Aisaya 50:1 - Uwumbɔr aagbaŋ

¹ Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 50:1 ပူးပေါင်းရင်းမြစ်များ

1 Bibɔrb 21:25

Ubaa aa nan ki neen titunwanbir aatuln Uwumbɔr chee ke Ahab na. Upuu Jesebel mu le nan pai u le u tun.

2 Bibɔrb 17:17

Bi nan kɔr bijapɔtiib ni bibisatiib ki joo seer mmii ni tii ŋiwaa; bi nan buu tibɔɔr bibɔɔb, ni bipɔnijoob chee, le ki di bibaa tii tiwan ni kaa ŋan Uwumbɔr chee na pel pel, le ki fiin waaŋuul.

2 Bibɔrb 4:1

Ukpopii u nan ye Uwumbɔr aabɔnabr bibaa ponn ni ubaa aapuu na nan buen Elaisa chee ki ti bui u ke, “Uninkpel, nchal kpo a. Aa nyi ke u nan ye unii u san Uwumbɔr na la. Tɔ, u nan joo uja ubaa aapɔln, le u dan ke u nan yoor njapɔtiib bilee na ti teen lipɔln ngbaan, aan bi ti li ye waanaagbiib.”

Nehemia 5:5

Ti mu ye Juu yaab ke tiŋeen aatɔtiib na la. Tijapɔtiib mu bi ke bi yaab na la. Le tima joo timi aabim kooh ŋani tinaagbiir ni. Ti puun di tibisatiib bibaa kooh ŋa tinaagbiir ni a. Baah chuu gaa timi aakpaakon ni ŋisubil aasar pu na, ti bee fam a.”

Esta 7:4

Bi di m ni maanib kooh ke bi ku timi. Ni yaa kaa ba ye linikul, ki yaa ba ye tinaagbiir kan, m ba ga li ŋmin kaan muk si; tɔ, ni ye le ke bi ku doo ti mɔmɔk.”

Ilahn 44:12

Aa di saanib kooh kidaak ki kaa pɔɔ na kaa kan tinyoor tibaa.

Nnyam 21:7

“Nibaakan, unii yaa di ubisal kooh ŋa unaagbiipii kan, udindaan taa cha u buen dafir ke unaagbiija aah ga buen pu na.

Aisaya 1:28

le ki kuln umɔk tun titunwanbir ki kpak u na; u ga kuln unii umɔk yii u na.

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Aisaya 43:27

Niyaaja Adam nan tun titunwanbir; le nimi aaninkpiib tun mi titunwanbir,

Aisaya 46:8

Nimi titunwanbirdam, teer man tibɔr timina; dakl lik maah ŋa pu na man.

Aisaya 52:3

Tidindaan Uwumbɔr bui waanib ke, “Naah nan kpaln binaagbiib na, ubaa aa nan pan ni pu ŋimombil; kina pu na, ni yaa ban ni nya tinaagbiir ngbaan ni kan, ubaa aan ki pa ŋimombil.

Aisaya 54:6

Israel aatimbol, aa naahn upiisapɔɔn u aachal san cha u aan ilandak joo u na la. Le Uwumbɔr di si giin ni u chee ki bui ke:

Aisaya 54:7

“M nan san cha si siib; le ki ga ki di ngeehm yoor si.

Aisaya 58:1

Uwumbɔr bui ke, “Li tar man mpɔɔn pu naah gee pu na. Bui maanib Israel yaab baatunwanbir pu.

Aisaya 64:6

Ti mɔmɔk tun titunwanbir; hali tima aah dak ke taah tun pu na ŋan sakpen na ye tijɔŋ le ki ti doo. Timi aatunwanbir pu, ti naahn tifar ti kuur aan libuln daar cha na la.

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 3:8

Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Jeremia 4:18

Juda yaab, naah bi mbimbin mu na, ni ŋitun ŋi ni tun na le cha ni joo ni nima nibaa pu. Nimi aatunwanbir le joo ni falaa umina; ti saa chaar nipobil a.

Hosea 4:5

Kinyeek ni nwiin pu mɔk ni moo bii cha, le bibɔnabr mu bi kina la. M ban m kuln nina Israel la.

Liifai Yaab 25:39

Nimi Israel aanii ubaa yaa ŋa ugiin kaa ki ŋman u lik ubaa, ki di ubaa kooh tii uken kan, sin u daa u na taa cha u tun lituln ke unaagbiija na.

Matiu 18:25

Waah kaa kpa ŋimombil ŋibaa ki ga pa lipɔln ngbaan na, le udindaan bui ke bi di u ni upuu, ni waabim, ni waah kpa tiwan ni na mɔmɔk, ki di kooh, aan ki di ŋimombil ngbaan pa lipɔln ngbaan.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.