Aisaya 5:25 - Uwumbɔr aagbaŋ

²⁵ Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 5:25 ပူးပေါင်းရင်းမြစ်များ

1 Bibɔrb 14:11

Ibɔ le ga ŋmɔ saadichal ni aanib bi kpoi kitiŋ ponn ni na, le nangba tiib gbaa bi kpoi timoor ni na. Min, Uwumbɔr le len kina.’”

1 Bibɔrb 16:4

Ibɔ le ga ŋmɔ saadichal ni aanib bi kpoi kitiŋ ponn ni na, le nangba tiib gbaa bi kpoi timoor ni na.”

1 Bibɔrb 21:24

Saadichal ni aanii u kpo kitiŋ ponn ni na, ibɔ le ga ŋmɔ u, le umɔk kpo timoor ni na, nangba tiib ga gbaa u.”

2 Bibɔrb 13:3

Kina pu le Uwumbɔr aaŋuul nan fii Israel aanib pu, le u cha Siria aatiŋ aabɔr Hasael ni ujapɔɔn Ben‑Hadad nan nyaŋni Israel yaab n‑yoonn mu mɔk bi di biyil kpaa tɔb na.

2 Bibɔrb 9:37

Waanann ti ga gur na ga yaa ki dɔ nima ke tinaabin na, le ubaa aan ŋmaa bee ni ye niken na.’”

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Job Aagbaŋ 9:13

Uwumbɔr chur waaŋuul, u kuln waadim bi nan ter nnyusakpem ni aapeewanbiik Rahab ke ki kpak u na.

Ilahn 106:40

Le Uwumbɔr aaŋuul nan fii bima waanib pu; bi nan gur sukr uponn ni la.

Ilahn 114:7

Kitiŋ, li jii; ba pu? Uwumbɔr choo, Uwumbɔr u tiyaaja Jakob mu nan dii u na,

Ilahn 18:7

Le kitiŋ dam ki deŋ; ŋijoo aah baa nin chee na dam ki jii, ba pu? Uwumbɔr aaŋuul le nan fii.

Ilahn 68:8

kitiŋ nan dam, le utaal nyan ni kitaapaak ki lir ni, ba pu? Uwumbɔr u nan len Sainai Aajool pu na le nan choo, Israel yaab Aawumbɔr le nan choo.

Ilahn 77:18

Utaal aah tar pu na buen ni kookoo a, le utaal aah moor pu na cha dulnyaa mɔmɔk woln chain; le kitiŋ dam ki jii.

Ilahn 78:38

Le Uwumbɔr ma nan san waanib kinimbaak. U nan di cha pinn bi baatunwanbir kaa kuln bi. N‑yoonn n‑yoonn pam le waa di waaŋuul tun lituln, ki chuu waaŋuusakpeln.

Ilahn 83:10

Aa nan nyaŋ bi Endor aatiŋ pu, le bi dɔ nima ki ti bur.

Nnyam 7:19

Uwumbɔr nan ki bui Moses ke, “Bui Aaronn ke u yoor waajaangbeek ngbaan paacham ki di mɔk ŋimɔɔ, ni ikpen, ni ibun mɔmɔk, Ijipt aatiŋ ponn ni. Nnyun ngbaan mɔmɔk ga kpaln nsin, le kitiŋ ngbaan mɔmɔk aanyun, hali ŋibuu ŋimɔk kpa nnyun na ga kpaln nsin.”

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 14:19

le aa ma aa kpa likaakul, le bi di si mee ke aa bur. Bi di butɔb aajab bi bi ku bi butɔb ni na aanikpol le di biin aa pu, ki di ni mɔmɔk mee ŋa kitanbuuk ni, ki taa taa ni pu,

Aisaya 23:11

Uwumbɔr taln uŋaal paan nnyusakpem pu ki nyaŋ bibɔrb aanaan. U cha bi bii Fonisia aanyam.

Aisaya 25:11

Bi ga taln biŋaal ke baah ban bi wo nnyun le na, le Uwumbɔr ga jinn bi inimɔɔn, le biŋaal ga yɔl lir kitiŋ.

Aisaya 29:2

le Uwumbɔr ga di tibɔbir lii kitisakpeŋ ki bi yin ki ke “Uwumbɔr aatork aabimbiln” na pu. Ikpowiil ni iwiil ga li bi ki ponn ni, le kitisakpeŋ ngbaan mɔmɔk ga li gbii nsin ke kitork aabimbiln paab na.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Aisaya 51:20

Nimi aanib aa ki kpa mpɔɔn, le ki lir kitiŋ ponn ni, ŋilɔlɔk mɔmɔk ni; bi naahn ukpan aataŋ aah chuu ikulun i na la. Bi kan Uwumbɔr aaŋuul aah pɔɔ pu na.

