Aisaya 5:26 - Uwumbɔr aagbaŋ

²⁶ Uma Uwumbɔr yin dandar aatimbol. U foo ifoo ki yin bi ke bi nyan ni dulnyaa aanaan mɔmɔk ni ke bi dan. Le bi san ni mala ke libuln na ki choo.

Aisaya 5:26 ပူးပေါင်းရင်းမြစ်များ

Ilahn 60:4

Aa sak binib bi san si na, aan baadim taa nyaŋ bi.

Ilahn 72:8

Waanaan ga taln ti saa ni mɔmɔk, ki nya Yufrates aamɔɔl ni ki ti saa kitiŋ aanaanmɔk.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 11:12

Uwumbɔr ga yoor limɔkl aatuutaa paacham, ki mɔk ke u bi kuuni Israel ni Juda yaab bi nan yaa ki bi ntim yayam ni na, ki nyan ni bi dulnyaa aapepel ŋinaa na mɔmɔk ni.

Aisaya 13:2

Ligongoln li kaa kpa nibaa na pu le butɔb aatuutaa fii. Teen ki bui butɔb aajab ngbaan, ki yoor aaŋaal paacham ki mɔk bi ke bi ti tak kitisakpeŋ ki kpa kipupuk na aabisamɔi.

Aisaya 13:3

Uwumbɔr yin waatɔb aajab bi kpa kigaak ki nyi bibaa pu na ke bi nan jan mbamɔn aajaak ki daa waah gee binib bi pu liŋuul na aatafal.

Aisaya 13:4

Li pel kifuuk ŋijoo ngbaan pu man, ni ye kinipaak sakpeŋ aafuuk; kifuuk ngbaan ye ŋitimbol ni nnaan aanib le bi kuuni tɔb chee. Uwumbɔr Mpɔɔnsakpiindaan le bi gor bijab ke bi buen butɔb.

Aisaya 13:5

Bi nyan ni dandar aatimbol ŋi bi kitiŋ kee aadoon chee na la. Uwumbɔr aaŋuul pu le u choo ke u bii kitiŋ mɔmɔk doo.

Aisaya 18:3

Unii umɔk bi kitiŋ kee pu na, li pel man. Lik ban limɔkl aatuutaa u ga fii paacham ŋijoo pu na man. Li pel man ukpiin aah wii pu na.

Aisaya 30:16

Ni tee fenn le ke ni san ŋmar nimi aadim chee, itaan i ŋmaa san na pu. Ni ye mbamɔn la, ni san ŋmar baanja le ni ga ŋa. Ni dak ke nimi aataan ŋmaa san mala la, le binib bi san dii nimi na aataan ŋmaa san mala sakpen ki ti nyaŋ nimi aataan.

Aisaya 31:9

ijawaan pu, le baabɔrkpaan ga san, baaninkpiib aawon ga li gbaa sakpen aan bi di baatuutaa mam di mee.” Uwumbɔr u bi dooni u Jerusalem aatiŋ ni, nin chee waatork aamii gaal na, le len kina.

Aisaya 39:3

Nee aapuwɔb le Uwumbɔr aabɔnabr Aisaya buen ubɔrkpaan Hesekia chee ki ti baa u ke, “Bijab ngbaan nyan ni la chee, bi len ke ba aa chee?” Hesekia nan giin kii u ke, “Bi nyan ni dandar la, bi nyan ni Babiloŋ aatiŋ ni la.”

Aisaya 7:18

“N‑yoonn ngbaan yaa nan fuu ni kan, Uwumbɔr ga foo ifoo le ki mɔk Ijipt yaab ke bi fii ni ke tisibir na ki nyan ni Nail aamɔɔpan mɔmɔk; le Asiria yaab mu ga fii nyan ni baatim ni ke inangbee na ki dan.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Jeremia 5:15

Israel aanib, Uwumbɔr ban ke dandar aatimbol le dan nan tak nimi. Li ye n‑yaayoonn na aatimbol le ki pɔɔ, le naa nyi laaliin.

Jeremia 51:27

“Tii limɔkl ke bi ti tak. Pii ukpiin ki cha ŋitimbol ŋun. Gor ŋitimbol ngbaan ke ŋi ti to Babiloŋ butɔb. Bui Ararat, ni Minni, ni Askenas aanaan ni yaab ke bi ti tak. Ban uninkpel u ga loln bi pu nsan na. Cha itaan dan ke kitoonpaak na.

Inandalahn 4:19

Bi nan jenn timi sunn mala mala ke likaagiil le aah boon ki nyan ni paacham na. Bi nan ti gob timi ŋigongon pu la; nteersakpiin pu le bi nan loon timi.

Esekiel 38:17

Saabɔr le m nan len n‑yaayoonn na, ki cha maatutum, bi ye maabɔnabr ki nan bi Israel aatiŋ ni na moon, ke n‑yoonn choo le m ga nan cha unii ubaa tak Israel aatiŋ.” Dindaan Uwumbɔr le len kina.

Joel 2:7

I tak ke bijab aah tak baadim pu na la; ki joi ŋigon ke butɔb aajab na. I mɔmɔk cha imɔi wɔb la, ubaa aa yenn ki cha nibaa ki cha iken,

Habakuk 1:8

“Baataan ŋmaa san mala mala ki jer ipeenaamuun, le ki bir jer nkon aah joo takɔtiib bi na. Baatandam nyan ni dandar aatim ni le ki jak ni baataan, baataan aataagbendun pɔɔ sakpen. I booni ke ŋikaagii le aah booni ke ŋi ti chuu tinann na.

Sekaria 10:8

M ga yin maanib, ki kuun bi nan kpaan. M ga gaa bi lii, ki cha bi ki wiir ke baah nan bi pu na.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.