Aisaya 53:12 - Uwumbɔr aagbaŋ

¹² Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Aisaya 53:12 ပူးပေါင်းရင်းမြစ်များ

Mpiin 3:15

Aa ni upii ngbaan ga li ye tɔb aadim la. Saabim ni waabim mu ga li ye tɔb aadim la. Uyaabil ga faa wii aayil, le aa mu ga gaa utaagbeln.”

Job Aagbaŋ 30:16

Tɔ, m bi kpu le na; lifuur libaa aa bi maafalaa wee ni.

Ilahn 2:8

Mee mi, aan m ga di ŋitimbol ngbaan mɔmɔk tii si; kitiŋ kee mɔmɔk ga li ye sin yaan la.

Ilahn 22:14

Maapɔɔn mɔmɔk doo ke nnyun mu kpir kitiŋ na aah foor pu na. Bi tukl maakpab mɔmɔk; le mpobil donn ke tisikakpiin na.

Nnyam 15:9

Timi aadin bui ke, ‘M ga paan bi pu aan ki chuu bi. M ga yakr baawangol le ki nyan maah gee ni na. M ga di maajaak aajuk le ki jenn bi ki gaa baah kpa tiwan ni na mɔmɔk.’

Aisaya 49:4

Le m bui ke, “M tun pam, le naa kpa tinyoor. Maapɔɔn mɔmɔk doo a, le maa nyan tinyoor tibaa.” Le m tee kpa limakl ke Uwumbɔr ga sil mpuwɔb; u ga pa mi maah tun pu na pu.

Aisaya 52:13

Uwumbɔr bui ke, “Maatutunn ga nyaŋ waatuln; bi ga nyuŋ u sakpen.

Aisaya 52:15

U mu ga ŋa ŋinibol pam chain, u pu le bibɔrb ga li ka waa bimɔi, kaa kpa tibaa bi len. Bi ga kan tiwan ni unii ubaa aa mɔk bi na, ki bee tiwan ni baa ŋun ni pu na aatataa.”

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Aisaya 53:8

Bi nan chuu u ki jin u tibɔr, ki di u buen bi ti ku u, le unii ubaa aan ŋmaa len uyaabitiib pu. Timi aanib aatunwanbir pu le bi nan ku u.

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Matiu 26:42

Le u ki foor siib, ki ki mee Uwumbɔr, le ki bui ke, “Nte, ni yaa kaa ye m nyan falaa u choo na ni kan, cha saageehn ŋa.”

Tibɔnyaan ti Mak ŋmee ti na 15:27

Bi nan di bififiirb bilee kpaa idɔpuinkee pu. Bi di ubaa kpaa uŋangii wɔb, ki di uken kpaa uŋangan wɔb. [

Tibɔnyaan ti Mak ŋmee ti na 15:28

Le ni gbiin Uwumbɔr Aagbaŋ aah len pu na ke, “Bi ŋa u ke baah ŋani titunwanbirdam pu na.”]

Tibɔnyaan ti Luk ŋmee ti na 22:37

M tuk nimi la, ni ŋmee Uwumbɔr Aagbaŋ ponn ni ke bi ga ŋa mi ke baah ŋani titunwanbirdam pu na. Le bi ga sil ŋa mi kina. Baah nan ŋmee maabɔr pu na, ni mɔmɔk bi gbiini la.”

Tibɔnyaan ti Luk ŋmee ti na 23:25

le ki di Barabas u nan tukni kitiŋ ngbaan aaninkpiib ki ku binib, ki bi kiyondiik ni na lii, baah ban pu na, le ki di Yesu ŋa biŋaal ni, bi ti ŋa u baah ban pu na.

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Filipi 2:17

Ni yaa gaa Yesu ki kii ki tun waatuln mbamɔm kan, m kpa mpopiin ni pu. Bi yaa po ku mi kan, m kpa mpopiin.

Kolosiya 2:15

Waah kpo ndɔpuinkoo pu na, le u ŋa kinimbɔŋ aapɔɔn mɔmɔk fam, le ki nyaŋ ki, ki jinn ki inimɔɔn, binib aanimbil ni.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

Hiibru Yaab 9:24

Kristo aa koo ni chain aapepel li ye paacham yaan aanaŋ li binib maa li na ponn ni. Paacham le u koo ni, ki si timi aasisiiyaan, Uwumbɔr aanimbiin ni.

Hiibru Yaab 9:26

U yaa ba nan joo ubaa toor kitork libiln mɔmɔk kan, u ba ga ji falaa n‑yoonn mɔmɔk, buyoonn dulnyaa wee piin ki joo cha na. Naah ye pu na, u fuu ni buyoonn ni ŋeer na, ki di ubaa toor kitork nfum mubaa, ke u kuln titunwanbir.

Hiibru Yaab 9:28

Kristo mu di ubaa toor kitork nfum mubaa, binib pam aatunwanbir pu. U ga ki fuu ni lelee. Naa ye titunwanbir pu le u ga ki fuu ni. U ga fuu ni ke u nan gaa binib bi kii waagirndaal na lii.

1 Jɔnn 2:1

Maabim, maa ban ke ni tun titunwanbir. Nima le cha m ŋmee tibɔr tee tii nimi. Unii mu yaa tun titunwanbir kan, ti kpa uchandatuln Tite Uwumbɔr chee. Uchandatuln ngbaan ye Yesu Kristo la, uma le ye mbamɔndaan.

1 Jɔnn 2:12

Maabim, Uwumbɔr di cha pinn nimi aatunwanbir Yesu aayimbil pu. Nima pu le m ŋmee tibɔr tee tii nimi.