Aisaya 57:17 - Uwumbɔr aagbaŋ

¹⁷ Baatunwanbir ni baakumɔŋ pu le m nan gee bi pu liŋuul, le ki nan daa bitafal ki san cha bi. Le baa nan kpeln, ki beenin dii baasan.

Aisaya 57:17 ပူးပေါင်းရင်းမြစ်များ

Ulandaan 6:9

Ni ye fam la; ni bi ke unii aah san dii libuln pu ke u chuu li na la. Cha aanimbil gbiin saah kpa ni na, ki taa muk aabaa n‑yoonn mɔmɔk ke aa ki kan kpee.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 2:7

Salmaa ni tikunabr le gbii kitiŋ ngbaan ni, le ubaa aa nyi baapɔɔn mɔk. Itaan le gbii baatiŋ ngbaan ni, le ubaa aan ŋmaa kahn baataan aatɔroku tiib.

Aisaya 42:24

Ŋma nan di Israel aanib tii binib bi gaa baawan mpɔɔn na? Uwumbɔr ubaa, u ti tun u titunwanbir na, le nan ŋa kina. Taa bi ke waah nan ban ke ti li bi pu na, kaa dii ikaal i u tii timi na.

Aisaya 45:15

Israel yaab Aawumbɔr u gaal waanib lir na, u ye Uwumbɔr u bɔrni ubaa pu na la.

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Aisaya 64:9

kina pu na, taa gee ti pu liŋuusakpeln timi aatunwanbir pu. Ti ye saanib la. San timi kinimbaak.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Aisaya 8:17

Uwumbɔr di ubaa bɔr waanib chee, le mma kii tii u, ki kpa limakl u pu.

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Jeremia 3:22

Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 51:13

Kitiŋ ngbaan kpa ŋimɔɔ ni liwangol sakpen, tɔ, kaayoonn mu fuu a, le kaamɔfal doo.

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Jeremia 8:6

M pel suuna, le kaa ŋun ubaa len ibamɔn. Ni ponn ni ubaa kina aasui aa bii waabiin pu; ubaa le aa len ke, ‘M tun taani la.’ Ni mɔmɔk cha naah gee nin chee na ke utaan le aah san cha butɔb ni na.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Tibɔnyaan ti Luk ŋmee ti na 12:15

le ki tuk kinipaak ngbaan, “Ni li nyi man ki taa li kpa iniman. Unii yaa kpa liwangol li wiir na kan, nima le aan tii u limɔfal.”

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.

1 Timoti 6:9

Binib bi aanimbil man liwankpal pu na ga kan ntɔŋ, ki lir. Binimbil ga li man kijɔrk aawan sakpenn le pu. Ni ye fam la, ki ga bii bi. Tiwan ngbaan aaboln le cha binib bee fam ki kan ntafadaan mu kaa kpa ndoon na.

2 Piita 2:14

Binimbil yaa kan upii kan, bi ban u la, kaan ŋmaa di cha titunwanbir. Bi ŋmanni binib bi kaa nyi Uwumbɔr aasan mbamɔm na ke bi yenn. Bisui bae iniman la. Uwumbɔr aamɔpuur bi bi pu la.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.