Aisaya 59:4 - Uwumbɔr aagbaŋ

⁴ Naa kpa ibamɔn, ki mu joo tibɔr chaa bibɔjirb chee. Ni si inyamɔn pu le ke ni di ji tibɔr ngbaan. Ni joo nimi aalandak ki ban ke ni di tun biken titotonn.

Aisaya 59:4 ပူးပေါင်းရင်းမြစ်များ

Job Aagbaŋ 15:31

U yaa jɔr sakpen le ki di naadii tii titunwanbir kan, titunwanbir le ga li ye waapar.

Job Aagbaŋ 15:35

Kina aanib le kpokl tibɔbir ki tun titunwanbir na; bisui gbii ŋŋmann le n‑yoonn mɔmɔk.

Ilahn 12:3

Uwumbɔr, cha ŋilambil ŋi kpa kimɔmɔɔn ngbaan na ŋmin chii. Ŋeeb imɔi i kpa kipupuk ki len ke,

Ilahn 62:10

Taa tii mbimbinpɔɔl naadii; taa li mak ke nnaayupɔɔn ga tii si tinyoor tibaa; hali saawangol yaa moo kpae kan, taa li ka nyiibaa li pu.

Ilahn 62:4

Ni ban ke ni nyan u waah bi nin chee ki kpa kipak na, le ki jinn u inimɔɔn; ni geei inyamɔn le ni mɔ nimi. Ni len tinyoor aabɔlen la, le nisui ponn ni ma kan, ni puuni lir u pu.

Ilahn 7:15

Le baah pen biken gaawɔb mam bi na ki gir chur bima bibaa.

Ŋiyataŋak 4:16

Bibiindam yaa kaa tun titunwanbir kan, baa geeni. Bi yaa kaa tii ubaa titotonn kan, bi dɔ waa la.

Aisaya 10:1

Nimi aadoon le na. Nimi bi naani ikaal i kaa ye ibamɔn ki joo muk maanib na aadoon le na.

Aisaya 26:18

Ti nan bi iween ni kinimbaak ni, le kaa nyan nibaa; taa nyaŋ timi aadim ki gaa timi aatiŋ; taa kan nibaa.

Aisaya 28:15

Ni bui ke nimi ni nkun ŋa tɔb kijɔtiik aan ni ni kitekpiitiŋ kpaan a. Ni dii inyamɔn ki dak ke ŋŋmann pu le ni ga ŋmar, ki tii naadii ke tibɔbir yaa fuu ni kan, ni ga nya ti ni.

Aisaya 29:20

Binib bi muk biken ki lik seen Uwumbɔr na aamɔfal ga doo. U ga kuln titunwanbirdam mɔmɔk aamɔfal.

Aisaya 30:12

Tɔ, Israel yaab Aawumbɔr u bi chain na aah len pu na sɔ: “Nitafal aa bi maah tuk nimi pu na ni, le ki tee kii tii inyamɔn ni kijaak ma.

Aisaya 30:9

N‑yoonn mɔmɔk baa keei Uwumbɔr aah tuk bi pu na, ki geei inyamɔn n‑yoonn mɔmɔk, kaa pel Uwumbɔr aah mɔk bi pu na.

Aisaya 33:11

Ni kpokl nkpokl mu kaa kpa tinyoor na, le naah ŋani tiwan nimɔk na aa kpa tinyoor. Maawiin naahn mmii mu ga bii nimi doo na la.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Aisaya 47:10

Aa nan dak ke aa ŋmar saatunwanbir ni a; aa nan nyi ke ubaa aan kan si. Saalan ni saachiin le ŋmann si koon timoor ni, le aa bui aabaa ke, ‘M ye Uwumbɔr la, ubaa aa ki bi ke min na.’

Aisaya 5:18

Nimi aadoon le na. Naan ŋmaa gaa nibaa nimi aatunwanbir na chee.

Aisaya 5:7

Israel ni Juda aanib le ye Uwumbɔr Mpɔɔnsakpiindaan aasaak, bima le ye ŋisubil aasui i u ŋum na. U nan dak ke bi ba ŋa ni ŋan na, le bi yii ki ku binib. U nan dak ke bi ba li ŋani ni tok na, le bi nan ŋani binib mbiin, le bi wii baabamɔn pu.

Aisaya 59:15

Mbamɔn par sakpen, le unii umɔk di cha titunwanbir aaŋam na ga kan ke uma le titunwanbirdam muk.” Uwumbɔr kan nimina, le naa mɔɔr u, ibamɔn aah kaa bi pu na.

Aisaya 59:16

Ni gar u pam ke ubaa aa bi u ter baah muk binib bi na. Kina pu na, u ga di ubaa aapɔɔn le di gaa bi lii, ki ji linyaŋ ngbaan.

Aisaya 59:3

Ni ye binyamɔndam, binib bi ban kijaak na, ni binikurb la.

Aisaya 64:7

Ubaa aa fenn toŋ ni si ki mee si; ubaa aa chaa aa chee ki ban nterm. Aa di aabaa bɔr ti chee, ki di timi mee, timi aatunwanbir pu.

Aisaya 9:15

Bininkpiib bi por na, ni baaninyuum le ye liyil, le ŋitaa ye Uwumbɔr aabɔnabr bi joo inyamɔn mɔk binib ngbaan na.

Jeremia 48:7

Moab aatiŋ, aa nan mak saapɔɔn ni saawangol pu la, le dandana ma kan, aa ga lir; bi ga yoor saawaal Kemos ni laawaadabim, ni laatotoorb ki di buen.

Jeremia 5:1

Jerusalem aanib, san dii nimi aatiŋ ponn ni man. Lik lik man. Cha nimi nibaa aanimbil kan. Lik lik kinyaŋ ponn ni man. Ni ŋmaa kan unii ubaa aan u tun ni ŋan na ki pɔɔni ubaa ke u kii Uwumbɔr aamɔb aa? Ni yaa ga kan kina aanii kan, Uwumbɔr ga di cha Jerusalem yaab aatunwanbir pinn bi.

Jeremia 7:4

Taa ki len n‑yoonn mɔmɔk ‘Uwumbɔr Aadichal sɔ, Uwumbɔr Aadichal sɔ, nima pu le ti kpa ŋŋmarm.’ Ni ŋmanni nibaa la. Uwumbɔr Aadichal aan nya nimi ntafadaan ni.

Jeremia 7:8

“Lik man, ni di naadii tii inyamɔn la.

Hosea 4:1

Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

Maika 2:1

Tibɔbir bi binib bi dɔ dak titunwanbir pu kinyeek na pu. Kitaak yaa woln, aan bi kan nsan siib na, le bi ŋa titunwanbir ti bi kpokl na.

Lituln 24:9

Tetulus aah len pu na, le Juu yaab kpaan kii, ke ti gbii.

Jemisi 1:15

Kikpeek yaa dek lipuul kan, ki maa titunwanbir la; titunwanbir yaa chikr kan, ti maa nkun la.