Aisaya 57:3 - Uwumbɔr aagbaŋ

³ Nimi titunwanbirdam, dan do man aan Uwumbɔr nan ji nimi tibɔr. Nimi ni bibɔɔb, ni bidagoob, ni pateer tiib ye tiwanbaan la, ubaa aa jer uken.

Aisaya 57:3 ပူးပေါင်းရင်းမြစ်များ

Mpiin 3:15

Aa ni upii ngbaan ga li ye tɔb aadim la. Saabim ni waabim mu ga li ye tɔb aadim la. Uyaabil ga faa wii aayil, le aa mu ga gaa utaagbeln.”

Aisaya 1:21

Kitiŋ ki nan bi chain kaa kpa tijɔŋ tibaa na le gur tun ke upiidagoor na. N‑yoonn mubaa bininyaam ŋmeen le nan gbii ki ni, le dandana ma binikurb le gur bi ki ni.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Aisaya 48:16

Dandana, foor mar ni m chee man ki nan pel maah ga len pu na. Ki nyan mpiin ngbaan m len maabɔr chain la, le n‑yoonn mɔmɔk m cha maah len pu na gbiini.” Tɔ, Ndindaan Uwumbɔr tii mi Waafuur Nyaan le ki tun mi.

Aisaya 57:7

Ni chaa ŋijoo paab ti toor kitork le ki doo bipiib chee nima.

Aisaya 58:2

Binib bee dooni mi iwiin mɔmɔk, ki len ke bi neen ke bi li nyi maabimbin ki kii maakaal. Bi bui ke bi ban m tii bi ikaal i bi chob na la, ki bui ke bi neen ke bi li dooni mi.”

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Jeremia 3:9

kaa nan san inimɔɔn kpala. U nan bii kitiŋ ngbaan, le ki dooni ŋitakpal ni isui.

Hosea 1:2

Uwumbɔr aah nan puen di Israel yaab aabɔr ti tuk Hosea na, u nan bui Hosea ke, “Ti ban upii ki yoor, aapuu ngbaan aan li ye upii kpala, le waabim mu ga li bi ke uma na la. Kina le maanib mu yii mi, kaa ye binib bi dii mi na.”

Hosea 2:4

Maan san waabim kinimbaak; bi ye upiidagoor u kaa san inimɔɔn na aabim la. Uma ubaa le len ke, “M ga buen mbɔtiib chee la, bi tii mi tijikaar ni nnyun, ki tii mi ŋikeken, ni olif aakpan, ni ndaan.”

Hosea 2:6

Kina pu na, m ga di ikokon le gob u ki maa ligoln kiir waasan.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 12:34

Nimi ikuub aabim, ni ye titunwanbirdam la. Ni ga ŋa kinye ki len iliin i ŋan na? Ilandak i gbii unii aasui ni na, ima le u ga len.

Matiu 16:4

Nimi dandana aanib, ni ye titunwanbirdam la, kaa dii Uwumbɔr, nima le ni ban lijinjiir aatuln. Uwumbɔr aah nan ŋa lijinjiir aatuln ki ŋa waabɔnabr Jona pu na, lituln limina aaboln le ni ga kan. Maan mɔk nimi lijinjiir aawan niken kpee.” Waah len kina na, le u siir nima ki cha bi.

Matiu 23:33

Nimi iwaa, bi ye ijagen aabim na, ni ga ŋa kinye ki nya ntafadaan mu ga pii nimi, mmii mu kaan junn na ponn ni.

Matiu 3:7

Le Jɔnn kan Farisii yaab ni Sajusii yaab pam dan u chee ke u muin bi nnyun ni. Le u baa bi, “Nimi ijagen aabim, ŋma sur nimi ke ni nya ntafadaan mu choo na ni?

Tibɔnyaan ti Luk ŋmee ti na 3:7

Le kinipaak nan dan Jɔnn chee, ki ban ke u muin bi nnyun ni. Le u baa bi, “Nimi ijagen aabim, ŋma sur nimi ke ni nya ntafadaan mu choo na ni?

Jemisi 4:4

Ni di Uwumbɔr lii a, ke upiidagoor aah di uchal di lii pu na. Naa nyi ke dulnyaa aajɔtiik le ye Uwumbɔr aadiŋ aa? Nima pu na, unii u ban dulnyaa aajɔtiik na, u ye Uwumbɔr aadin la.

1 Jɔnn 3:10

Unii umɔk kaa ŋani ni ŋan na aa ye Uwumbɔr aabo. Unii umɔk kaa gee una aabo na, u mu aa ye Uwumbɔr aabo. Nima le cha ni beer binib bi ye Uwumbɔr aabim na, ni binib bi ye kinimbɔŋ aabim na.