Aisaya 50:7 - Uwumbɔr aagbaŋ

⁷ Tidindaan Uwumbɔr aah ter mi pu na, baasiibil aan ŋa mi nibaa. M gor mbaa ki kii ke m gaa ŋi, m nyi ke maan ji inimɔɔn,

Aisaya 50:7 ပူးပေါင်းရင်းမြစ်များ

Ilahn 110:1

Uwumbɔr bui ndindaan ke, “Kaln ŋŋangii wɔb ki ti saa buyoonn m ga di saadim mɔmɔk ŋa aataapɔtan ni na.”

Ilahn 54:6

Uwumbɔr, m ga di mpopiin le toor kitork tii si, saah ŋan pu na le ga cha m li dooni si.

Aisaya 29:22

Kina pu na, Israel yaab Aadindaan Uwumbɔr u nan nyan Abraham tibɔr ni na len ke, “Maanib, naan ki ji inimɔɔn; ninimbil wɔb aan ki li kpa inimɔɔn.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 50:9

Tidindaan Uwumbɔr le si mpuwɔb. Ŋma ki bi ki ga mɔk ke maabɔr aa ŋan? Bi mɔmɔk ga wɔŋ doo; bi ga wɔŋ ke ŋikpandakur aah ŋman likekeln li na aah ga char char pu na la.

Aisaya 54:4

Taa san ijawaan man; naan ki ji inimɔɔn; ubaa aan ki lik seen nimi. Aa ga suln saah kaa nan si chob pu na aabɔr, ki suln buyoonn aa nan gur ka ke ukpopii na mu.

Jeremia 1:18

Jeremia, li pel. Kitiŋ kee pu aanib mɔmɔk—Juda aabɔrb, ni bininkpiib, ni bitotoorb, ga li kpak si. Tɔ, din wee le m bi tii si mpɔɔn mu aa ga di sil kiir bi na; aa ga li bi ke kitiŋ ki bi maa ŋigon kiir ki na la, ki naahn tikur aagoln, ki bi ke tikumann aagoln na. Baan ŋmaa nyaŋ si, ba pu? m ga li bi aa chee ki kiir si. Min Uwumbɔr le len kina.”

Maika 1:2

Ŋitimbol mɔmɔk, ŋun tibɔr tee man, binib bimɔk bi kitiŋ kee pu na, li pel man tibɔr tee. Uwumbɔr Mpɔɔndaan ga len ibamɔn, le ki galn nimi. Li pel man. U bi waapaacham aadichal ni le ki len ni.

Tibɔnyaan ti Luk ŋmee ti na 9:51

Bundaln Yesu ga gir buen paacham na peen ni. Le u pɔɔk ubaa ke u buen Jerusalem,

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Rom Yaab 1:16

Maa san inimɔɔn Yesu aabɔnyaan tee pu. Tibɔnyaan ngbaan kpa Uwumbɔr aapɔɔn. Binib bimɔk ŋun ti ki gaa Yesu Kristo ki kii na ga ŋmar; njan, bi ye Juu yaab na ga ŋmar, le bi kaa ye Juu yaab na mu ga ŋmar.

Hiibru Yaab 13:6

Nima pu le ti ga li kpa lipobil ki bui ke, “Uwumbɔr ye maateter la. Maan san ijawaan. Ubaa aan ŋmaa ŋa mi nibaa.”

1 Piita 4:1

Tɔ, Kristo aah nan joo unibɔn aawon na, u nan jin falaa. Nima pu na, ni mu kii ke ni ga ji falaa man, ke waah nan kii pu na. Waah nan jin falaa tiwon ponn ni pu na le u nan kuln titunwanbir.

1 Piita 4:16

Tɔ, unii yaa jin falaa Yesu Kristo aasan pu kan, u taa cha inimɔɔn li joo u. U li pak Uwumbɔr waah ye Yesu Kristo yoo na pu.