Aisaya 51:14 - Uwumbɔr aagbaŋ

¹⁴ Binib bi ye biyom na, m ga gaa bi lii dandana; bi ga kan limɔfal li fɔk na, ki kan tijikaar timɔk bi ban na.

Aisaya 51:14 ပူးပေါင်းရင်းမြစ်များ

Esra 1:5

Le Juda aamaal yaab, ni Benjaminn aamaal yaab aayidam, ni bitotoorb, ni Liifai yaab, ni unii umɔk Uwumbɔr koo usui ni na, gor ke bi ti gir maa Uwumbɔr Aadichal, Jerusalem ponn ni.

Aisaya 30:20

Uwumbɔr ga cha ni kan limukl; le uma ubaa ga li bi nima ki mɔk nimi waasan, kaan ki bɔr.

Aisaya 33:6

le nibaa aan ki ŋmaa dam litimbol ngbaan. U kii waanib n‑yoonn mɔmɔk le ki tii bi nlan ni mbaem. Baawangol li bi gee sakpen na le ye ke bi li pak Uwumbɔr.

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 49:10

nkon ni nnyunyuu aan ki chuu bi. Le nwiin, ni nteersakpiin pu aatotoŋ aan ki see bi, ba pu? u gee bi na le ga li joo bi. U ga mɔk bi uyayak aanyunbun chee.

Aisaya 49:25

Le Uwumbɔr giin kii ke, “Kina le sil ga ŋa. Bi ga gaa butɔb aaja chee biyom, ki gaa ubiindaan chee waah gaa tiwan ni kijaak ni na. Unii umɔk tak si na, m ni udaan ga jan, le m ga gaa saabim lii.

Aisaya 52:2

Sin Jerusalem, gbuk gaa aabaa lii. Fii nyan titan ni ki kal saabɔrjal pu. Nimi Sionn aanib bi ye binaagbiib na, chuu gbinn tikululn ti bi di baa nimi na.

Jeremia 37:16

Bi nan ti di mi ŋa mbuu ni taab la, le m nan bi nima ni yunn pam.

Sekaria 9:11

Uwumbɔr bui ke, “Maah nan puu tipuur ti tii nimi ki di kitork aasin biin ti pu na, le ga cha m gaa nimi aanib lii, ki nyan bi tinaagbiir aabuul li kaa kpa nnyun na ni.