Aisaya 52:12 - Uwumbɔr aagbaŋ

¹² N‑yoonn mumina ma kan, naan li ban mala ke ni nya; naan li ban ke ni san ŋmar. Nidindaan Uwumbɔr le ga cheen nimi aan ki li kii nimi ŋipepel mɔmɔk pu.

Aisaya 52:12 ပူးပေါင်းရင်းမြစ်များ

1 Bibɔrb Aabɔr 14:15

Aa yaa nan ŋun ni bi ke binib le aah chuun isui ngbaan paab na kan, buen ti tak bi; ba pu? m ga loln ni pu nsan ki ti nyaŋ Filistia yaab aajab.”

Nnyam 12:11

Ni li ŋmɔ ti mala mala, ki pee nimi aawan, ki gor lisachuln, ki tak nimi aanaatak, ki li joo nimi aadabil niŋaal ponn ni. Lakr‑jer aajim mue ponn ni, le ni ga nyuŋ mi Uwumbɔr.

Nnyam 12:33

Ijipt yaab nan muk bi ke bi ŋa mala mala ki nya baatiŋ ponn ni. Bi nan bui ke, “Ni yaa kaa nyan timi aatiŋ ni kan, ti ga kpoi doo.”

Nnyam 12:39

Bi nan di boroboro aayon mu kaa kpa nnyɔk na le ki ŋa boroboro, ba pu? bi nan jenn nyan bi Ijipt aatiŋ ni mala sakpen, nima pu le baa nan ŋmaa gor ki ŋa tijikaar waahr le ki nin nyan Ijipt aatiŋ ni.

Nnyam 14:8

Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Aisaya 26:7

Uwumbɔr, saa cha bininyaam aasan ponn ni kpa tibɔbir; baah chuun isan i pu na aa kpa ŋibugen.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 45:2

“Min mbaa le ga toor saasan tii si, m ga ber ŋijoo ni ŋigongon ŋi ŋa taar. M ga kool baah di tikur ŋa ibisamɔi i na mɔmɔk.

Aisaya 49:10

nkon ni nnyunyuu aan ki chuu bi. Le nwiin, ni nteersakpiin pu aatotoŋ aan ki see bi, ba pu? u gee bi na le ga li joo bi. U ga mɔk bi uyayak aanyunbun chee.

Aisaya 49:11

M ga naan nsan mu waa na ŋijoo paab, ki toor nsan tii maanib aan bi dii.

Aisaya 51:14

Binib bi ye biyom na, m ga gaa bi lii dandana; bi ga kan limɔfal li fɔk na, ki kan tijikaar timɔk bi ban na.

Aisaya 57:18

“M kan baah ŋa pu na, m mu tee ga tii bi laafee. M ga loln bi pu nsan ki ter bi, ki ga sɔŋ binib bi wii na aasui.

Aisaya 58:8

“N‑yoonn ngbaan le maaŋann ga dan ni chee ki wiin ke kichakpiik ni aawiin na, le nimi aabuun mɔmɔk ga yann mala. M ga li bi ni chee n‑yoonn mɔmɔk ki gaa nimi lii; maah ga li bi ni chee pu na ga li kii nimi ŋipepel mɔmɔk pu.

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

Nkahm 10:25

Kookoo aanib le nan ye Dann aanibol, ni ŋinibol ŋi kpee li pu ki bi baatuutaa taab na, nan yakr ŋigetek ŋigetek ki paan, ki paa puwɔb, le Amisadai aajapɔɔn Ahieser le nan ye usaloln bi pu.

Ikaal 16:3

Ni yaa ban ni ji tijikaar ngbaan kan, ni taa ŋmɔ boroboro u kpa boroboro aanyɔk na. N‑yoonn ngbaan kan, ni taa ŋmɔ boroboro u kpa boroboro aanyɔk na ki ti saa iwiin ilole, ke naah nan ban ni nya Ijipt aatiŋ ni woween ki ŋman pu na. Ni li ŋmɔ boroboro ngbaan aaboln; ni ga li yin u ke falaa aaboroboro la. Ni li teer nwiin mundaal ni nan nyan Ijipt aatiŋ ki ti nan jin falaa ki ponn ni na, n‑yoonn mɔmɔk.

Ikaal 20:4

Nidindaan Uwumbɔr le ga dii nimi buen butɔb ngbaan ni, le ki ti cha ni nyaŋ bi.’

Josua 4:11

N‑yoonn mu bi mɔmɔk nan puur ki bi lidapuul liken na, le bitotoorb bi tu Uwumbɔr Aakaal Aadakaa na loln binib ngbaan pu nsan.

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.