Aisaya 5:29 - Uwumbɔr aagbaŋ

²⁹ Baatɔb aajab ŋuuni ke uchinn u chuu upeel ki joo san cha nin chee ubaa aan ki ŋmaa gaa upeel ngbaan u chee na aah ŋuuni pu na la.

Aisaya 5:29 ပူးပေါင်းရင်းမြစ်များ

Mpiin 49:9

Juda, aa naahn uchinn u ku tinann, ki ki gir buen waadɔdooyaan na la. U yaa doon ke u naar ubaa kan, ubaa aan kaa ke u fiin u.

Ilahn 50:22

Nimi bi yii mi na, li pel man tibɔr tee, naa ye kina kan, m ga ku doo nimi, le ubaa aan li bi ki ga gaa nimi lii.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 31:4

Uwumbɔr bui mi ke, “Uchinn yaa chuu kiwakork, aan bipihkpaab po gee bi li tar mpɔɔn pu sakpen pu na, waan san cha ki; ni mu ga li bi kina le Uwumbɔr Mpɔɔnsakpiindaan chee, nibaa aan ŋmaa kiir u, aan u taa li kii Sionn aajool.

Aisaya 35:9

Ichinn aan li bi mu pu; tipeewanbir mu kibaa aan jer mu chee. Uwumbɔr aah gaa binib bi lii na le ga dii mu kun.

Aisaya 42:22

Le dandana bi sun waanib aawan mpɔɔn; bi laŋ bi ibuu ni, ki di bi bɔr tiyondir ni. Bi sun bi nnaayupɔɔn, le ubaa aa bi u gaa bi lii.

Aisaya 47:15

Binib bi lik iŋmabi ki buu tibɔɔr aan aa di aabaa tii bi saamɔfal mɔmɔk ni na aan ŋmaa ter si. Bi ga san ki buen baah nyi nin chee na ki cha si, hali bi ponn ni ubaa aan gur ke u gaa si lii.”

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 49:19

M ga dan ki nan cha Edom yaab san libuul ni ki nya baatiŋ ni, ke uchinn le aah nyan ni kichook ni ki di bɔ dii Jɔɔdann aagbaan pu ki nan nya timosɔnn ni pu na la, le maah lee usaloln u na ga li joo litimbol ngbaan. M ni ubaa aa ŋak. Ubaa aan ŋmaa kpak mi. Utinjoor ubaa aan ŋmaa kpak mi.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 51:38

Babiloŋ yaab mɔmɔk wii ki ŋuuni ke ichinn ni yaabim na la.

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Maika 5:8

Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee.

Nahum 2:11

Tɔ, kitiŋ ki nan bi ke ichinn aabuu na ki bi la chee? nin chee ichinn aabim ji, aan uchinnja ni uchinnpii nan chaa, aan yaabim bi lifuur ni na, bi la chee?

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Sekaria 11:3

Bijojoob na wii mpombiin pu la; baapɔɔn mɔmɔk doo a. Li pel ichinn aah ŋuuni pu na; kichook ki ponn ni i koo Jɔɔdann aamɔɔl aagbaan na kuln a.

Nkahm 24:9

Litimbol ngbaan kpa mpɔɔn sakpen ke uchinn aah kpa pu na la; u yaa dɔ geen kan, ubaa aan kaa ki finn u. Unii umɔk ŋa tinyoor ŋa Israel yaab pu na kan, Uwumbɔr mu ga ŋa tinyoor ŋa udaan pu; le unii umɔk puun lii bi pu na kan, Uwumbɔr mu ga puun lii udaan pu.”