Aisaya 51:19 - Uwumbɔr aagbaŋ

¹⁹ Tibɔbir nfum mulee le lir ni pu: butɔb bii nimi aatiŋ kookoo, le nimi aanib kpoi nkon. Ubaa aa bi u san nimi kinimbaak.

Aisaya 51:19 ပူးပေါင်းရင်းမြစ်များ

Job Aagbaŋ 2:11

Job aajɔtiib bitaa bibaa le nan ye Elifas, u nyan ni Temann aatiŋ ni na, ni Bildad, u mu nyan ni Sua aatiŋ pu na, ni Sofar, u mu nyan ni Naama aatiŋ pu na. Baah ŋun Job aah bi ji falaa u aaboln na, le bi bui ke bi buen ki ti sɔŋ usui.

Job Aagbaŋ 42:11

Job aakpetiib, ni unaatiib, ni uninkpatiib, ni ujɔtiib mɔmɔk nan dan nan mann u ki jin njim u chee waadichal ni. Bi nan san u kinimbaak ki sɔŋ usui, tibɔbir ti Uwumbɔr di tii u na pu. Bi mɔmɔk ubaabaa nan tii u ŋimombil ni salmaa aabɔmbik.

Ilahn 69:20

Ŋisiibil le bii nsui, le ntaakpab yɔl. M nan mak ke ubaa ga san mi kinimbaak, le ubaa aa gar, m nan mak ke ubaa ga nan sɔŋ nsui, le kaa kan ubaa,

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Aisaya 14:30

Uwumbɔr le ga kpaa waanib bi ye bigiim na, ki tii bi ŋŋmarm. U ga cha nkon lir nimi Filistia yaab pu, le mu aan cha ni ponn ni ubaa ŋmar.

Aisaya 22:4

Di cha mi man aan m wii maanib bimɔk kpo na pu. Taa sɔŋni nsui man.

Aisaya 47:9

Naan yunn, liwinbaal le aa ga lann tiwan nilee ngbaan mɔmɔk. Hali saah kpa inyɔk i na aan ter si, le aa ga lann chal ni mbim mɔmɔk.

Aisaya 54:11

Uwumbɔr bui ke, “Jerusalem, sin u kpa kinimbaak na, kitiŋ ki kaa kpa uteter, kaa kpa ubaa aan u sɔŋ kisui na, m ga di ŋitakpanyaan le ki ki di maa saadinyikl.

Aisaya 60:18

Naan ki ŋun tijar aafuuk pu daalbaadaal; libiil aan ki dan nimi aatiŋ ni daalbaadaal. M ga li kii nimi ke ligoln na la; ni ga pak mi, maah gaa nimi lii pu na pu.

Aisaya 61:2

U tun ni mi ke m nan moon ke n‑yoonn fuu ni, buyoonn Uwumbɔr ga gaa waanib lii ki nyaŋ waadim na. U tun ni mi ke m nan sɔŋ binib bi wii na aasui,

Aisaya 8:21

Binib ngbaan ga li chuun kpak kitiŋ ngbaan pu, kaan kan nibaa bi ji ki nyu mu. Baakon ni baaŋuul ngbaan pu bi ga puun lii baabɔrkpaan ni Baawumbɔr pu. Nibaakan bi ga lik kitaapaak,

Aisaya 9:20

Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Jeremia 15:5

Uwumbɔr ki len ke, “Jerusalem aanib, ŋma ga san nimi kinimbaak, bee usui bii ni pu? Ŋma ga kii ki sil siib kina ke u lik ke ni kpa laafee aan naa kpa?

Jeremia 24:10

M ga cha butɔb, ni nkon, ni iween dan bi pu ki ti saa n‑yoonn mu bi ponn ni ubaa aan gur kitiŋ ki m di tii bi ni biyaajatiib na pu na.”

Inandalahn 1:12

Unii umɔk jer na kan, ki wii le ki len ke, “Lik maah bi pu na. Ubaa aa kee kan iween i aaboln m kan na, Uwumbɔr aaŋuul yoonn le u di kina aaween tii ni mi.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 3:47

Ti koo tibɔbir, ni libiil ni, le ki nyan; ti bi linimaln, ni ijawaan ni.

Esekiel 14:15

“Nibaakan, m ga ŋmaa cha ipeel i bir na dan ki nan ku binib, ki cha kitiŋ ngbaan li bir aan ubaa taa ŋmaa dii ki ponn ni ki jer,

Esekiel 14:21

Aadindaan Uwumbɔr aah len pu na sɔ: “M ga cha maatafadaan munaa mu bir sakpen na le dan Jerusalem aatiŋ pu. Muma le ye butɔb, ni nkon, ni ipeel i bir na, ni iween, aan ni nan kuln binib ni tiwakor mu.

Amos 7:2

Maadaŋ ngbaan ponn ni m nan kan itoon ngbaan ŋman tiwan nimɔk soon na kitiŋ ngbaan pu doo, le m bui ke, “Ndindaan Uwumbɔr, di cha pinn saanib. Bi ga ŋa kinye ki ŋmar? Bi par le kaa kpa mpɔɔn.”

Nahum 3:7

Binib bimɔk kan si na ga sur bipuwɔb. Bi ga len ke, ‘Ninefa aatiŋ kpaln tilangbenn le ki dɔ. Ubaa aan san ki kinimbaak. Ubaa mu aan li ban ke u sɔŋ kisui.’”

2 Korenti 7:13

le tisui sɔŋ ni pu. Taitus aah nan bi ni chee na, le usui sɔŋ nimi aabimbinyaan pu, le ni ŋa u mpopiin. Nima le cha ti mu kpa mpopiin sakpen.