Aisaya 54:3 - Uwumbɔr aagbaŋ

³ Aa ga moo ban kitiŋ kpee saatiŋ pu ŋipepel mɔmɔk pu; saanib ga ki gaa ntim mu ŋitimbol ŋiken nan gaa bi chee na. Ntisakpem mu binib san cha mu na ga ki gbiin binib.

Aisaya 54:3 ပူးပေါင်းရင်းမြစ်များ

Mpiin 26:22

Le u fii nima chee ki buen ti ki gbii muken. Ubaa aa nan ki dan nan ban u kijaak mue pu, nima le u nan yin mu ke, “Lifuur.” U nan bui ke, “Dandana, Uwumbɔr tii timi lifuur ti li bi kitiŋ kee pu, ki kan tinyoor.”

Mpiin 28:14

Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Aisaya 14:2

Ŋitimbol pam le ga ter Israel yaab aan bi ki gir ni kitiŋ ki pu Uwumbɔr nan di tii bi na, le ŋitimbol pam ga li ye Israel yaab aanaagbiib ki tun lituln tii bi. Israel yaab ga ki nyaŋ binib bimɔk nan nyaŋ bi ki chur bi tinaagbiir na; le Israel yaab ga li gur joo binib bi nan muk bi na.

Aisaya 26:15

Uwumbɔr, aa cha timi aatimbol moo kpae la, ki kpae ŋipepel mɔmɔk pu, le nimina joo ni si bunyuŋ.

Aisaya 45:14

Uwumbɔr bui Israel yaab ke, “Ijipt ni Kus aatim aawangol ga kpaln nimi yaan la, le Seba aatiŋ aajab bi fɔk sakpen na ga ŋa nimi aanaagbiib; ni ga di tikululn le di dar bi buen. Bi ga gbaan ninimbiin ni le ki gaŋ nimi ki bui ke, ‘Uwumbɔr bi ni chee, uma baanja le ye Uwumbɔr.

Aisaya 48:19

Niyaabitiib ba ga li wiir ke limɔɔtambol na la, le m ba ga li kii bi, ubaa taa bii bi.”

Aisaya 49:12

Maanib ga nyan ni dandar, bi ga nya ni ŋŋangan wɔb ni liwilir wɔb, ki nya ni Aswann aatiŋ ki bi ŋŋangii wɔb na.”

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 52:9

Nimi Jerusalem aalangbenn, fii ki li tar mpopiin pu, Uwumbɔr gaa waatiŋ lii, ki sɔŋ waanib aasui.

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Aisaya 55:5

Dandana ni ga kuun biwɔwɔm aatimbol; n‑yoonn mubaa, baa nan nyi nimi, le dandana ma bi ga san ki nan kpaan ni chee. Min, Nidindaan Uwumbɔr, nimi Israel yaab Aawumbɔr u bi chain na ga cha nimina mɔmɔk ŋa kina; m ga nyuŋ nimi ki tii nimi liyimbil.”

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Rom Yaab 10:18

Le m baa ke, “Israel yaab aa nan ŋun aa?” Mbamɔn, bi ŋun. Ni ŋmee Uwumbɔr Aagbaŋ ni ke, “Bineel mu tee chaa dulnyaa wee mɔmɔk ni, le kitiŋ kee mɔmɔk pu ŋun.”

Rom Yaab 11:12

Juu yaab nan yii Yesu, kaa ŋmar, nima le dulnyaa ni aanib bi kaa ye Juu yaab na kan tinyoor ki ŋmar. Juu yaab yaa nan ŋmar doo kan, nima le binib bi kaa ye Juu yaab na ga kan tinyoor ki jer baah nan kan pu na.

Kolosiya 1:23

Ni ŋan ke ni li dii u mbamɔm, ki taa di cha waasan, ki taa cha nibaa leŋ nimi. Naah ŋun tibɔnyaan tee na, tibɔr ngbaan tii nimi limakl la. Ni taa di cha limakl ngbaan. Bi moon tibɔnyaan tee, ki tuk binib bimɔk bi dulnyaa wee ni na la. Min Pɔɔl mu ŋa unii u mooni ti na la.