Aisaya 5:23 - Uwumbɔr aagbaŋ

²³ Le buyoonn ni yaa kan igaŋgaŋlik na, ni di binib bi aabɔr aa ŋan na di lii, le kaa tii binib bi aabɔr ŋan na baabamɔn.

Aisaya 5:23 ပူးပေါင်းရင်းမြစ်များ

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Ilahn 94:21

ki kpokl binib bi aabimbin ŋan na pu ki cha bi ku binib bi kaa tun taani na,

Ŋiyataŋak 17:15

Tiwan nilee nee mɔmɔk bir Uwumbɔr chee la: nima le ye ke aa bii unii u kaa kpa taani na, bee aa tii ubiindaan mbamɔn.

Ŋiyataŋak 17:23

Bibɔjirb bi kpa beebee na looni gaal igaŋgaŋlik la, kina pu na, mbamɔn aan ŋmaa ŋa.

Ŋiyataŋak 24:24

U yaa di mbamɔn tii unii u aabɔr aa ŋan na kan, binib mɔmɔk ga li nan u, le ki puuni lir u pu.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 10:1

Nimi aadoon le na. Nimi bi naani ikaal i kaa ye ibamɔn ki joo muk maanib na aadoon le na.

Aisaya 10:2

Kina le ni gaal bigiim aabamɔn, ni ni ye biyaan na. Kina le ni gaal bikpopiib ni nkpobim aawangol bi chee.

Aisaya 28:7

Hali Uwumbɔr aabɔnabtiib ni Uwumbɔr aatotoorb na nyun ndaan ki chuun yenni. Bi nyun ndaan sakpen, le ki chuun gbeer ki lir. Uwumbɔr aabɔnabtiib ngbaan nyun ndaan ki gbii a; kaa ki beer tibɔkpiirkaan ti Uwumbɔr joo tii ni bi na; le bitotoorb na mu nan nyun ki gbii, kaa ŋmaa toor binib aabɔr ti bi joo ni bi chee na.

Aisaya 29:21

Binib bi bii biken ki biini titunwanbirdam aatun pu kaa dar bitafal, ki mu geei inyamɔn aan bibamɔndam aa kani baabamɔn na, Uwumbɔr ga kuln bi.

Aisaya 32:7

Ulatiir ye unii u bir na, le ki tun titunwanbir; u dakl ke u di inyamɔn di bii bigiim bi taa kan baabamɔn.

Aisaya 59:15

Mbamɔn par sakpen, le unii umɔk di cha titunwanbir aaŋam na ga kan ke uma le titunwanbirdam muk.” Uwumbɔr kan nimina, le naa mɔɔr u, ibamɔn aah kaa bi pu na.

Amos 5:12

M nyi nimi aatunwanbir sakpenn ti ni ŋani na aakahm. Ni ŋani binibamɔm mbiin, le ki gaal igaŋgaŋlik, le ki cha bigiim aa ŋmaa kani ibamɔn libɔjil ni.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Matiu 23:35

N‑yoonn mɔmɔk binib nan ku bininyaam la. Njan bi nan ku Abel u nan ye uninyaan na, le ki ku bininyaam ki joo cha, ki ti pii Barakia aabo Sakaria, u bi nan ku u Uwumbɔr aadiik ni na. Bininyaam ngbaan mɔmɔk aakun pu, le ntafadaan ga pii nimi.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

Jemisi 5:6

Nimi le bii bininyaam ki ku bi, le baa kpa mpɔɔn bi nyan bibaa nimi aaŋaal ni.