Aisaya 5:7 - Uwumbɔr aagbaŋ

⁷ Israel ni Juda aanib le ye Uwumbɔr Mpɔɔnsakpiindaan aasaak, bima le ye ŋisubil aasui i u ŋum na. U nan dak ke bi ba ŋa ni ŋan na, le bi yii ki ku binib. U nan dak ke bi ba li ŋani ni tok na, le bi nan ŋani binib mbiin, le bi wii baabamɔn pu.

Aisaya 5:7 ပူးပေါင်းရင်းမြစ်များ

Mpiin 4:10

Le Uwumbɔr ki baa u ke, “Ba ŋa aa ŋa kina? Aanaal aasin bi kitiŋ ki wii, ki mɔk ke sin le ku u.

2 Samuel 7:10

Min le lee nin chee maanib Israel yaab ga kal aan ubaa taa ki muk bi na, le ki di bi kaan nima. Ki nyan bundaal bi koo ni kitiŋ kee pu na, binib bi bir na tak bi, le kina aan ki ŋa. M puu ke m ga li kii si saadim chee, ki ga tii si yaabitiib.

Job Aagbaŋ 34:28

Baabiin cha bigiim wii mpɔɔn yin Uwumbɔr, le u ŋun baaterm aayim ngbaan.

Ilahn 147:11

u neen binib bi nyuŋni u ki mak waageehm mu bi n‑yoonn mɔmɔk na pu la.

Ilahn 149:4

Uwumbɔr neen waanib; u joo linyaŋ tii binib bi sunn bibaa taab na ki nyuŋni bi.

Ilahn 80:15

Ti ye saasubil aasub bu aa nan ŋum aan bu laa ye buwaatiir, aan aa cha bu kpa mpɔɔn na, dan ki nan gaa timi lii.

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Ŋiyataŋak 21:13

Aa yaa yii saan ŋun ugiin aah wii pu na kan, buyoonn aa mu nan bi wii ki ban nterm na, ubaa aan ŋun.

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Solomonn Aalahn 7:6

Aa kpa kinyaan sakpen a, aa ŋan ni ti nyaŋ a; le saabɔngeehm aa gur nibaa.

Aisaya 1:21

Kitiŋ ki nan bi chain kaa kpa tijɔŋ tibaa na le gur tun ke upiidagoor na. N‑yoonn mubaa bininyaam ŋmeen le nan gbii ki ni, le dandana ma binikurb le gur bi ki ni.

Aisaya 1:6

Nimi aawon mɔmɔk buŋ la. Nimi aawon mɔmɔk ye ibuun ŋmeen ke ubusoondaan na la, le naa char i, kaa di nkpan mubaa di meen i, kaa di nibaa poo biin i pu.

Aisaya 27:2

Nwiin ngbaan daal Uwumbɔr ga len waasubil aasaak ki ŋan na aabɔr ke,

Aisaya 3:14

Uwumbɔr kuun bininkpiib, ni binib bi ye bisalolm na ke u ji bi tibɔr. Waah di ngalm mu di bil bi na sɔ: “Ni sun biken aasar mpɔɔn pu, le nimi aadichal ni gbii tiwan ni ni gaa bigiim chee na.

Aisaya 3:15

Naa ŋan ke ni muen maanib ki ji bigiim ke baah ye bigiim na. Min, Nidindaan Uwumbɔr Mpɔɔnsakpiindaan le len kina.”

Aisaya 3:17

Le m ga daa bitafal; m ga kuu baayikpir ki cha ŋiyikun.”

Aisaya 30:12

Tɔ, Israel yaab Aawumbɔr u bi chain na aah len pu na sɔ: “Nitafal aa bi maah tuk nimi pu na ni, le ki tee kii tii inyamɔn ni kijaak ma.

Aisaya 46:12

Nimi binib bi aatafal pɔɔ aan ni dak ke linyaŋ chee daa na, li pel ni m chee man.

Aisaya 5:2

U nan kuun ŋitakpal le ki kon ki ŋum isui i lu ŋisubil ŋi ŋan na ki ponn ni, le ki maa libimbifɔfɔŋ ke bi li ka li paab ki kiir kisaak na, le ki gbii libuul litakpasakpeln ni, li bi ga di ŋisubil ŋa li ponn ni na aan ki ŋmaa ŋaanyun nyan na; le ki kii buyoonn ŋisubil ga puir na; le ŋisubil na mɔmɔk nan mɔɔn la.

