Aisaya 56:2 - Uwumbɔr aagbaŋ

² Binib bimɔk joo maakpaakool daal mbamɔm, kaa bii mu na, m ga ŋa tinyoor ŋa bi pu. M ga ŋa tinyoor ŋa binib bimɔk aa tun titunwanbir na pu.”

Aisaya 56:2 ပူးပေါင်းရင်းမြစ်များ

Nehemia 13:17

M nan galn Juu yaab aayidam le ki bui bi ke, “Lik man naah bi tun titunwanbir ti na. Ni bi koor Likpaakool daal aakoobil la.

Ilahn 106:3

Binib bi keei waamɔb ki ŋani ni ŋan na n‑yoonn mɔmɔk na kpa mpopiin la.

Ilahn 112:1

Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.

Ilahn 119:101

Maah ban ke m kii saamɔboln na m yii mbimbin mu kaa ŋan na mɔmɔk.

Ilahn 128:1

Binib bi san Uwumbɔr ki joo waakaal na kpa mpopiin.

Ilahn 34:14

Fenn aapuwɔb tii titunwanbir, ki tun lituln li ŋan na; di aasui mɔmɔk ban nsuudoon linimaln.

Ilahn 37:27

Fenn aapuwɔb tii titunwanbir, ki li ŋani ni ŋan na, le aayaabitiib nan li bi kitiŋ kee pu n‑yoonn mɔmɔk,

Nnyam 20:10

le winlole daal ye lifuur daal ke ni li joo dooni mi. Nwiin ngbaan daal kan, nimi, ni nimi aabim, ni nimi aanaagbiib, ni nimi aawakor, ni biwɔwɔm bi bi nimi aatiŋ ni na ubaa taa tun lituln.

Nnyam 20:8

“Ni li nyuŋni likpaakool daal aawiin, ke mu ye Maawiindaal la.

Ŋiyataŋak 14:16

Bilandam chur bibaa le kaa koo tibɔr ni, le bigbaam ma bi yɔl yɔl le ki tun kaa dakl lik.

Ŋiyataŋak 16:17

Binib bi aabimbin ŋan na chuun isan i kaa kpa titunwanbir na pu la; kina pu na, li nyi saah chuun nin chee na, nibaakan, ni ga ŋmaa gaa saamɔfal lii.

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 4:13

Li teer saah bae tiwan ni na n‑yoonn mɔmɔk. Saabaen le ye saamɔfal, li kii mu mbamɔm.

Ŋiyataŋak 4:27

Nya kinimbɔŋ chee ki li chuun mbamɔm. Taa cha aataal libaa yenn mbamɔn chee.

Ulandaan 7:18

Nyan aabaa nimina mɔmɔk ni. Aa yaa san Uwumbɔr kan, aa ga kan tinyoor.

Aisaya 56:4

Uwumbɔr bui kina aaja ke, “Aa yaa pak mi ki joo maakpaakool daal mbamɔm, ki ŋani maah gee pu na, ki gaa ki kii maah puu tipuur ti na kan,

Aisaya 56:6

Le Uwumbɔr bui biwɔwɔm bi kpaln waanib, ki gee u ki dii u na, ki joo waakpaakool daal, ki gaa waah puu tipuur ti na ki kii mbamɔm na ke:

Aisaya 58:13

Uwumbɔr bui ke, “Aa yaa joo likpaakool daal ke nwiin mu bi chain na, kaa ban aabaa aanyoor nwiin ngbaan daal; aa yaa pak maawiin mu bi chain na, kaa buen lisachuln, kaa tun lituln, kaa len bɔyɔlyɔl nwiin ngbaan daal kan,

Esekiel 20:12

M nan cha Likpaakool daal aajoom le ye m ni bima aaseeraa, ki li teer bi ke min Uwumbɔr bi chain la.

Esekiel 20:20

Di Likpaakool daal ŋa nimi aafuur daal man, aan ni li ye seeraa taah ŋa kimɔbaan ki na pu, ki li teer nimi ke min le ye Nidindaan Uwumbɔr.

Liifai Yaab 19:30

Ni li joo Likpaakool aawiin chain, ki li pak nin chee ni dooni mi na. Min le ye Uwumbɔr.

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Tibɔnyaan ti Luk ŋmee ti na 12:43

Udindaan yaa nan fuu ni ki mui waatutunn ŋani uma udindaan aah ban pu na kan, Uwumbɔr aanyoor bi ututunn ngbaan pu.

Jɔnn 13:17

Ni yaa bee maah len pu na aatataa, ki yaa ŋani kina kan, ni ga li kpa mpopiin.

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.