Aisaya 64:3

N‑yoonn mubaa aa nan sunn ni ki nan ŋa lijinjiir aawan ni taa nan dak ni pu na; ŋijoo nan kan si le ki san ijawaan ki dam.

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Aisaya 66:24

“Bi yaa gir chaa kun kan, bi ga kan binib bi yii maamɔb na aanikpol. Ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn. Unibɔn umɔk kan bi na ga sur upuwɔb.”

Aisaya 9:11

Tɔ, Uwumbɔr fiin baadim aaŋuul ke bi nan tak bi.

Aisaya 9:16

Binib bi loln bi pu nsan na di bi yenn a, ki cha bilan ŋmal bi.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Aisaya 9:20

Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 15:3

Min Uwumbɔr le siin ke tibɔbir nfum munaa pu ga kan bi: bi ga kpo butɔb ni, le ibɔ ga fuul baawon buen, le inyoon ga ji ti, le ipeel ga di ti gur na ŋmɔ.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 17:4

M ga di kitiŋ ki m nan di tii nimi na tii binib. M ga cha ni kpaln nimi aadim aatutum kitiŋ ki ponn ni naa nyi kaabɔr kpala na, ba pu? maaŋuul bi ke mmii na la, mu ga li wu kaan junn.”

Jeremia 4:24

M nan lik ŋijoo, le ŋi mɔmɔk nan jii, le ŋigongon yuk ti nya do ki ti nya do.

Jeremia 4:8

Kina pu na, di tiwanpeenkaan ni saak kuub na peen, ki li wii ki kaani, Uwumbɔr aaŋuusakpeln aah kaan fenn cha Juda pu na pu.

Jeremia 6:12

Bi ga di baadichal, ni baakpaakon, ni bipuutiib tii binib bibaa la. M ban m daa kitiŋ kee pu aanib aatafal la.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Jeremia 9:22

Ŋinikpol dɔ ni kookoo, ke ŋinaabinkpok le aah dɔ ikpaakon ni na, ki bi ke baah gaa ŋikalmaan le bil, kaa bar ŋi na, ki bi ke ŋikalmaan ŋi ubaa aan bar ŋi na. Uwumbɔr aah bui mi ke m len pu na le bi na.”

Inandalahn 5:22

Aa yii timi kookoo la aa? Saaŋuul aa kpa ndoon la aa?

Esekiel 15:6

Aadindaan Uwumbɔr aah len pu na sɔ: “Baah nyani ndaan aasubil aasubon kichook ni pu ki joo tuur mmii na, kina le m ga nyan binib bi koo Jerusalem aatiŋ ni na,

Esekiel 30:25

Mbamɔn, m ga diŋ u le ki moo pɔɔk Babiloŋ aabɔr ma. M yaa di maajaak aajuk tii u aan u di ki mɔk Ijipt aatiŋ kan, unii mɔmɔk ga bee ke min le ye Uwumbɔr.

Esekiel 6:14

Mbamɔn, m taln ŋŋaal le ki kuln baatiŋ. M ga cha ki kpaln nkuun, ki nya ŋŋangii wɔb nteersakpiin ni, ki ti saa Ribla aatiŋ ki bi ŋŋangan wɔb na, kaan di cha nin chee mɔk Israel yaab koo na. Le unii mɔk ga bee ke min le ye Uwumbɔr.”

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Amos 8:8

Kina pu na, kitiŋ ga deŋ, le unii umɔk bi kitiŋ kee pu na aasui ga bii. Kitiŋ mɔmɔk ga nyɔŋ, ki ga fii ki gir lir ke Nail Aamɔɔsakpeln na.

Maika 1:4

Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Nahum 1:5

Ŋijoo jii Uwumbɔr aanimbiin ni la; le ŋigongon donn unimbiin ni. Kitiŋ yaa kan Uwumbɔr kan, ki deŋni la; dulnyaa, ni binib bi mɔmɔk bi u pu na aawon gbaa la.

Habakuk 3:10

Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Ikaal 31:18

Le m ga yii, kaan ki ter bi, ba pu? baah yii ki tun titunwanbir ti ki dooni ŋiwaa na pu.

1 Tesalonika 2:16

ki kiir timi, kaa ban ke ti tuk binib bi kaa ye Juu yaab na tibɔnyaan tee, aan bi ŋmar. Juu yaab ngbaan aah ŋani kina na, bi too kpae baatunwanbir pu n‑yoonn mɔmɔk la. Uwumbɔr aaŋuul pii bi kookoo.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.