Aisaya 5:20 - Uwumbɔr aagbaŋ

²⁰ Nimi aadoon le na. Tiwan ni kaa ŋan na le ni yin ke ni ŋan, le ki yin ni ŋan na ke naa ŋan. Ni chee ye mbɔmbɔɔn na le ni yin nwiihn; le ni chee wiin na, ni yin mbɔmbɔɔn. Nimi le yin tiwan ni mɔɔn na tiwan ni mɔ na, le ki yin ni mɔ na tiwan ni mɔɔn na.

Aisaya 5:20 ပူးပေါင်းရင်းမြစ်များ

Job Aagbaŋ 17:12

Le njɔtiib ma bui ke kinyeek le ye nwiin pu; bi len ke nwiihn duun ni a, le m ma nyi ke m gaar mbɔmbɔɔn ni la.

Nnyam 23:7

Ni taa gii inyamɔn ki paan unii ki galn u, ki taa ku unii u kaa kpa taani na; ni yaa ŋa kina kan, m mu ga bii unii u ŋa mbiin ngbaan aaboln na.

Ŋiyataŋak 17:15

Tiwan nilee nee mɔmɔk bir Uwumbɔr chee la: nima le ye ke aa bii unii u kaa kpa taani na, bee aa tii ubiindaan mbamɔn.

Ŋiyataŋak 4:17

Mbiin ni linikul ye bi chee tijikaar ni ndaan la.

Aisaya 24:9

Baah nan nyu ndaan ki gaa mpopiin aalahn i na doo a, ubaa aan ki lak ndaan aamɔɔn.

Aisaya 29:21

Binib bi bii biken ki biini titunwanbirdam aatun pu kaa dar bitafal, ki mu geei inyamɔn aan bibamɔndam aa kani baabamɔn na, Uwumbɔr ga kuln bi.

Aisaya 30:10

Bi tuk Uwumbɔr aabɔnabr ke bi ŋmin. Bi len le ke, “Taa bui man timi mbimbin mu ŋan na aabɔr. Bui man timi taah ban ti ŋun pu na. Cha ti li joo timi aajoon.

Aisaya 32:5

Ubaa aan bui ke ujɔr le kpa kipak, bee ubiindaan le kpa mbamɔn.

Esekiel 13:19

Ni jinn mi inimɔɔn maanib aanimbiin ni ke ni kan njikaabim ni ŋiboroboro kpin siib. Ni ku binib bi kaa ba ye ke bi kpo na, le ki tee cha binib bi ba ye ke bi kpo na kpa limɔfal. Ni geei inyamɔn tuk maanib, le bi keei tii nimi.”

Amos 5:7

Nimi bi len ibamɔngangal ki ji binib biken baabamɔn pu na, ni kpoi doo a.

Maika 3:2

le ni nan tiwan ni ŋan na, ki tee gee titunwanbir. Maanib aa kee kpoi le ni sun baagban ki dar lui baanann baakpab pu.

Habakuk 1:4

Nkaal aa kpa mpɔɔn, le ki bee fam, kina pu na, ibamɔn aa bi. Titunwanbirdam nyaŋ binib bi aabimbin ŋan na, le ki laŋ ibamɔn pu.

Malakai 2:17

Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”

Malakai 3:15

Taah nyi pu na le ye ke bigaadam le kpa mpopiin. Titunwanbirdam kani tinyoor, le ki joo titunwanbir tɔŋni Uwumbɔr ke bi lik ke u kpa limɔr aan waa kpa, le nibaa aa ŋani bi.’”

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Ikaal 25:1

“Nimi Israel yaab ŋmeen aajab bilee yaa kpa kijaak ki di tɔb buen libɔjil ni, aan ubaa ti jin mbamɔn, uken aabɔr bii kan,

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.