Aisaya 58:3 - Uwumbɔr aagbaŋ

³ Binib ngbaan baa ke, “Ba ŋa ti lulni bumɔb, le Uwumbɔr aatafal aa bi ti ni? Ba ŋa ti sunn tibaa taab, le waa pel ti chee?” Uwumbɔr bui bi ke, “Mbamɔn aah ye pu na le ye ke n‑yoonn mu ni lul bumɔb na, le ni bi ban nibaa aageehn le ki muk nimi aatutum.

Aisaya 58:3 ပူးပေါင်းရင်းမြစ်များ

Esra 8:21

Ahafa Aanyunsan ngbaan chee le m nan siin ke ti mɔmɔk lul bumɔb ki sunn tibaa taab, timi Aawumbɔr chee, ki mee u aan u cheen timi lisachuln ngbaan ni, ki li kii timi, ni timi aabim, ni timi aawan mɔmɔk.

Nehemia 5:7

le m fii ki sil ti pu. M nan len binib ngbaan aaninkpiib ni baayidam chee kaa di bɔr, le ki bui bi ke, “Nimi le bi muk nibaa aana aabim.” M nan kuun binib mɔmɔk ke m lik tibɔr ngbaan,

Job Aagbaŋ 34:9

U len le ke aa yaa pɔɔni aabaa ke aa dii Uwumbɔr aageehn kan, naa kpa tinyoor tibaa.

Ilahn 69:10

M sunn mbaa taab ki lulni bumɔb, le binib seei mi;

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Aisaya 22:13

Le ni tee laa ki waa kinaachoŋ; ni kɔr ipiih ni inaa ke ni ŋmɔ, ki nyun ndaan; ni bui ke, “Ni ŋan ke ti ji ki nyu mu; ba pu? ti ga fe kpo fen.”

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Liifai Yaab 16:29

Ni li dii ikaal imina ki cha n‑yoonn mu choo na mɔmɔk. Ŋmalole aawinpiik daal kan, Israel yaab, ni biwɔwɔm mɔmɔk bi koo bi chee na kpaan ki lul bumɔb, ki taa tun lituln libaa liyaadaal ngbaan.

Liifai Yaab 16:31

Liyaadaal ngbaan ye chain chain aawiin la. Ni lul bumɔb liyaadaal ngbaan, ki taa tun lituln libaa. Ni li joo ikaal ngbaan ki cha n‑yoonn mɔmɔk.

Malakai 3:14

Ni bui ke, ‘Uwumbɔr aadiim aa kpa tinyoor tibaa. Ti yaa ŋani waah len pu na kan, naa kpa tinyoor; ti yaa ti ki bui Uwumbɔr Mpɔɔnsakpiindaan ke tisui bii taah tun pu na pu kan, naa kpa tinyoor tibaa.

Nkahm 23:4

Le Uwumbɔr dan u chee nima. Balaam nan bui u ke, “M maa kitork aabimbin ŋilole, le ki di unaaja, ni upihja toor kitork, ŋibimbin ngbaan mɔmɔk libaabaa pu.”

Tibɔnyaan ti Luk ŋmee ti na 15:29

Le u bui ute, ‘Lik, m tun lituln ŋibin sakpen le ki tii si, kaa kee yii saamɔb. Le saa po tii mi uŋobo ke m ni njɔtiib ji ki li mɔɔni.