Aisaya 5:19 - Uwumbɔr aagbaŋ

¹⁹ Le ni len ke, “Cha Israel yaab Aawumbɔr u bi chain na ŋa mala ki ŋa waah bui ke u ban pu na, aan ti kan ni, aan ki bee waalandak.”

Aisaya 5:19 ပူးပေါင်းရင်းမြစ်များ

Aisaya 30:11

Siir cha timi nsan man. Taa ban ti ŋun Israel yaab Aawumbɔr u bi chain na aabɔr.”

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Jeremia 17:15

Le binib ngbaan bui mi ke, “Uwumbɔr aah faani timi pu na bi la chee? Cha u ŋa waah faani timi pu na.”

Jeremia 23:18

Le m bui ke, “Bibɔnabr ngbaan ubaa aa nyi Uwumbɔr aalandak i bɔr na. Bi ponn ni ubaa aa bee waabɔr aatataa, kaa pel, kaa ŋun tii waah len pu na daalbaadaal.

Jeremia 23:36

Kina pu na, bi taa ki len ke, ‘Uwumbɔr aabɔr;’ naa ye kina kan, m ga cha maabɔr li ye tibɔr ti bir na le ki tii udaan. Binib ngbaan fenn fenn Baawumbɔr u bi, ki ye Uwumbɔr Mpɔɔnsakpiindaan na, aamɔboln la.

Jeremia 36:23

Jehudi yaa ti karn ŋipepel ŋitaa bee ŋinaa doo kan, le ubɔr ti di kijuk chuu gii nima ki di mee lii mmii ni. U nan ŋani kina le kigbaŋ ngbaan mɔmɔk ti wun doo.

Esekiel 12:22

“Unibɔn, ba ŋa Israel aanib ŋakl liyataŋakl limina n‑yoonn mɔmɔk ke: ‘N‑yoonn jer la, le bibɔnabr aabɔr ma aa gbiini?’

Esekiel 12:27

“Unibɔn, Israel yaab dak ke saabɔkpiirkaan ni saah di maabɔr ti tuk bi na ye n‑yoonn mubaa aabɔr la.

Hosea 10:3

Binib ngbaan ga piin ki bi len ke, “Taah kaa san Uwumbɔr na le taa kpa ubɔr. Tɔ, ubɔr ba ga ŋmaa ŋa ba tii timi?”

Malakai 2:17

Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”