Aisaya 51:10 - Uwumbɔr aagbaŋ

¹⁰ Ni nan ki ye sin le cha nnyusakpem aanyun foor le ki ŋa nsan mu ponn ni, aan saah nan bi gaal binib bi lir na ŋmaa puur.

Aisaya 51:10 ပူးပေါင်းရင်းမြစ်များ

Ilahn 106:10

U nan gaa bi binib bi kaa gee bi na chee lii; u nan gaa bi baadim chee lii.

Ilahn 106:9

U nan di umɔb le tuk Limɔɔkal Aanyusakpem ngbaan, le mu foor, le u cha waanib chuun kitikuun pu ki puur.

Ilahn 74:13

Aa di saapɔɔn sakpiin le di yakr nnyusakpem, le ki wii nnyusakpem ponn ni aapeewanbiik aayil,

Ilahn 77:19

Aa chuun tinyunkpenn ni ki jer; aa lul nnyusakpem mu nyoo na ni ki puur, le ubaa aa kan saataabuu.

Nnyam 14:29

Israel yaab ma nan chuun kitikuun pu le nnyusakpem ngbaan ni, le mu kpaln ŋigon ki si ŋipepel mɔmɔk ŋilee.

Nnyam 15:13

Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Aisaya 11:15

Le Uwumbɔr ga cha nnyunsakpem mu bi yin mu ke Sues na aanyun foor, ki ga cha libuln li ton na daa ki foor limɔɔl li bi yin li ke Yufrates na aanyun, ki di cha ibun waatiir ilole baanja aan unii mɔmɔk ga ŋmaa puur jer.

Aisaya 11:16

Nsankpaan ga li dɔ ki nyan ni Asiria ni, ki tii waanib bi kaa kpo ki bi nima na, ke mu aah nan dɔ tii biyaajatiib Israel yaab, baah nan nyan ni Ijipt aatiŋ ni pu na.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Aisaya 35:9

Ichinn aan li bi mu pu; tipeewanbir mu kibaa aan jer mu chee. Uwumbɔr aah gaa binib bi lii na le ga dii mu kun.

Aisaya 42:15

M ga ber ŋigongon ni ŋijoo mɔmɔk ki cha timoor ni isui mu kuur. M ga di nnyun aafatann kpaln nteer ki cha tibɔr mu aanyun foor.

Aisaya 43:16

N‑yoonn mu jer ki yunn na, Uwumbɔr nan naan nsan nnyusakpem ponn ni, u nan naan kisanbik nnyun mu puu mala mala na ni.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Maika 7:15

Uwumbɔr, tun lijinjiir aatun tii timi saanib, ke saah nan ŋa pu n‑yoonn mu aa nan nyan ni timi Ijipt aatiŋ ni na.

Sekaria 10:11

Bi yaa nan nyan baabɔbir ti wiir ke nnyusakpem na ni kan, le min Uwumbɔr ga nyii tinyunkpenn, le Nail aamɔɔl ga foor ki cha kitikuun. M ga sunn Asiria aatiŋ aagaak taab, le mpɔɔndaan Ijipt aatiŋ aapɔɔn ga doo.