Aisaya 51:5 - Uwumbɔr aagbaŋ

⁵ M ga dan mala ki nan gaa bi lii; n‑yoonn mu m ga di nyaŋ binib na ŋɔŋni a. Min mbaa le ga li joo ŋitimbol mɔmɔk. Ntim mu bi dandar na aanib ka kii mi ke m dan; bi ka kii mi, ki kpa limakl ke m ga nan gaa bi lii.

Aisaya 51:5 ပူးပေါင်းရင်းမြစ်များ

Ilahn 110:6

U ga ji ŋitimbol tibɔr, ki cha baah to butɔb nin chee na kpaln ŋinikpol ŋmeen; u ga nyaŋ bibɔrb, kitiŋ kee mɔmɔk pu.

Ilahn 67:4

Cha ŋitimbol li kpa mpopiin ki gaa mpopiin aalahn; ba pu? aa joo ibamɔn le ji binib tibɔr, le ki mɔk litimbol mɔmɔk kitiŋ kee pu saasan.

Ilahn 85:9

Mbamɔn, binib bi nyuŋni u na, u ga sil gaa bi lii, le waapɔɔn ga li bi timi aatiŋ ni ki gaa timi lii.

Ilahn 98:9

ba pu? u choo ke u nan joo dulnyaa la; u ga di mbimbinyaan ni ibamɔn le joo dulnyaa aanib.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 24:15

le binib bi bi liwipuul wɔb na ga nyuŋ u. Binib bi bi nnyusakpem aagbaan na ga nyuŋ Uwumbɔr u ye Israel yaab Aadindaan na.

Aisaya 26:4

Tiin man Uwumbɔr naadii n‑yoonn mɔmɔk; u ga li kii timi n‑yoonn mɔmɔk.

Aisaya 33:2

Uwumbɔr, san timi kinimbaak. Ti di timi aamakl di ŋa aa ni. Li kii timi iwiin mɔmɔk ki gaa timi lii buyoonn ti bi limukl ni na.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 40:10

Tidindaan Uwumbɔr choo ke u nan di mpɔɔn joo waanib, ki joo ni binib bi u gaa bi lii na.

Aisaya 42:4

Utaakpab aan yɔl le u ga li kpa limakl; uma le ga siin ibamɔn kitiŋ kee pu. Ŋitimbol ŋi bi dandar na ka ki kii waamɔkm.”

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Aisaya 49:1

Nimi ŋitimbol ŋi bi dandar na, li pel man, nimi binib bi koo dandar na, li pel man. Waahr aan bi nin ma mi na, le Uwumbɔr nan lee mi, ki di mi siin ke m li ye waatutunn.

Aisaya 54:17

Le tijawan nibaa aan ŋmaa tii si titotonn; aa ga li kpa ngarm ki tii unii umɔk galn si na. M ga li si maatutum aapuwɔb ki tii bi linyaŋ.” Uwumbɔr le len kina.

Aisaya 56:1

Uwumbɔr bui waanib ke, “Li ŋani man tiwan ni ŋan ki tok na, ba pu? naan ki yunn le m ga gaa nimi lii.

Aisaya 59:16

Ni gar u pam ke ubaa aa bi u ter baah muk binib bi na. Kina pu na, u ga di ubaa aapɔɔn le di gaa bi lii, ki ji linyaŋ ngbaan.

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Aisaya 62:11

Uwumbɔr bi mooni kitiŋ kee mɔmɔk pu ke: “Bui Jerusalem aanib ke Uwumbɔr choo u nan gaa nimi lii, ki joo ni binib bi u gaa bi lii na.”

Aisaya 63:5

Maah nan lik kaa kan ubaa u ter mi na, ni nan ŋa mi iwaan pam. Le maaŋuul pɔɔk ntaakpab, le m nyaŋ maadim mbaa.

Joel 3:12

“Ŋitimbol mɔmɔk, gor nibaa, ki dan Libɔjil Aafataŋ ni, nin chee Uwumbɔr ga ji binib tibɔr na. Le min Uwumbɔr ga kal ki ji ŋitimbol ŋimɔk mann goln na tibɔr.

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Matiu 3:2

le ki mooni, “Kpeln nimi aabimbin man. Uwumbɔr aanaan peen ni a.”

Tibɔnyaan ti Mak ŋmee ti na 16:15

Le u ki tuk bi, “Ni li cha dulnyaa mɔmɔk ni, ki di tibɔnyaan tee tuk binib mɔmɔk.

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Lituln 17:31

Ba pu? u siin nwiin bundaln u ga ji binib mɔmɔk tibɔr na, ki ti saa baah ŋa ki ŋeer pu na. U nyan uja u ga ji binib tibɔr na. U nan fikr uja ngbaan nkun ni, nima le ye limɔkl tii binib mɔmɔk.”

Rom Yaab 2:16

Ni ga li bi kina le bundaln Uwumbɔr ga cha Yesu Kristo ji binib tibɔr, ki baa bi tibɔbɔrkaan ti bi bisui ni na aabɔr. Maah tuk binib tibɔnyaan ti na le mɔk kina.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

Ikaal 30:14

I bi gbɔk nimi do. Ni nyi i, le ki ga ŋmaa len i, nima pu na, ni kii yaah mɔk pu na.

1 Samuel 2:10

Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”