Aisaya 52:11 - Uwumbɔr aagbaŋ

¹¹ Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Aisaya 52:11 ပူးပေါင်းရင်းမြစ်များ

1 Bibɔrb Aabɔr 15:12

U nan bui Liifai yaab ngbaan ke, “Nimi le ye Liifai aataŋaal aasalolm. Toor nibaa ni niŋeen aatɔtiib Liifai yaab biken, aan ki ŋmaa yoor Israel yaab Aadindaan Uwumbɔr Aakaal Aadakaa nan siin maah toor libuul li tii u na.

Nnyam 30:19

Aaronn ni ujapɔtiib ga li joo nnyun ngbaan le finn biŋaal ni bitaa,

Aisaya 1:16

Kpeln nimi aabimbin man. Di cha man nimi aatunwanbir ti m kan ni ŋani ti na. Mbamɔn, di cha man,

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 66:20

Bi ga giin joo ni nimi aatiŋ aanib ki nyan ni ŋitimbol ngbaan ni ke ipiin na la, ki nan tii mi. Bi ga joo ni bi itaan, ni ibon, ni laakumii tiib pu, ni itaan aatɔroku tiib pu, ki di dan maagongoln li bi chain na pu, ke Israel yaab aah joo ni njikaabim aapiin choo Jerusalem, min Uwumbɔr Aadichal ni, ŋisambil ŋi bi chain na ponn ni pu na la.

Jeremia 31:21

Ŋa tidaan ki daan nsan; ki gir ban saah nan dii nin chee buen na. Israel yaab, gir ni man, gir ni ntim mu ni nan nyan mu ponn ni na.

Jeremia 50:8

“Israel aanib, san nya Babiloŋ ni man. Nya kitiŋ ngbaan ni man. Li ye njan aanib bi ga puen nya na man.

Jeremia 51:45

“Babiloŋ aagon lir a. Israel aanib, san nya nima chee man. Li san ban nimi aamɔfal maaŋuusakpeln chee man.

Jeremia 51:6

San nya Babiloŋ ni man. Li san ban nibaa man. Taa cha bi ku nimi Babiloŋ aanib aatunwanbir pu. M bi teeni le ki dar bitafal naah ŋeer bi pu na.

Esekiel 44:23

“Bitotoorb le ga mɔk maanib tiwan ni ye chain na, ni ni kaa ye chain na, ki mɔk bi tiwan ni kɔ na, ni ni kaa kɔ na.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Liifai Yaab 11:45

Min le ye Uwumbɔr u nyan ni nimi Ijipt aatiŋ ni ke m li ye nimi Aawumbɔr na. Ni li bi chain, ba pu? m bi chain la.

Liifai Yaab 11:47

Ni pɔɔn nibaa ki gann aan ki bee tiwan ni bi chain na, ni ni kaa bi chain na, nima kan, ni ga ŋmaa bee tiwakor ti kɔ na, ni ti kaa kɔ na.”

Liifai Yaab 21:6

U li bi chain aan ki taa jinn maayimbil inimɔɔn. Waah joo tijikaar aatork seer mmii ni tii mi na, ni ŋan ke u li bi chain.

Sekaria 2:10

Uwumbɔr nan ki bui ke, “Jerusalem aanib, li gaa mpopiin aalahn. M choo m nan li koo ni chee la.”

Sekaria 2:11

N‑yoonn ngbaan kan, ŋitimbol pam ga dan Uwumbɔr chee, ki nan kpaln waanib. U ga nan li koo ni chee, le ni ga bee ke uma le tun ni mi.

Nkahm 16:26

Le u bui binib bi si nima chee na ke, “Siir foor bibiindam bimina chee, ki taa meeh tiwan nimɔk ye bi yaan na nibaa. Ni yaa kaa ye kina kan, ni ga kpaan kpo bi chee, baatunwanbir pu.”

Nkahm 19:11

Unii umɔk meeh linikpol na kan, u kpaln tijɔŋdaan le ki ti saa iwiin ilole.

Nkahm 19:16

Nibaakan bi yaa ku unii, bee u kpo ubaa pu lipaal, aan uken yaa meeh u, bee unii ubaa yaa meeh unibɔn aakpab, bee likaakul kan, u kpaln tijɔŋdaan iwiin ilole le na.

Nkahm 8:6

“Chuu yakr Liifai yaab Israel aanib biken chee,

Lituln 10:14

Le Piita bui ke, “Ndindaan, aayii. Maa kee ŋman tiwan ni kɔ ke nee na.”

Lituln 10:28

Le Piita bui bi, “Ni nyi ke timi Juu yaab aakaal aa kii ke ti mann binib bi kaa ye Juu yaab na, kaa kii ke ti kpaan bi chee. Le Uwumbɔr mu mɔk mi ke m taa li dak ke unii ubaa kɔ.

Rom Yaab 14:14

Maah kpaan Tidindaan Yesu chee na, le m sil bee ke tiwan nibaa aa kɔ nibaa pu. Unii mu yaa dak ke tiwan nibaa kɔ kan, ni kɔ u chee la.

2 Korenti 6:17

Nima le cha Uwumbɔr ki bui ke, “Nya binib bi kaa dii mi na ponn ni man, ki li bi nibaa, ki di cha titunwanbir, le m ga gaa nimi.

Efesusi 5:11

Ni taa kpaan binib bi bi mbɔmbɔɔn ni ki tun yɔl yɔl na chee man. Ni tee li sur bi man.

1 Piita 2:11

Maanigeekaab, ni ye biwɔwɔm ni bisachum dulnyaa wee ni la. Nima pu na, m gaŋ nimi, ni taa kii nisui aah gee pu na; ba pu? nisui aah gee pu na kiir nimi Uwumbɔr aasan ni.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

Tibɔkpiirkaan 18:4

Le m ki ŋun nneel nyan ni paacham ki len ke, “Maanib, nyan ni kitiŋ ngbaan aanib chee, ki taa kpaan tun titunwanbir bi chee, ki taa ji falaa u bi ga ji u na;