Aisaya 56:7 - Uwumbɔr aagbaŋ

⁷ “M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Aisaya 56:7 ပူးပေါင်းရင်းမြစ်များ

1 Bibɔrb 8:41

“Uwɔwɔnja u bi kitiŋ ki daa na ni yaa ŋun saah kpa liyimbil pu na, ni saah tun ŋitukpaan ŋi tii saanib na, ki dan nan doon si, ki mee si Saadichal limina ponn ni kan,

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Nnyam 28:38

Aaronn di kiyikpupuk ngbaan chiŋ aan tiwanyaan na li jɔn uyigbeer pu, nima kan, min Uwumbɔr ga gaa Israel yaab aapiin i Aaronn ga di dan m chee na, hali binib ngbaan yaa galn baah ban bi tii ipiin pu na kan, m ga gaa i.

Aisaya 11:9

Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 19:19

N‑yoonn ngbaan yaa nan fuu ni kan, Uwumbɔr Mpɔɔnsakpiindaan aatork aabimbiln ga li bi Ijipt aatiŋ pu, le bi ga maa ligoln waayimbil pu Ijipt aatiŋ aanaanmɔk.

Aisaya 19:21

Uwumbɔr ga di ubaa mɔk Ijipt aanib, le bi ga bee u ki doon u, aan ki joo ni kitork ni ipiin nan tii u. Bi ga puu tipuur bamɔnn tii u le ki ŋa baah puu pu na.

Aisaya 25:6

Sionn Aajool pu do, le Uwumbɔr Mpɔɔnsakpiindaan ga gor njim siin dulnyaa aatimbol mɔmɔk. Njim mu aajikaar nyuun aan mu aadaan pɔɔ ti nyaŋ na.

Aisaya 56:5

saayimbil ga yunn Maadichal ni, ni maanib ni, ki jer saah ba ga li kpa mbijabim ni mpiibim pu na. Baan suln aabɔr kpala.”

Aisaya 57:13

Ni yaa wii ki ban nterm kan, ni cha nimi aawaa ngbaan ter nimi. Litakpiln libaa aabuln le ga daa ŋi di buen. Le binib bi gaa mi ki kii na ma ga li bi kitiŋ ngbaan pu ki ga li dooni mi Maadichal ni.”

Aisaya 60:11

Jerusalem aagon aabisamɔi aan ki piin nwiin pu ni kinyeek, le ŋinibol aabɔrb ga li joo ni baawangol ki ponn ni.

Aisaya 60:7

Bi ga joo ni Kedar ni Nebayof aapiih mɔmɔk nan tii Jerusalem yaab ke bi di toor ipiin aatork Uwumbɔr aabimbiln paab aan ni piir usui. Uwumbɔr ga moo nyuŋ Waadichal ki jer laah nan kan pu na.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 65:11

“Le nimi bi yii mi na ma kan, naan li bi kina, nimi bi yii maagongoln Sionn li bi chain na, ki dooni ŋiwaa Gad ni Meni, ŋiwaa ŋi ni bui ke ŋi kpa liyimɔɔn na, ki siin nimi aabimbin aah ga li doo pu na.

Aisaya 65:25

Takɔ tiib ni ipihbi ga kpaan ji; ichinn ga ŋmɔ timoor ke inaa aah ŋmɔ pu na, le iwaa mu aan ki li bir. Maagongoln Sionn li bi chain na pu, nibaa aan li bi li paab ki bir.”

Jeremia 7:11

Ni dak ke Maadichal ni ye mbɔbɔryaan nin chee binaayukb ga bɔr na la aa? M kan naah ŋani tiwan ni mɔmɔk na.

Esekiel 20:40

Nimi Israel aanib mɔmɔk ga li dooni mi kitiŋ ngbaan pu, maajool li bi chain ki ye Israel aajool li paa na pu nima. M ga li gee nimi, le ni ga joo ni mi nimi aatork, ni nimi aapiinkpaan i bi chain na.

Esekiel 47:22

Ki ga li ye nimi aatiŋ le ki cha n‑yoonn mɔmɔk. Ni yaa bi yakr ki kan, ni tii biwɔwɔm bi koo ni chee ki ma mbim do na mu baatiŋ. Ni ŋa bi ke naah ga ŋa Israel aanii pu na, ki cha bi mu kpaan too inaan Israel aanibol chee ki gaa baatiŋ.

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Matiu 21:13

le ki bui bi, “Ni ŋmee Uwumbɔr Aagbaŋ ni ke Uwumbɔr len ke, ‘Bi ga yin Maadichal ke Mmeen Aadichal la;’ nimi le ŋani li bififiirb aakakaa chee.”

Tibɔnyaan ti Mak ŋmee ti na 11:17

Le u bui bi ke, “Ni ŋmee Uwumbɔr Aagbaŋ ni ke Uwumbɔr len ke, ‘Maadichal ga li ye mmeen aadichal, nin chee ŋinibol mɔmɔk mee mi na la;’ le nimi di li ŋa bififiirb aakakaa chee.”

Tibɔnyaan ti Luk ŋmee ti na 19:46

le ki tuk bi, “Ni ŋmee Uwumbɔr Aagbaŋ ni ke Uwumbɔr len ke, ‘Bi ga yin maadichal ke Mmeen Aadichal;’ tɔ, nimi le ŋa li bififiirb aakakaa chee.”

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

1 Timoti 2:8

M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.