wɔb aabisamɔb nyan ki di mi fuu Uwumbɔr Aadichal aabisamɔb wɔb. Maah si lik na, le m nan kan ke Uwumbɔr aawiihn mu deer ŋinimbil na gbiin Waadichal ni. M nan tar lir kitiŋ lichichikr,

Habakuk 2:14

Nnyun aah bi ni kookoo nnyusakpem ponn ni pu na, kina le binib ga li nyi Uwumbɔr aah kpa mpɔɔn sakpen pu na dulnyaa wee mɔmɔk ni.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Nkahm 14:21

M mu puu ke maah ga li bi aan ki li kpa kipak dulnyaa wee ni ki cha na,