Aisaya 54:7 - Uwumbɔr aagbaŋ

⁷ “M nan san cha si siib; le ki ga ki di ngeehm yoor si.

Aisaya 54:7 ပူးပေါင်းရင်းမြစ်များ

Ilahn 106:47

Tidindaan Uwumbɔr, gaa timi lii, ki nyan ni timi ŋitimbol ngbaan ni ki giin ni, aan ti ga li kpa idoon ki pak saayimbil li bi chain na.

Ilahn 107:3

ki nyan nimi ntiyayam ni ki giin ni nimi, nimi aatiŋ ni; u nyan ni nimi liwipuul ni liwilir wɔb, ki nyan ni nimi ŋŋangan ni ŋŋangii wɔb.

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 30:6

M nan kan mbaa le ki bui ke, “Ubaa aan ki ŋmaa nyaŋ mi.”

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 11:12

Uwumbɔr ga yoor limɔkl aatuutaa paacham, ki mɔk ke u bi kuuni Israel ni Juda yaab bi nan yaa ki bi ntim yayam ni na, ki nyan ni bi dulnyaa aapepel ŋinaa na mɔmɔk ni.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Aisaya 26:20

Maanib, koo man nimi aadichal ni, aan ki laŋ nibaa pu. Bɔr man nibaa siib aan Uwumbɔr aaŋuul jer.

Aisaya 27:12

Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 49:18

Fenn ki lik tiwan ni bi ŋani na. Saanib bi kuuni tɔb chee, ki choo kun ni la. Maah po ye Uwumbɔr u bi n‑yoonn mɔmɔk na pu na, kina le aa ga li kpa limakl saanib pu, ke ubɔndinn aah mak waaleenyaan pu pu na.

Aisaya 49:21

Le aa ga bui ke; ‘Ŋma ma mbim mue mɔmɔk tii mi? Maabim nan wɔŋ, le maa nan ki ŋmaa ma biken. Bi nan di mi buen tinaagbiir ni; ŋma kpiin mbim mue? M nan gur mbaa baanja la, mbim mue mɔmɔk nyan ni la chee?’”

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Aisaya 60:10

Uwumbɔr bui Jerusalem ke, “Biwɔwɔm le ga ki gir maa saagon, le baabɔrb li ye saanaagbiib. Maaŋuul ponn ni le m nan daa nitafal, le dandana wee ma m ga mɔk nimi maanimbaasaln, ni maah gee nimi pu na.

Aisaya 60:4

Lik goln aabaa ki kan tiwan ni bi ŋani na: Saanib bi kuuni ke bi kun ni la. Aajapɔtiib ga nyan ni dandar; Bi ga yoor aabisatiib ŋmam ke baah ŋmamni mbim pu na la.

Aisaya 62:4

Ubaa aan ki yin si ke, “Baah yii u na,” kaan ki yin saatiŋ ke, “Upii u aachal san cha u na.” Saayimbipɔln le ga li ye ke, Hefsiba. Le saatiŋ mu yoo li ye ke, Bula, ba pu? Uwumbɔr aanimbil gbiin si, ki ga li bi ke chal na le ki tii saatiŋ.

Aisaya 63:7

Le m bui ke m ga len Uwumbɔr aageehm aah kaa door pu na; m ga pak u waah ŋa pu tii timi na pu. U ŋa tinyoor ti nyuun na ŋa Israel yaab pu, waageehm, ni waanimbaasaln pu.

Aisaya 66:18

M nyi baalandak ni baatun. M choo m nan kuun litimbol mɔmɔk aanib la. Bi yaa kuun ni kan, bi ga kan maapɔɔn aah ga ŋmaa tun pu na,

Jeremia 51:5

Hali Israel ni Juda yaab aah tun mi Israel yaab Aawumbɔr u bi Chain na titunwanbir na, min Bidindaan Uwumbɔr Mpɔɔnsakpiindaan aa yii bi.

Inandalahn 3:31

Uwumbɔr san kinimbaak, kaa yii timi kookoo.

Inandalahn 3:32

Nibaakan, u ga joo ni timi falaa, tɔ, waageehm mu u kpa ti pu na bi ki pɔɔ.

Esekiel 36:24

M ga nyan ni nimi litimbol, ni kitiŋ mɔmɔk ni, ki giin nimi nibaa aatiŋ pu.

Maika 4:6

Uwumbɔr bui ke, “N‑yoonn choo, le m ga kuun ni binib bi m daa bitafal, aan bi jin falaa tinaagbiir ni kitiyayaŋ ni na nan kpaan.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Efesusi 1:10

Tibɔbɔrkaan ngbaan le ye ke ni yaa nan ŋeer kan, u ga di tiwan nimɔk bi paacham ni taab na kpaan tɔb chee, ki ŋa ni kimɔbaan, ki ŋa Kristo ni mɔmɔk aayidaan.

Ikaal 30:3

Nidindaan Uwumbɔr ga san nimi kinimbaak. U ga ki nyan ni nimi ŋinibol ngbaan aatim mu ni u nan cha ni yaa buen na, ki giin ni nimi, nimi aatiŋ ni, ki tii nimi liwangol.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

2 Piita 3:8

Maanigeekaab, ni taa suln ke liwinbaal naahn ŋibin lichur le Tidindaan chee. Ŋibin lichur mu naahn liwinbaal le u chee.