Aisaya 52:2 - Uwumbɔr aagbaŋ

² Sin Jerusalem, gbuk gaa aabaa lii. Fii nyan titan ni ki kal saabɔrjal pu. Nimi Sionn aanib bi ye binaagbiib na, chuu gbinn tikululn ti bi di baa nimi na.

Aisaya 52:2 ပူးပေါင်းရင်းမြစ်များ

Aisaya 10:27

N‑yoonn ngbaan yaa fuu ni kan, m ga gaa nimi lii, ki nyan nimi Asiria yaab aapɔɔn ni. Baamukl aan ki li bi ni pu.”

Aisaya 14:25

M ga kuln Asiria yaab bi bi maatiŋ Israel ni na, ki taa taa bi pu maajoo pu, ki nyan maanib falaa u Asiria yaab ŋani bi na ni, ki gaa bi lii.

Aisaya 29:4

Jerusalem ga li naahn utekpiir aawiin mu bi kitiŋ taab, ki pɔɔni mubaa ke muneel nyan ni titan ni na la.

Aisaya 3:26

Kitiŋ ngbaan aagoln li maln gob ki na aabisamɔb ga li wii ikpowiil, le kitiŋ ngbaan kibaa ga li gur naahn upii u bi chuu gbabr waakeken aan u gur ka kitiŋ uŋmeen na, aah bi pu na la.

Aisaya 49:21

Le aa ga bui ke; ‘Ŋma ma mbim mue mɔmɔk tii mi? Maabim nan wɔŋ, le maa nan ki ŋmaa ma biken. Bi nan di mi buen tinaagbiir ni; ŋma kpiin mbim mue? M nan gur mbaa baanja la, mbim mue mɔmɔk nyan ni la chee?’”

Aisaya 51:14

Binib bi ye biyom na, m ga gaa bi lii dandana; bi ga kan limɔfal li fɔk na, ki kan tijikaar timɔk bi ban na.

Aisaya 51:23

M ga di falaa ngbaan tii binib bi muk nimi na la, binib bi nan cha ni doon titan ni, kitiŋ ponn ni na, aan bi taa taa ni pu ke naah ye titan le na, bima le ga ji falaa ngbaan.”

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Aisaya 9:4

ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.

Jeremia 51:45

“Babiloŋ aagon lir a. Israel aanib, san nya nima chee man. Li san ban nimi aamɔfal maaŋuusakpeln chee man.

Jeremia 51:50

Uwumbɔr nan bui waanib bi bi Babiloŋ ni na ke: “Ni nyan nkun a. Li cha man. Taa ki taan man. Nibaakan, ni ga li dak ke ni daa linampal, li lik min Uwumbɔr pu, ki teer Jerusalem bɔr.

Jeremia 51:6

San nya Babiloŋ ni man. Li san ban nibaa man. Taa cha bi ku nimi Babiloŋ aanib aatunwanbir pu. M bi teeni le ki dar bitafal naah ŋeer bi pu na.

Esekiel 34:27

Isui ga lu ŋisubil, tisar ga ŋa tijikaar, le unii mɔmɔk ga li bi waatiŋ pu, ŋŋmarm ni. M yaa kii maanib aakululn ki gaa bi binib bi nan di bi ŋa binaagbiib na chee lii kan, n‑yoonn ngbaan le bi ga bee ke min le ye Uwumbɔr.

Sekaria 2:6

Uwumbɔr nan bui waanib ke, “Min le nan cha ni yaa koo ŋipepel mɔmɔk ni. Tɔ, dandana wee, nimi binaagbiib, san nya Babiloŋ aatiŋ ni, ki gir ni Jerusalem aatiŋ ni man.”

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Tibɔnyaan ti Luk ŋmee ti na 4:18

“Uwumbɔr Aafuur Nyaan bi m ni; u nyan mi ke m tuk bigiim tibɔnyaan tee. U tun ni mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii la, ki tuk bijoom ke m likr binimbil, ki nyan bifalaadam baafalaa ni,

Tibɔkpiirkaan 18:4

Le m ki ŋun nneel nyan ni paacham ki len ke, “Maanib, nyan ni kitiŋ ngbaan aanib chee, ki taa kpaan tun titunwanbir bi chee, ki taa ji falaa u bi ga ji u na;