Aisaya 55:3 - Uwumbɔr aagbaŋ

³ Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 55:3 ပူးပေါင်းရင်းမြစ်များ

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

2 Samuel 23:5

Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

2 Samuel 7:29

M mee si ke aa biin n‑yaabitiib pu aan bi ji saah lik ki faar bi pu na aamɔɔn. Ndindaan Uwumbɔr, sin le puu kina, le saanyoor ga li bi n‑yaabitiib pu, ki ti saa n‑yoonn mu kaa kpa ndoon na.”

2 Bibɔrb Aabɔr 6:42

Tidindaan Uwumbɔr, taa yii saah lee ubɔr u na. Teer saah nan kpa ngeehm mu saatutunn David pu na bɔr.”

Ilahn 119:112

M nyan sil ke m li dii saakaal ki ti saa maakundaal.

Ilahn 119:175

Tii mi limɔfal, aan m pak si; cha saakaal ter mi.

Ilahn 78:1

Maanib, li pel maamɔkm man, ki pel maah ban m len pu na mbamɔm.

Ilahn 89:28

M ga li joo maah puu tipuur ti na tii u n‑yoonn mɔmɔk, le min ni uma aamɔbaan ga li bi ki ti saa n‑yoonn mu kaa kpa ndoon na.

Ilahn 89:29

Uyaabitiib aan doo ke kitaapaak aah kaa door pu na; uyaabil ga li ye ubɔr n‑yoonn mɔmɔk.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Ŋiyataŋak 4:20

Maabo, li pel maah len pu na mbamɔm. Li pel maamɔbon mbamɔm.

Ŋiyataŋak 7:2

Ŋa maah tuk si pu na ki li kpa limɔfal. Li dii maah mɔk si pu na mbamɔm ke saah kii saanimbil pu na.

Aisaya 51:4

Maanib, li pel man, li pel maah len pu na man: M joo maamɔkm tii ŋitimbol mɔmɔk; maakaal ga woln binimbil.

Aisaya 54:10

Nibaakan ŋijoo ni ŋigongon ga wur lir, le maageehm mu m kpa tii si na aan doo; maah puu tipuur ke m ga tii si nsuudoon na, m ga li beenin joo ti.” Kina le Uwumbɔr u gee si na len.

Aisaya 54:8

M nan di liŋuul le ki san cha si siib, le m ga di maageehm mɔk si ki ti saa n‑yoonn mu kaa kpa ndoon na.” Kina le Uwumbɔr u gaa si lii na len.

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Jeremia 30:9

Bi ga li gur tun min Bidindaan Uwumbɔr aatuln, ni maah ga nyan Ubɔrkpaan David aayaabil u kaan nnaan na aatuln la.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Jeremia 50:5

Bi ga baa Sionn aasan pu le ki di toŋ nima wɔb. Bi ga puu tipuukpaan ti kaa kpa ndoon na tii mi, kaan bii ti.

Esekiel 16:60

Saah nan laa diin aan m puu tipuur kpaan ti tii si na, m ga gbiin ti, le m ni si ki puu tipuur ti ga li bi n‑yoonn mɔmɔk na tii tɔb.

Esekiel 34:24

Min Uwumbɔr le ga li ye Yaawumbɔr, le ubɔr u ga li bi ke maatutunn David na li ye yaajojoor. Min Uwumbɔr le len kina.

Esekiel 34:25

M ga puu tipuur ti ga mɔk ke i ga li bi ŋŋmarm ni na tii i. M ga jenn nyan tipeewanbir mɔmɔk kitiŋ ngbaan ni, aan maapiih ga ŋmaa li bi ikpaakon, ni ŋŋmarm ni, ki doo tichoor ni.

Esekiel 37:26

M ga puu tipuur ti ga tii bi lifuur ki ti saa n‑yoonn mu kaa kpa ndoon na tii bi. M ga maa bi kaan, ki cha bi pɔr kpee, ki di Maadichal siin baatiŋ pu, nin chee li ga li bi ki ti saa n‑yoonn mu kaa kpa ndoon na.

Liifai Yaab 18:5

Ni li ŋani ki li dii maakaal i m di mɔk nimi na; ni yaa ŋa kina kan, ni ga li kpa limɔfal. Min le ye Uwumbɔr.”

Amos 5:4

Le Uwumbɔr bui Israel yaab ke, “Dan m chee man, aan ki kan limɔfal.

Amos 5:6

Li cha man Uwumbɔr chee ki ti kan limɔfal. Ni yaa kaa ŋa kina kan, u ga dan Israel yaab pu ke kimosakpeŋ aamii na la. Mmii ngbaan ga wu Betel yaab, le ubaa aan ŋmaa junn mu.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Matiu 13:16

“Nimi maadidiliib, Uwumbɔr aanyoor bi ni pu; ba pu? ninimbil woln, nitafal mu ŋun.

Matiu 17:5

Waah beenin bi len kina na, libuul ngbaan ni le ntaalangbapiin dan nan biin bi pu. Le nneel len ntaalangbapiin na ponn ni ke, “Njapɔɔn u m gee u na sɔ. Nnimbil gbiin u. Li ŋun waah len pu na man.”

Jɔnn 10:27

Maanib ŋun maaneel, le m nyi bi, le bi dii mi.

Jɔnn 6:37

Binib bimɔk Uwumbɔr di bi tii mi na, bi ga dan m chee. Unii umɔk dan m chee na, maan yii u, m ga gaa u.

Jɔnn 7:37

Bundaln njim ga doo na, liyaadaal le nan ye njim sakpem. Liyaadaal ngbaan le Yesu sil ki len mpɔɔn pu, “Nnyunyuu yaa chuu u na kan, udaan dan m chee ki nan nyu.

Jɔnn 8:47

Unii umɔk ye Uwumbɔr yoo na kan, uma le ŋun waaliin. Nimi le aa ŋun waaliin. Ba pu? Naa ye waanib. Nima le cha naa ŋun waaliin.”

Lituln 13:34

Tɔ, Uwumbɔr ki bui ke: ‘M ga sil ŋa tinyoor ti bi chain na ŋa ni pu, ke maah puu tipuur tii Ubɔr David pu na.’ Uwumbɔr ki len kigbaŋ kibaa ponn ni: ‘Maan cha maabo u ye chain na aawon bur.’” Tɔ, Pɔɔl nan ki len ke, “Uwumbɔr aah len pu na, naatataa le ye ke u fikr Yesu nkun ni. Waan ki kpo. Waawon aan bur.

Rom Yaab 10:5

Moses nan ŋmee ke unii yaa kii nkaal aah mɔk pu na kan, Uwumbɔr ga len ke waabɔr ŋan. U nan ŋmee ke “Unii yaa ŋa nkaal aah mɔk pu na kan, u ga kan limɔfal.”

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.