Aisaya 51:8 - Uwumbɔr aagbaŋ

⁸ bi ga dur ke ŋikpandakur aah ŋman likekeln li na aah ga dur pu na la. Le maah ga joo ni ŋŋmarm mu na aan li kpa ndoon; maanyaŋ ga li bi n‑yoonn mu kaa kpa ndoon na.”

Aisaya 51:8 ပူးပေါင်းရင်းမြစ်များ

Job Aagbaŋ 13:28

Nima pu le m wur lir ke busub bu bur na, ki naahn ŋipɔbilee aabim aah ŋman libɔkul li na.

Job Aagbaŋ 4:19

Aa dak ke u ga tii tiyakr aawanaankaan ni ye titan ki ga ŋmaa puu ke kinaapipirk na naadii ii?

Aisaya 14:11

Bi nan joo tibar gaa ilahn ki nyuŋni si, le dandana ma aa gur bi ti chee kitekpiitiŋ ni do la. Aa gur dɔ ŋikpaambil aawandookaan pu la, le ŋi bii aawon mɔmɔk pu.’”

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Aisaya 50:9

Tidindaan Uwumbɔr le si mpuwɔb. Ŋma ki bi ki ga mɔk ke maabɔr aa ŋan? Bi mɔmɔk ga wɔŋ doo; bi ga wɔŋ ke ŋikpandakur aah ŋman likekeln li na aah ga char char pu na la.

Aisaya 51:6

Waan lik kitaapaak ngbaan; lik taab mu, kitaapaak ngbaan ga wɔŋ ke iŋmanyuu na; le kitiŋ mu ga ji deer ki ti doo ke likekekpokl na, le kaanib ga kpoi ke tisibir na. Le maah ga joo ni ŋŋmarm mu na aan li kpa ndoon; maanyaŋ mu aan li kpa ndoon.

Aisaya 54:9

“Nowa aayoonn na m nan puu tipuur ke nwam aan ki ji kitiŋ kee. Le dandana m ki puu ke maan ki gee liŋuul aa pu: maan ki kae si, kaan ki daa aatafal mu.

Aisaya 66:24

“Bi yaa gir chaa kun kan, bi ga kan binib bi yii maamɔb na aanikpol. Ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn. Unibɔn umɔk kan bi na ga sur upuwɔb.”

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Hosea 5:12

M ga kuln Israel ni Juda yaab.

Tibɔnyaan ti Luk ŋmee ti na 1:50

Binib bi san u na, u san bi kinimbaak, ni biyaabitiib, ni biyaabisɔsɔk ponn ni ki joo cha.