Aisaya 51:12 - Uwumbɔr aagbaŋ

¹² Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Aisaya 51:12 ပူးပေါင်းရင်းမြစ်များ

2 Bibɔrb 1:15

Le Uwumbɔr aatuun bui Elaija ke, “Li dii u cha, ki taa san ijawaan.” Le Elaija nan dii uninkpel ngbaan buen ubɔr chee,

Ilahn 118:6

Uwumbɔr bi m chee, kina pu na, maan san ijawaan; ubaa aan ŋmaa ŋa mi nibaa.

Ilahn 146:4

Bi yaa nan kpo kan, bi ki kpaln titan la; baah ŋani ilandak i na mɔmɔk doo liyaadaal ngbaan le na.

Ilahn 92:7

Bibiindam ga ŋmaa muun ke timoor na, binib bi tun taani na ga ŋmaa kan tinyoor, tɔ, liwinbaal le bi ga nan kuln kookoo,

Ŋiyataŋak 29:26

Unii mɔk ban waajojoor chee nterm la, Uwumbɔr mu baanja chee le ibamɔn bi.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 2:22

Aa yaa di aabaa tii unibɔn u ga kpo na kan, ba aanyoor bi kpa?

Aisaya 40:1

Uwumbɔr bui ke, “Sɔŋ maanib aasui, sɔŋ bisui man.

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 52:9

Nimi Jerusalem aalangbenn, fii ki li tar mpopiin pu, Uwumbɔr gaa waatiŋ lii, ki sɔŋ waanib aasui.

Aisaya 57:11

Uwumbɔr bui ke, “Ŋiwaa ŋi cha ijawaan chur nimi na ye ŋma, le ni tuk mi inyamɔn aabɔr ki suln m pu kookoo? Maah ŋmin suuna kaa ki gar nimi ni yunn sakpen na, le naa ki pak mi ii?

Aisaya 61:2

U tun ni mi ke m nan moon ke n‑yoonn fuu ni, buyoonn Uwumbɔr ga gaa waanib lii ki nyaŋ waadim na. U tun ni mi ke m nan sɔŋ binib bi wii na aasui,

Aisaya 66:13

M ga sɔŋ nisui, Jerusalem ni, ke upii aah sɔŋni waabo aasui pu na la.

Aisaya 8:12

“Taa kpaan binib ngbaan chee, ni baah bi tun baatun ŋi na ni, ki taa li san ijawaan tiwan ni pu bi san ijawaan na.

Jeremia 38:19

Le ubɔr ngbaan gar mi ke, “M san tido yaab bi ti kpee Babiloŋ yaab pu na le ijawaan. Nibaakan, bi ga di mi tii bi le bi saan mi.”

Esekiel 2:6

“Sin unibɔn, taa li san bi ijawaan, ki taa li san baah len pu na mu ijawaan. Bi ga yii si ki lik seen si; ni ga li bi ke unii aah koo inyoohn chee pu na la. Taa san binib bi yii maamɔb ngbaan na ijawaan, ki taa li san baah len pu na mu ijawaan.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Jɔnn 14:18

“Maan di nimi lii nibaa. M ga gir ni ni chee.

Lituln 9:31

Nima pu na, Yesu aanib bi nan bi Judea aatim ni, ni Galilee aatim ni, ni Samaria aatim ni na nan gaa bibaa. Unii ubaa aa ki muk bi. Le bi moo bae Tidindaan aaliin n‑yoonn mɔmɔk, ki pak u. Le Uwumbɔr Aafuur Nyaan ter bi, ki cha binib moo kpee bi pu.

1 Piita 1:24

Ni ŋmee Uwumbɔr Aagbaŋ ni ke, “Binib mɔmɔk bi ke timoor na la. Baanyaan bi ke mmopuun na la. Timoor yɔl mala, le mmopuun mu gbaar,

1 Samuel 15:24

Le Sɔɔl kii ke, “Een, m tun titunwanbir. M yii Uwumbɔr aamɔb, ni saah mɔk pu na. M san maajab le ijawaan, ki ŋa baah ban pu na.

1 Samuel 17:11

Sɔɔl ni waajab aah ŋun kina na, le ijawaan chuu bi pam.

1 Samuel 21:13

Kina pu na, n‑yoonn mu bi ti bi u chee na kan, u ŋmanni le ke uyil le aah bii na. Le bi yaa ban bi ŋmin u kan, u ŋani ke waah ye uwaar le na, le ki ŋmee tiwan yɔl yɔl jaaleŋ mam pu, le timɔɔtan puu dii ulangbaln ki lir kitiŋ.