Aisaya 51:7 - Uwumbɔr aagbaŋ

⁷ Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Aisaya 51:7 ပူးပေါင်းရင်းမြစ်များ

Ilahn 37:31

U joo Waawumbɔr aakaal usui ni la, le kaa yenni i chee.

Ilahn 40:8

Maawumbɔr, m gee sakpen ke m ŋa saageehn, m joo saamɔkm nsui ni la.”

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 37:6

le u giin u ngarm mumina: “Uwumbɔr bui ke aa taa cha Asiria yaab faan si ke uma Uwumbɔr aan ŋmaa gaa si lii.

Aisaya 51:1

Uwumbɔr bui ke, “Li pel man, nimi bi ban ke ni ŋmar na, nimi bi choo m chee ki ban nterm na, li pel man. Dakl ki lik man litakpal li ponn ni ni nyan ni na, nin chee m nan gbii nyan nimi na.

Aisaya 54:4

Taa san ijawaan man; naan ki ji inimɔɔn; ubaa aan ki lik seen nimi. Aa ga suln saah kaa nan si chob pu na aabɔr, ki suln buyoonn aa nan gur ka ke ukpopii na mu.

Jeremia 1:17

Jeremia, gor ki buen ti bui bi maah bui si ke aa len pu na mɔmɔk. Taa san bi ijawaan dandana wee, naa ye kina kan, buyoonn aa bi bi chee na, le m ga cha ijawaan chuu si.

Esekiel 2:6

“Sin unibɔn, taa li san bi ijawaan, ki taa li san baah len pu na mu ijawaan. Bi ga yii si ki lik seen si; ni ga li bi ke unii aah koo inyoohn chee pu na la. Taa san binib bi yii maamɔb ngbaan na ijawaan, ki taa li san baah len pu na mu ijawaan.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Matiu 5:11

“Binib yaa sii nimi ki ŋa nimi falaa ki mɔln inyamɔn mɔmɔk aabɔŋ ki paan nimi, ki bii nimi, min Yesu pu kan, Uwumbɔr aanyoor bi ni pu.

Tibɔnyaan ti Luk ŋmee ti na 6:22

“Binib yaa nan nimi, ki yakr ni chee, ki sii nimi, ki yin nimi mbiindam, min Unibɔn Aabo pu kan, Uwumbɔr aanyoor bi ni pu.

Lituln 5:41

Le Yesu aakpambalb ngbaan siir bi chee, ki nan kpa mpopiin; ba pu? Uwumbɔr pak bi ke bi ye binib bi ga ŋmaa ji inimɔɔn Yesu aayimbil pu na.

2 Korenti 3:3

Bi ga bee ke ni ye kigbaŋ ki nyan ni Kristo ni na, le u cha ti ŋmee ki. Taa nan di ngbaŋmeemoon le ŋmee ki. Uwumbɔr u ye limɔfadaan na Aafuur Nyaan le ŋmee ki. Ŋŋmeen ngbaan aa ŋmee ŋitakpal pu, ni ŋmee binib aasui ni la.

Ikaal 6:6

Ni taa suln ikaal i m joo tuk nimi din wee na bɔr.

Filipi 3:10

M ban ke m bee Kristo, ni mpɔɔn mu fikr u nkun ni na, ki ji falaa u pu. M ban ke maabimbikpok kpo ke waah nan kpo pu na,

Filipi 3:8

Ni ye mbamɔn la, m yii tiwan mɔmɔk ke naa ye nibaa, ke m li nyi Yesu Kristo u ye Ndindaan na. Maah nyi u pu na, nima le jer tiwan mɔmɔk. U pu le m di tiwan mɔmɔk lii, ke ni ye timoor la, ke m gaa uma,

Hiibru Yaab 10:16

ke Uwumbɔr len ke, “Maah ga puu tipuur ti tii bi n‑yoonn mu choo na le ye ke m ga di maakaal ŋa bisui ni, ki ŋmee mu baalandak ni,”

1 Piita 4:14

Bi yaa sii nimi Kristo aayimbil pu kan, Uwumbɔr aanyoor bi ni pu la; ba pu? Uwumbɔr Aafuur Nyaan mu ŋan sakpen na bi ni ni. [Bima le seei Kristo, le nima pak u.]

1 Piita 4:4

Naah kaa ki kpaani titunwanbirdam ngbaan chee ki ŋani kina na, ni gar bi la, le bi seei nimi.