Aisaya 52:3 - Uwumbɔr aagbaŋ

³ Tidindaan Uwumbɔr bui waanib ke, “Naah nan kpaln binaagbiib na, ubaa aa nan pan ni pu ŋimombil; kina pu na, ni yaa ban ni nya tinaagbiir ngbaan ni kan, ubaa aan ki pa ŋimombil.

Aisaya 52:3 ပူးပေါင်းရင်းမြစ်များ

Ilahn 44:12

Aa di saanib kooh kidaak ki kaa pɔɔ na kaa kan tinyoor tibaa.

Ilahn 44:13

Timi ni binib bi koo gbɔk tɔb na kani saah ŋani timi pu na, le bi ŋani timi mbɔnyun ki laa timi.

Aisaya 1:27

Uwumbɔr aah ŋan pu na, u ga gaa Jerusalem, ni kaanib bi kpeln baabimbin na lii,

Aisaya 45:13

Min mbaa le pɔɔk ubɔrkpaan Sairus aataakpab ke u tun maatuln ki cha tiwan mɔmɔk sil chob. M ga naar isan imɔk u chuun i pu aan i gɔr na. U ga gir maa maatiŋ Jerusalem, ki gaa maanib lii. Ubaa aa tii u ipiin ke u di tun lituln limina.” Uwumbɔr Mpɔɔnsakpiindaan le len kina.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 63:4

Le m dakl ke n‑yoonn mu m ga di gaa maanib lii na fuu ni a; ni ŋeer ke m daa baadim aatafal.

Jeremia 15:13

“M ga cha maanib aadim dan ki nan gaa baawangol, ni baawan, aan ki daa bitafal, titunwanbir ti bi tun kitiŋ kee mɔmɔk pu na pu.

Esekiel 16:31

Aa maa baah dooni ŋiwaa nin chee, ki tun kidagook aatuln na kitiŋ ponn ni aasan mɔmɔk ni. Aa mu aa tee ban ŋimombil ke upiidagoor aah ban pu na.

Esekiel 34:27

Isui ga lu ŋisubil, tisar ga ŋa tijikaar, le unii mɔmɔk ga li bi waatiŋ pu, ŋŋmarm ni. M yaa kii maanib aakululn ki gaa bi binib bi nan di bi ŋa binaagbiib na chee lii kan, n‑yoonn ngbaan le bi ga bee ke min le ye Uwumbɔr.

Liifai Yaab 25:54

Hali, u yaa kaa ŋmaa ŋa kina ki gaa ubaa lii kan, Giintii Aabiln li paa na ni, unii u daa u na di u ni waabim lii.

1 Piita 1:18

Niyaajatiib nan bi mbimbin yɔl yɔl ponn ni. Ni nyi ke u gaa nimi lii ki nyan nimi mbimbin ngbaan ponn ni. Naa ye tiwan ni ga bii ke ŋimombil na, le u di pan ki gaa nimi lii.