Aisaya 5:27 - Uwumbɔr aagbaŋ

²⁷ Naa ŋuni bi ponn ni ubaa; le bi ponn ni ubaa aa gbeer nibaa. Baa geeni ki yenni kaa geeni kpala. Bi ponn ni ubaa aagbapapaln aa sɔkr; ubaa mu aanaatakl aa kii.

Aisaya 5:27 ပူးပေါင်းရင်းမြစ်များ

1 Bibɔrb 2:5

“Tibɔr tibaa ki bi ki kpee. Aa teer Joab aah nan ŋa mi tiwan ni na. U nan ku Israel aajab aaninkpiib bilee: bima le ye Ner aajapɔɔn Abner, ni Jeter aajapɔɔn Amasa. Aa nyi ke u nan ku bi nsuudoon aayoonn, ke u di teen baah nan ku binib butɔb yoonn pu na. U nan ku binib bi kaa tun taani na, le min le ye waah tun taani u na aabɔr, le ki ki jin kina aafalaa.

Job Aagbaŋ 12:18

U nyani bibɔrb nnaan ni ki joo bi ŋani tiyondir ni;

Job Aagbaŋ 12:21

U jinni binib bi bi mpɔɔn ni na inimɔɔn, le ki cha bitinjoob aapɔɔn door.

Ilahn 18:32

Uma le ye Uwumbɔr u tii mi mpɔɔn na, uma le nyani tibɔbir maasan ponn ni.

Ilahn 93:1

Uwumbɔr le ye ubɔr. U kpa nnaan aapak ni mpɔɔn. Kitiŋ nyal si kaabuul ni, kaan foor.

Ŋiyataŋak 3:23

Nibaa aan ŋa si saasan ni, le aa ga chuun, kaan gbeer nibaa.

Aisaya 11:5

U ga joo waanib mbamɔm ni kinyaan.

Aisaya 45:1

Uwumbɔr lee Sairus ke u ŋa u ubɔrkpaan. U lee u ke u to butɔb ki nyaŋ ŋitimbol; u tun u ke u ti nyan bibɔrb baanaan ni; Uwumbɔr le ga piir ntisakpem aabisamɔi tii u. Uma Uwumbɔr bui Sairus ke,

Aisaya 45:5

Min le ye Uwumbɔr, uken aa ki bi. Saa nyi mi; m mu tee ga tii si mpɔɔn mu aa ban na.

Daniel 5:6

Ijawaan nan chuu u, le uwon yɔl, le utaŋaayil gbaa.

Matiu 3:4

Jɔnn nan pee kikpalk ki bi nan di laakumii aakor luu ki na, ki di ligbapapaln buu uchaŋ ni. Waajikaar nan ye itoon ni tisiir la.

Ikaal 32:25

Butɔb ponn ni le bi ga ku nimi aanib bil isanja pu, le ijawaan ga pii nimi nido, ŋichin ni. Le binachipɔm ni bisapɔm ga kpoi, kina le ga pii mbim ni bininkpiib mu.