Aisaya 51:4 - Uwumbɔr aagbaŋ

⁴ Maanib, li pel man, li pel maah len pu na man: M joo maamɔkm tii ŋitimbol mɔmɔk; maakaal ga woln binimbil.

Aisaya 51:4 ပူးပေါင်းရင်းမြစ်များ

Ilahn 106:5

Cha m kan saah tii saanib liwangol li na, ki mu kan mpopiin mu aa di tii saatimbol na, ki kan binib bi ye saanib na aapopiin aamakl.

Ilahn 147:20

Waa tun kina tii ŋitimbol ŋiken; baa nyi waakaal. Pak Uwumbɔr man.

Ilahn 33:12

Litimbol li dii Tidindaan Uwumbɔr na, lima le kpa mpopiin; waah lee binib bi ke bi ye uyaab na, bima le kpa mpopiin.

Ilahn 50:7

“Maanib, li pel man, aan m len tibɔr, M ga kpiir sin Israel yaab pu. Min le ye Uwumbɔr, m ye nimi Aawumbɔr la.

Ilahn 78:1

Maanib, li pel maamɔkm man, ki pel maah ban m len pu na mbamɔm.

Nnyam 19:6

ki tii min baanja, le ki ga li ye bitotoorb ki tun maatuln.”

Nnyam 33:13

Ni yaa ye kina kan, tuk mi saalandak, nima kan, m ga dii si ki piir aasui n‑yoonn mɔmɔk. Teer ke sin le lee linibol ngbaan ke bi li ye saanib.”

Ŋiyataŋak 6:23

Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Aisaya 1:27

Uwumbɔr aah ŋan pu na, u ga gaa Jerusalem, ni kaanib bi kpeln baabimbin na lii,

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Aisaya 26:2

Chuu piir man kaabisamɔi aan litimbol li bi mbamɔm na koo, litimbol li aanib ŋani ni ŋan na.

Aisaya 26:8

Ti dii saah ban pu na ki kpa limakl aa pu; si le ye taah ban nimɔk na.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 42:21

Uwumbɔr gee ke u gaal binib lir la, kina pu le u cha waakaal ni waamɔkm kpa kipak, ki nan ban ke waanib nyuŋ i.

Aisaya 42:6

“Min Uwumbɔr le yin si ki tii si mpɔɔn ke aa cha ibamɔn dan dulnyaa wee ni. Sin pu le m ga puu tipuur tii binib mɔmɔk; sin pu le nwiihn ga dan ŋinibol mɔmɔk pu.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 63:8

Uwumbɔr bui ke, “Bi ye maanib la; baan ŋmann mi.”

Maika 4:2

le ŋaanib ga bui ke, “Cha ti jon Uwumbɔr aajool ki buen Israel yaab Aawumbɔr Aadichal ni; ba pu? u ga mɔk timi waah ban ti ŋa pu na, le ti ga chuun waah lee isan i na pu. Uwumbɔr aamɔkm nyan ni Jerusalem aatiŋ ni la; Sionn pu le u len ni waanib chee tibɔr.”

Tibɔnyaan ti Luk ŋmee ti na 2:32

U ye nwiihn ki ga woln binib bi kaa ye Israel yaab na aanimbil. U pu, le binib ga nyuŋ saanib Israel yaab.”

1 Korenti 9:21

Binib bi kaa dii Moses aakaal na chee, m mu bi ke baah bi pu na, aan ki kan binib bi kaa dii Moses aakaal na, ki tii Kristo. Maa len ke maa dii Uwumbɔr aakaal. M dii Kristo aakaal la.

Ikaal 18:18

M ga tun ni maabɔnabr ke saah bi pu na. U ga li ye binaabitiib ponn ni ubaa la. M ga bui u waah ga len pu na, le u ga tuk nimi tiwan nimɔk m ban na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.