Aisaya 52:8 - Uwumbɔr aagbaŋ

⁸ Binib bi kii kitisakpeŋ ngbaan na bi tar, baah kpa mpopiin pu na, le bi kpaan ki tar. Binimbil waa Uwumbɔr aah ki gir choo Sionn pu na.

Aisaya 52:8 ပူးပေါင်းရင်းမြစ်များ

Ilahn 102:22

n‑yoonn mu ŋitimbol ni nnaan mɔmɔk dan ke bi nan kpaan ki doon u na.

Solomonn Aalahn 3:3

Bikikiib bi nan chuun manni kitiŋ ni na nan kan mi. M nan baa bi ke, “Ni kan mbɔɔn aa?”

Solomonn Aalahn 5:7

Bikikiib bi nan chuun manni kitiŋ ni na nan kan mi; bi nan gbaa mi ki lakr nwon; bikikiib bi nan kii kitiŋ ngbaan aagoln na nan daa per maayibubuuk.

Aisaya 24:14

Le binib bi ŋmar na ga gaa ilahn mpopiin pu. Binib bi bi liwilir wɔb na ga len Uwumbɔr aapɔɔn aah bi pu na,

Aisaya 26:1

Nwiin mubaa choo, le binib ga gaa nlahn mumina Juda aatiŋ pu: Timi aatisakpeŋ pɔɔ. Uwumbɔr ubaa le kii kaagon.

Aisaya 27:2

Nwiin ngbaan daal Uwumbɔr ga len waasubil aasaak ki ŋan na aabɔr ke,

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 56:10

U bui ke, “Israel yaab aakikiirb mɔmɔk ye bijoom la. Ni ye baatuln ke bi sur maanib, le baa nyi nibaa. Bi naahn ibɔja i kaa gbei na la, bi po dɔ geen la, le ki daŋni tidaŋ. Bi gee ngeen jer tiwan mɔmɔk.

Aisaya 58:1

Uwumbɔr bui ke, “Li tar man mpɔɔn pu naah gee pu na. Bui maanib Israel yaab baatunwanbir pu.

Aisaya 62:6

Sin Jerusalem, saagon paab le m ga kaan bikikiib; bi taa li ŋmin nwiin pu ni kinyeek mu. Bi li teer Uwumbɔr tipuur ti u puu na, ki taa cha u suln ti.

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Jeremia 32:39

M ga tii bi lituln libaa baanja le baamɔfal ni. Nima le ga li ye ke bi li nyuŋni mi n‑yoonn mɔmɔk, bima bibaa ni biyaabitiib aamɔfal pu.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Jeremia 33:7

M ga cha Juda ni Israel yaab kan nkam, m ga ki gir siin bi ke baah nan bi pu na.

Jeremia 6:17

Le Uwumbɔr ban bikikiib ke bi li pel n‑yoonn mu ukpiin ga nan wii na. Le bi mu bui ke, “Taan pel.”

Esekiel 3:17

U nan len ke, “Unibɔn, m di si ŋa Israel aatimbol aakikiir la. Aa di nsakm mu m di tii si na nabr bi.

Esekiel 33:7

“Tɔ, unibɔn, m di si ŋa Israel aatimbol aakikiir la. Aa di nsakm mu m di tii si na nabr bi.

Sefania 3:9

“N‑yoonn ngbaan le m ga kpeln ŋitimbol ngbaan aanib aabimbin, le bi ga li gur mee min baanja ki taa ki mee liwaal libaa. Bi mɔmɔk ga kii maamɔb.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Lituln 2:1

Juu yaab aawinyaan mubaa nan saa. Bi yin mu ke Pentekost daal. Le binib bi dii Yesu na mɔmɔk bi kidiik kibaa ni.

Lituln 4:32

Binib bimɔk nan gaa Yesu ki kii na nan kpaan kimɔbaan, ni nlandakbaan. Ubaa aa len ke waawan nibaa le ye uyaan. Le bi mɔmɔk yakr baawan mɔmɔk, ki di tii tɔb.

1 Korenti 1:10

Nnaabitiib, m gaŋ nimi Tidindaan Yesu Kristo aayimbil pu ke ni mɔmɔk li ŋun tii tɔb, aan kinikpakpak taa li bi nikaasisik ni; ni li kpa kimɔbaan, ki li kpaan nlandak mubaa.

1 Korenti 13:12

Dandana, ni bi ke ti lik kinimbilikr, ki lik puu na la; n‑yoonn mu choo na, tiwan nibaa aan nan ki li bi tinimbiin ni ki doŋ timi tiwan nibaa chee. Ti ga li waa tiwan mɔmɔk chain. Dandana m nyi ngem. N‑yoonn mu choo na, m ga nan li nyi ni mɔmɔk, ke Uwumbɔr aah nyi maabɔr mɔmɔk pu na.

Hiibru Yaab 13:17

Ni li keei nimi aayidam aamɔi man, ki taa kpak bi. Bitafal bi ni ponn ni, ke ni dii Uwumbɔr aasan mbamɔm. Bi nyi ke see bi mɔk Uwumbɔr baah nan joo nimi pu na. Ni yaa keei baamɔi kan, bi ga li kpa mpopiin, le ki joo nimi. Ni yaa kaa keei baamɔi kan, bi ga li kpa mpombiin, le ki joo nimi. Nima le aan ŋa nimi tinyoor.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 19:4

Le bininkpiib moninko ni binaa ngbaan, ni tiwanfuurkaan ninaa ngbaan gbaan kitiŋ ki pak Uwumbɔr u ka libɔrjal pu na, ki len ke, “Amii. Haleluya.”