Aisaya 59:1 - Uwumbɔr aagbaŋ

¹ Taa dak man ke Uwumbɔr aa kpa mpɔɔn ke u gaa nimi lii, bee u kpaa sakpen, kaan ki ŋun naah yin u pu ki ban nterm na.

Aisaya 59:1 ပူးပေါင်းရင်းမြစ်များ

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

Ilahn 94:9

Uwumbɔr le naan timi aatafal, kina pu na u ŋun. Uma le naan timi aanimbil, kina pu na, u waa.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 58:9

Le ni yaa mee mi kan, m ga kii nimi aameel. Ni yaa yin mi kan, m ga kii nimi. “Ni yaa kuln limukl, ni lik‑seen, ni tibɔbir mɔmɔk,

Aisaya 6:10

Le u ki bui mi ke, “Cha binib ngbaan aasui taa li bi nibaa ni, ki cha bitafal kpaa, ki cha binimbil mu jɔb, aan bi taa li waa ki taa ŋun, ki taa bee nibaa. Ni yaa kaa ye kina kan, bi ga kpeln baabimbin ki dii mi aan m tii bi laafee.”

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Aisaya 65:24

Waahr aan bi nin mee mi doo na, m ga kii baameel.

Jeremia 14:9

Ba ŋa aa bi ke uja u tibɔr nan lir u na; ba ŋa aa bi ke uja u kaa ki kpa mpɔɔn ke u ter timi na? Uwumbɔr, ni sil ye mbamɔn ke aa bi ti chee. Ti ye saanib la, taa di timi lii.’”

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Esekiel 8:18

Bi ga kan maaŋuul aah pɔɔ pu na mɔmɔk. Maan san bi kinimbaak, kaan di cha pinn bi mu. Bi ga li tar mpɔɔn pu sakpen ki mee mi limeel, le maan gar bi.”

Maika 2:7

Nimi Israel yaab len ke Uwumbɔr aa ki kpa limɔr la aa? U ga sil ŋa tiwan ngbaan mɔmɔk aa? Waa len binib bi ŋani ni ŋan na chee ki san bi kinimbaak aa?”

Nkahm 11:23

Le Uwumbɔr giin baa u ke, “Aa nyi maapɔɔn mɔk aa? Naan yunn le aa ga kan ke maah len pu na ga ŋa aan naan ŋa.”

Matiu 13:15

Ba pu? binib ngbaan aasui aa bi nibaa ni. Bitafal kpaa la. Bi ŋub binimbil, kaa ban ke binimbil woln, kaa ban ke bitafal ŋun, kaa ban ke bisui bee Uwumbɔr aaliin aatataa, kaa ban ke bi kpeln baabimbin ki dii Uwumbɔr aasan ke u tii bi laafee.’

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

1 Samuel 4:3

Bijab bi nan ŋmar na aah nan fuu ni baah nan tiŋ ka nin chee na, le Israel aayidam bui ke, “Ni ŋa kinye aan Uwumbɔr cha Filistia yaab ngbaan nyaŋ timi din wee? Cha ti buen Silo man, ki ti yoor ni Uwumbɔr Aakaal Aadakaa, aan u dii timi buen ki ti gaa timi lii timi aadim chee.”

1 Samuel 8:18

N‑yoonn ngbaan yaa nan fuu ni kan, ni ga li wii nimi aabɔr u nimi nibaa lee u na aah ŋani nimi pu na, le Uwumbɔr aan gar nimi.”