Aisaya 53:8 - Uwumbɔr aagbaŋ

⁸ Bi nan chuu u ki jin u tibɔr, ki di u buen bi ti ku u, le unii ubaa aan ŋmaa len uyaabitiib pu. Timi aanib aatunwanbir pu le bi nan ku u.

Aisaya 53:8 ပူးပေါင်းရင်းမြစ်များ

Ilahn 69:12

Bi kaa kitiŋ ponn ni le ki len mi, le bidanyurb naani mi ilahn.

Ilahn 88:5

Bi di mi ki di mee bitekpiib chee la; m gur bi ke baah ku binib bi na aah dɔ baakaakul ponn ni pu na la, ki naahn binib bi aa suln bibɔr kookoo na la, ki bi ke binib bi kaan ki kan saaterm na.

Aisaya 53:12

Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Aisaya 53:5

Timi aatunwanbir pu le bi gbaa u, le uwon ŋa ibuun. Waah gaa timi aatafadaan pu na, le Uwumbɔr cha ti pɔɔk, Ti kan laafee waah gaa tigbar ti na pu la.

Jeremia 11:19

M nan bi ke upihbo u kii udindaan aamɔb aan bi joo u cha bi ti ku u pu na la, le kaa nan nyi ke min pu le bi bi kpokl tibɔbir. Bi nan bi len le ke, “Cha ti gaa busub ngbaan lii, buyoonn bu laa soon na, cha ti ku u aan ubaa taa ki teer ubɔr.”

Inandalahn 3:54

Nnyun nan bi biini m pu, le m dak ke nkun peen ni a.

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Matiu 1:1

Yesu Kristo aamaal ponn ni aayimbil le bi kigbaŋ kee ponn ni. U nan ye Ubɔr David aayaabil la. David mu nan ye Abraham aayaabil.

Jɔnn 19:7

Le bi bui u, “Ti kpa nkaal la. Nkaal ngbaan aah dii pu na, u ŋeer nkun; ba pu? u len ke u ye Uwumbɔr Aajapɔɔn la.”

Lituln 8:33

Bi nan di u ŋa bibɔjirb chee, ki mɔln inyamɔn paan u, ki jinn u inimɔɔn. Bi nan ku u, le unii ubaa aan ŋmaa len uyaabitiib pu.”

Rom Yaab 1:4

Uwumbɔr nan fikr u nkun ni, le Waafuur Nyaan mɔk ke u ye uma Uwumbɔr Aajapɔɔn u kpa mpɔɔn na.

1 Piita 3:18

Ba pu? Kristo ubaa nan kpo nfum mbaa timi aatunwanbir pu. Kristo u ye uninyaan na nan kpo timi bi ye tiniwanbir na pu, ke u di ti ni Uwumbɔr kpaan. Bi nan ku waawon, le Uwumbɔr Aafuur Nyaan tii u limɔfal,