Aisaya 53:6 - Uwumbɔr aagbaŋ

⁶ Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Aisaya 53:6 ပူးပေါင်းရင်းမြစ်များ

Mpiin 22:6

Abraham nan cha Aisak yoor idɔ i u ga ti di see kitork ngbaan na, le uma tee joo kijuk ni mmii.

Ilahn 119:176

M chuun yiini ke upiih u wɔŋ na la; maah kaa yii saakaal pu na, dan nan ban kan mi, saatutunn.

Ilahn 69:4

Binib bi nan mi fam na wiir jer tiyikpir ti bi n‑yil pu na, Maadim mɔni inyamɔn le paani mi, bi kpa mpɔɔn le ki ban bi ku mi. Bi cha m joo tiwan ni maa sun na le giini tii.

Aisaya 40:2

Pɔɔk Jerusalem aanib aataakpab. Tuk bi ke bi jin falaa ni yunn sakpen a, le dandana m di baatunwanbir cha pinn bi, m daa bitafal ki ŋaŋ baatunwanbir.”

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Aisaya 53:12

Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Aisaya 53:5

Timi aatunwanbir pu le bi gbaa u, le uwon ŋa ibuun. Waah gaa timi aatafadaan pu na, le Uwumbɔr cha ti pɔɔk, Ti kan laafee waah gaa tigbar ti na pu la.

Aisaya 53:7

Bi nan ŋa u mbiin pam, le u gaa ni mɔmɔk suuna; waa nan waar umɔb ki len tibaa. U nan ŋmin ke baah ban bi kɔr upihbo kan, u ŋmin pu na la, ki naahn ke baah ban bi chee upiih aakokor kan, u ŋmin pu na, waa nan waar umɔb ki len tibaa.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Aisaya 55:8

Uwumbɔr bui ke, “Maalandak aa ye nimi yoo, le maabimbin mu ni nimi yoo aa kpaan.

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Aisaya 6:7

U nan di limiisakɔl ngbaan meeh mmɔgban le ki bui ke, “Nimina meeh aamɔgban, dandana saataani buen a, le Uwumbɔr di cha saatunwanbir mɔmɔk pinn si a.”

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 50:6

“Maanib bi ke ipiih i aapihkpaal cha i wɔŋ ŋijoo ponn ni na la. Bi chuun yenni ki nya lijool libaa paab ki ti saa liken paab, le ki suln bido aah ye nin wɔb na.

Esekiel 3:18

M yaa len ke utunwanbirdaan ga kpo, le saa sak u ke u kpeln waabimbin aan ki ŋmar kan, u ga kpo, ki beenin ye utunwanbirdaan, le m ga chuu si taani waakun pu.

Daniel 9:5

“Ti tun titunwanbir, ki ŋa tiwan ni kaa ŋan na. Ti yii saah len ke ti ŋa pu na, ki fenn tipuwɔb tii tiwan ni aa mɔk ke ni ŋan na.

Rom Yaab 4:25

Yesu nan kpo timi aatunwanbir pu, le ki fikr nkun ni. Nima le Uwumbɔr len ke timi aabɔr ŋan.

Jemisi 5:20

u bee ke unii u giin titunwanbirdaan waah yenn pu na, u nyan waamɔfal nkun ni la, ki cha Uwumbɔr di cha pinn titunwanbir pam.

1 Piita 2:25

Ni nan bi ke ipiih i yenn na, le dandana wee, ni gir ni Kristo chee. U kpaa nimi ke upihkpaal aah kpaa ipiih pu na, ki kii nimi aamɔfal.

1 Piita 3:18

Ba pu? Kristo ubaa nan kpo nfum mbaa timi aatunwanbir pu. Kristo u ye uninyaan na nan kpo timi bi ye tiniwanbir na pu, ke u di ti ni Uwumbɔr kpaan. Bi nan ku waawon, le Uwumbɔr Aafuur Nyaan tii u limɔfal,

Bibɔjirb 21:25

Israel aatiŋ aa nan kpa ubɔr n‑yoonn ngbaan. Unii mɔmɔk nan ŋani waageehn la.