Aisaya 56:4 - Uwumbɔr aagbaŋ

⁴ Uwumbɔr bui kina aaja ke, “Aa yaa pak mi ki joo maakpaakool daal mbamɔm, ki ŋani maah gee pu na, ki gaa ki kii maah puu tipuur ti na kan,

Aisaya 56:4 ပူးပေါင်းရင်းမြစ်များ

2 Samuel 23:5

Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

Ilahn 119:111

Saakaal le ye maawangol ki ti saa n‑yoonn mu kaa kpa ndoon na; ima le ye maapopiin.

Ilahn 25:10

U gee binib bi tii waah pu tipuur ti na naadii ki keei waamɔb na; u mɔk bi waasan, ki ŋani waah len pu na.

Aisaya 27:5

Maanib aadim ma yaa tee ban ke m li kii bi kan, cha bi sɔŋ nsui. Mbamɔn, cha bi sɔŋ nsui.”

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 56:2

Binib bimɔk joo maakpaakool daal mbamɔm, kaa bii mu na, m ga ŋa tinyoor ŋa bi pu. M ga ŋa tinyoor ŋa binib bimɔk aa tun titunwanbir na pu.”

Aisaya 56:6

Le Uwumbɔr bui biwɔwɔm bi kpaln waanib, ki gee u ki dii u na, ki joo waakpaakool daal, ki gaa waah puu tipuur ti na ki kii mbamɔm na ke:

Aisaya 58:13

Uwumbɔr bui ke, “Aa yaa joo likpaakool daal ke nwiin mu bi chain na, kaa ban aabaa aanyoor nwiin ngbaan daal; aa yaa pak maawiin mu bi chain na, kaa buen lisachuln, kaa tun lituln, kaa len bɔyɔlyɔl nwiin ngbaan daal kan,

Jeremia 50:5

Bi ga baa Sionn aasan pu le ki di toŋ nima wɔb. Bi ga puu tipuukpaan ti kaa kpa ndoon na tii mi, kaan bii ti.

Tibɔnyaan ti Luk ŋmee ti na 10:42

Tiwan nibaa baanja le aa lann. Mari aah lee ni na le ŋan. Ubaa aan nyan waah lee ni na u chee.”

Hiibru Yaab 6:17

Uwumbɔr nan ban ke u mɔk binib bi ga kan waah puu tipuur ti na, ke waan kpeln. Nima le u nan puu uma ubaa aayimbil pu.

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”