Aisaya 57:5 - Uwumbɔr aagbaŋ

⁵ Ni doo bipiib chee tiwaachur ni, ke ni dooni ŋiwaa ŋi kpa mmaal na la. Ni joo nimi aabim ti toor kitork titakpalunn ni, ikpen aafataŋ ni.

Aisaya 57:5 ပူးပေါင်းရင်းမြစ်များ

1 Bibɔrb 14:23

Bi nan maa maa nin chee bi dooni ŋiwaa ŋi ye fam na, le ki maa ŋibimbifɔfɔŋ, ni liwaapii Asera aanaŋ ŋigongon paab, ni isui i kpa mboon na taab.

2 Bibɔrb 17:10

Bi nan siin siin ŋigongon mɔmɔk, ni busub bumɔk kpa mboon na taab ŋiwaabimbin ni liwaapii Asera aanaŋ,

2 Bibɔrb 17:7

Israel yaab aah nan tun Bidindaan Uwumbɔr titunwanbir na le nan cha Samaria aatiŋ ber. Uwumbɔr nan gaa bi Ijipt yaab aabɔr aaŋaal ni ki nyan ni bi Ijipt aatiŋ ni na, le bi nan dooni ŋiwaa,

2 Bibɔrb 23:10

Ubɔr Josia nan ki bii kiwaachuk ki bi Hinom Aafataŋ ni, aan bi yin ki ke Tofef na, aan ubaa taa ki ŋmaa di ujapɔɔn bee ubisal kɔr toor kitork ki bi joo seer mmii ni na tii liwaal Molek.

2 Bibɔrb Aabɔr 28:3

le ki seer nnyɔknii Hinom Aafataŋ ni. U nan kpaan di ujapɔtiib kɔr ki see mmii ni tii ŋiwaa, le ki tun titunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na aatun.

Nnyam 32:6

Le ni woln kichakpiik ni, le bi joo ni tiwakor ke bi toor kitork ki di see mmii ni, ki di tiken ŋa tijikaar ki kpaan ji tɔb chee. Le binib ngbaan kal bi ji njim ngbaan, le ni ti kpaln lidanyul ni kidagook aatuln.

Aisaya 1:29

N‑yoonn ngbaan le nisui ga gar ke ni nan chuun dii isui ke i gaa nimi lii, ki toor kisamook ke ki ter nimi ni kan tijikaar.

Jeremia 17:2

Nimi aanib dooni ŋiwaa kitork aabimbin chee, naah naan liwaapii Asera u na aanaŋ bususoom mɔmɔk taab, ni ŋigongon paab,

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Jeremia 32:35

Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Jeremia 50:38

Cha nweel dan kaatiŋ pu, ki foor kaamɔɔ. Babiloŋ ye kitiŋ ki kpa ijawaan aawaa na la, ŋima le ŋmann binib ngbaan.

Jeremia 51:7

Babiloŋ nan bi ke salmaa aayikuuk na le ŋŋaal ni, ki cha dulnyaa wee mɔmɔk nyun ki ponn ni ki ti gbii. Ŋitimbol nan nyun ki ponn ni aadaan le kaa ki kpa nlan.

Jeremia 7:31

Bi maa kitork aabimbiln li bi yin li ke Tofef na, Hinom aafataŋ ni, ke bi li joo bijapɔtiib ni bibisatiib toor kitork mmii ni. Maa nan bui bi ke bi ŋa kina, kina aalandak aa nan kpaan koo ni nsui ni.

Esekiel 16:20

“Le aa di aajapɔtiib ni aabisatiib bi aa nan ma tii mi na toor kitork tii ŋiwaa. Nimina aa ye tibɔbir sakpen ke aa yii maah tuk si pu na,

Esekiel 20:26

M nan cha bi di bibaa aatork le bii bibaa, le ki cha bi di baajan aabijabim toor kitork tii ŋiwaa. Nimina le ga nan daa bitafal ki cha bi bee ke min le ye Uwumbɔr.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 20:31

Hali din wee ni beenin tii ipiinbaan la, le ki joo nimi aabim toor kitork ki seer mmii ni tii ŋiwaabaan ŋi bi nan dii na, ki bii nibaa. Le nimi Israel yaab beenin choo ke ni nan baa ki bee maageehn aah ye pu na. Maah ye Nidindaan Uwumbɔr ki bi n‑yoonn mɔmɔk na pu, maan cha ni baa mi tibaa.

Esekiel 6:13

Ŋinikpol ga li dɔ ŋmal ŋiwaa ni ŋiwaabimbin ni, ki yaa gbiin ligongoln limɔk paa na pu, ni lijool mɔk pu, ni bususoom mɔk, ni likpaln mɔk taab, ni nin chee mɔk bi seer nnyɔknii tii ŋiwaa na. Le unii mɔmɔk ga bee ke min le ye Uwumbɔr.

Liifai Yaab 18:21

Taa di nimi aabim tii ke bi di toor kitork tii liwaal Molek, ba pu? ni ga joo ni inimɔɔn Nidindaan Uwumbɔr aayimbil pu.

Nkahm 25:6

Buyoonn Moses ni Israel yaab biken nan si wii Uwumbɔr Aabool aabisamɔb chee na, le Israel aanii ubaa yoor ni Moab yaab aapii ubaa, ki di koo waadiik ni, Moses ni biken aanimbil ni.

Ikaal 12:2

Ni kuln naah ban ni gaa kitiŋ ki na aanib ngbaan aah dooni baawaa nin chee na, nima le ye ŋijoofɔfɔk pu, ni ŋigongon pu, ni tiwaachur aasui taab.

Tibɔkpiirkaan 18:3

ba pu? ŋinibol mɔmɔk nyun ndaan mu ye kitiŋ ngbaan aadagook aakpeek na, le dulnyaa ni aabɔrb gɔr chaa ki chee. Binib bi chuun tiir na nan kan tinyoor sakpen ki pu; ba pu? kaanib nan ban tiwanyaan ki ti nyaŋ.”