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Aisaya 59:14

Ibamɔn daa ti chee, kaan ŋmaa mar ni timi. Binib aah wiir nin chee na, mbamɔn gbeer la, kaan ŋmaa kan mpaan nima.

Aisaya 59:4

Naa kpa ibamɔn, ki mu joo tibɔr chaa bibɔjirb chee. Ni si inyamɔn pu le ke ni di ji tibɔr ngbaan. Ni joo nimi aalandak ki ban ke ni di tun biken titotonn.

Aisaya 62:5

Unachipɔɔn aah yoor upii u kaa nyi uja na pu na, kina le Uwumbɔr u naan si na ga yoor si ŋa upuu. Unachipɔɔn aah yoor ubɔɔn aan ni mɔ u pu na, kina le Uwumbɔr aasui ga li piin aa pu.

Jeremia 12:10

Biyidam bi ye biwɔwɔm na pam le bi maasubil aasaak ni; bi taa taa maajikaar bil kitiŋ; bi cha maatiŋ ki nan ŋan sakpen na kpaln nteersakpiin.

Jeremia 24:2

Njan aabɔɔkuuk na nan gbii ŋikakan ŋi puir mala ki ŋan na la; le kiken na gbii ŋikakan ŋi kaa ŋan, ki bur, baan ŋmaa ŋmɔ ŋi na.

Jeremia 50:46

Babiloŋ yaa nan lir kan, kifuuk ki ga nya na ga cha kitiŋ dam, le ŋitimbol ŋiken ga ŋun kaalirm aawiil.”

Esekiel 22:29

Biwankpadam su kinaayuk le ki ji binib pem pem. Bi ŋani bigiim mbiin le ki ji biwɔwɔm ke baah ye bicham na pu.

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Maika 6:12

Nimi aawankpadam ji bigiim pem pem la, le ni mɔmɔk ye binyamɔndam.

Maika 6:8

Aayii. Uwumbɔr bui timi tiwan ni ŋan na. Waah ban tiwan ni ti chee na sɔ: ke ti ŋa tiwan ni tok ki ŋan na, ki li kpa ngeehm n‑yoonn mɔmɔk, ki li bi suuna timi Aawumbɔr chee.

Habakuk 1:3

Ba ŋa aa cha m kani tibɔbir timina aaboln? Ni ga ŋa kinye aan aa li ka lik titunwanbir ki ŋmin? Mbiin ni mbimbin mu pɔɔ na le mann goln mi na, le kijaak ni kinikpakpak bi ni kookoo.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Matiu 23:23

“Nimi Uwumbɔr aakaal aamɔmɔkb ni Farisii yaab, tibɔbir bi ni pu; ni yakr tikpifar nfum kipiik ki nyan nibaa na ki di tii Uwumbɔr, ki muk nibaa ke ni joo Uwumbɔr aakaal mumina, ki yii nkaal mu ye nkaalkpaan na. Ni yii, kaa ŋani ni ŋan na, kaa san binib kinimbaak, kaa dii Uwumbɔr mbamɔm. Ni ŋan ke ni li joo nkaal ngbaan, ki yakr nimi aawan mu ki di tii Uwumbɔr.

Tibɔnyaan ti Luk ŋmee ti na 18:7

Waah len ke u ga tii u waabamɔn pu na, Uwumbɔr aan tii waanib bi mee u n‑yoonn mɔmɔk nwiin pu ni kinyeek na baabamɔn aa? U ga taan aa?

Jɔnn 15:2

Ibon imɔk bi m pu kaa lu ŋisubil na, u ga per i lii. Ibon imɔk lu ŋisubil na, u ga toor i, i moo lu ŋisubil.

Ikaal 15:9

Ni taa yii ki bui ke libiln li ni ga di cha pinn bipɔndam na peen a, naan ki tii u nibaa. Ni taa cha tilandakbir kina aaboln koo nisui ni. Ni yaa yii ke naan tii udaan kan, u ga wii ki yin Uwumbɔr naah ŋa u tiwan ni na pu, le Uwumbɔr ga chuu si taani.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.