Aisaya 50:8 - Uwumbɔr aagbaŋ

⁸ ba pu? Uwumbɔr bi m chee, ki ga mɔk ke maa tun taani ubaa. Ŋma ga ŋmaa galn mi? Udaan cha ti kpaan ki buen libɔjil ni. U li joo ni ngalm mu u kpa na.

Aisaya 50:8 ပူးပေါင်းရင်းမြစ်များ

Job Aagbaŋ 13:19

Uwumbɔr, aa choo aa nan galn mi la aa? Aa yaa ba ŋa kina kan, ni ŋeer ke m ŋmin ki kpo.

Ilahn 119:151

Uwumbɔr, le sin le bi gbɔk mi, le saakaal mɔmɔk aa kpelni.

Nnyam 22:9

“Binib bilee yaa kpak tiwan pu, ni yaa ye inaa, bee ibon, bee ipiih, bee tiwanpeenkaan, bee tiwan ni wɔŋ na pu kan, ni di bimɔk bilee dan min Uwumbɔr aanimbiin ni. Min Uwumbɔr yaa ti nyan unii u ke uma le lir na, u ga pa tiwan ngbaan nfum mulee ki teen unii u ji mbamɔn na.

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Aisaya 41:1

Uwumbɔr bui ke, “Nimi ntim mu bi dandar na aanib, ŋmin man aan ki li pelni m chee. Gor man nibaa ki di nimi aabɔr buen libɔjil ni; ni ga kan nsan ki len nimi aabamɔn. Cha ti kal ki kpokl ki lik man u kpa mbamɔn na.

Aisaya 41:21

Uwumbɔr u ye Israel yaab aabɔrkpaan na kpa tibɔr timina u len: “Nimi ŋitimbol ngbaan aawaa, li joo ni man nimi aabɔr. Li joo ni man nimi aanikpakpak ki ni dak ke ki ŋan na.

Aisaya 43:26

Cha ti buen libɔjil man; li joo ni nimi aabɔr man. Li joo ni nimi aabɔr ti ga mɔk ke ni kpa mbamɔn na man.

Aisaya 45:25

Min Uwumbɔr ga gaa Israel aayaabitiib mɔmɔk lii, le bi ga tii mi kipak.

Aisaya 54:17

Le tijawan nibaa aan ŋmaa tii si titotonn; aa ga li kpa ngarm ki tii unii umɔk galn si na. M ga li si maatutum aapuwɔb ki tii bi linyaŋ.” Uwumbɔr le len kina.

Matiu 5:25

“Aa ni unii yaa kpa tibɔr, u ban u di ti buen kooti ni kan, chuu utaal mala aan ni taa kee fuu nima, u taa di si ŋa ubɔjir aaŋaal ni, ubɔjir mu taa di si ŋa kiyondiik aaninkpel aaŋaal ni, ke u di si ŋa kiyondiik ni.

Ikaal 19:17

ni di bimɔk bilee buen nin chee ni kpaani ki dooni Uwumbɔr na, aan bi ti ji baabɔr; bitotoorb ni bibɔjirb bi bi lituln ni liyaadaal ngbaan na le ga ji baabɔr.

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

Tibɔkpiirkaan 12:10

Le m ŋun nneel sakpiin len mpɔɔn pu paacham ke, “Dandana wee ti kan timi Aawumbɔr aah kpa mpɔɔn pu ki gaa waanib lii ki joo waanaan ni aanib na. Dandana ti kan Kristo u gaa timi lii na aah kpa yiko pu na. Ba pu? u nyan kinimbɔŋ paacham. Kinimbɔŋ ye unibiinii u nan si Uwumbɔr aanimbiin ni ki bii Uwumbɔr aanib nwiin pu ni kinyeek na la.