Aisaya 5:16 - Uwumbɔr aagbaŋ

¹⁶ Uwumbɔr Mpɔɔnsakpiindaan ŋani ni ŋan na la, le waapɔɔn nyan mpaan pu. Le waah ga ji waanib tibɔr pu na le ga mɔk waah bi chain pu na.

Aisaya 5:16 ပူးပေါင်းရင်းမြစ်များ

1 Bibɔrb Aabɔr 29:11

Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

Ilahn 21:13

Uwumbɔr, ti pak si, saapɔɔn sakpiin pu. Ti ga gaa ilahn ki pak saapɔɔn.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Aisaya 12:4

Nwiin mubaa ga fuu ni le binib ga gaa nlahn ke, “Doon Uwumbɔr man. Yin u ke u ter nimi man. Tuk ŋitimbol mɔmɔk waah ŋa pu na man. Tuk bi waah kpa liyimbil pu na man.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Aisaya 2:9

Bi mɔmɔk ga ji inimɔɔn. Uwumbɔr, taa di cha pinn bi.

Aisaya 28:17

Ibamɔn le ga li ye ŋŋmin mu bi ga li joo ŋaŋni nsisii ngbaan na, le mbimbinyaan ga li ye tiwan ni bi joo ŋaŋni mu aanyonyoo na.” Kitaabuŋ ki joo ni ŋitaatakpal na le ga ŋar inyamɔn i ni bui ke ni bi ima le pu na ŋŋaan, le nwam kuln tiwan ni mɔmɔk kii nimi na mɔmɔk.

Aisaya 29:23

Ni yaa nan kan mbim mu m ga tii nimi na kan, le ni ga tii naadii ke m sil ye nimi Israel yaab Aawumbɔr u bi chain na. Ni ga pak mi ki san mi ijawaan.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 33:10

Uwumbɔr bui ŋitimbol ngbaan ke, “Dandana, m ga fii sil. M ga mɔk maah pɔɔ sakpen pu na.

Aisaya 33:5

Uwumbɔr aapɔɔn nyaŋ a. Uma le joo tiwan mɔmɔk. U ga cha binib li kpa mbimbinyaan ki tii tɔb baabamɔn, Jerusalem aatiŋ ni,

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 6:3

Ni nan wii ki yin tɔb ki len ke: “Chain, chain, chain, Uwumbɔr Mpɔɔnsakpiindaan bi chain. Waapak gbiin dulnyaa mɔmɔk.”

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Aisaya 8:13

Teer ke min Uwumbɔr Mpɔɔnsakpiindaan ngbaan bi chain; min baanja le aa ga li san ijawaan.

Esekiel 20:41

M yaa nyan ni nimi maah cha ni yaa ki bi ntim mu ni na ki kuun nimi nan kpaan kan, n‑yoonn ngbaan le m ga gaa nimi aatork ki ni di see mmii ni tii mi na, le ŋitimbol ŋiken ga bee ke m ye chain la.

Esekiel 28:22

Bui binib bi koo nima chee na, min Dindaan Uwumbɔr aah kpa baabɔr ti m tuk bi na ke: Saidonn aatiŋ, m ye saadin la; binib ga pak mi maah ŋa si pu na pu. M yaa mɔk maah bi chain pu na ki daa binib bi koo aa ponn ni na aatafal kan, bi ga bee ke min le ye Uwumbɔr.

Esekiel 28:25

Tidindaan Uwumbɔr nan ki len ke, “M ga ki nyan Israel yaab maah nan cha bi yaa ki bi ŋitimbol ŋi na ni, ki cha ŋitimbol mɔmɔk bee ke m ye chain la. Israel aanib ga li koo bibaa aatiŋ pu la, kima le ye kitiŋ ki m nan di tii maatutunn Jakob na.

Esekiel 36:23

M yaa mɔk ŋitimbol maayimbil li ni jinn li inimɔɔn ŋi ponn ni na aah ye chain pu na kan, bi ga bee ke min le ye Uwumbɔr. Min Bidindaan Uwumbɔr le len kina.

Esekiel 38:16

Aa ga tak maanib Israel yaab ke kitaabuŋ ki bɔ kitiŋ ponn ni ki jer na. N‑yoonn ngbaan yaa nan fuu ni kan, m ga cha aa ti koo maatiŋ ni ki di mɔk ŋitimbol maah ye Uwumbɔr u na, ki di maah joo si tun lituln li na mɔk maah ye chain pu na.

Esekiel 38:23

Kina le m ga mɔk ŋitimbol mɔmɔk ke maapɔɔn nyaŋ, le m ye chain. N‑yoonn ngbaan le ŋi ga bee ke min le ye Uwumbɔr.”

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Nkahm 20:13

Nimina mɔmɔk nan ŋa Meriba aatiŋ ni, nin chee Israel aanib nan ŋulni Uwumbɔr pu na la, le u nan mɔk bi ke u bi chain.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

1 Piita 1:16

Ni ŋmee Uwumbɔr Aagbaŋ ni ke Uwumbɔr bui nimi, “Min Uwumbɔr bi chain la; nima pu na, ni mu li bi chain man.”

1 Piita 2:15

Uwumbɔr ban ke ni tun litulnyaan aan ki cha bijɔrb bi kaa nyi nibaa ki bii nimi na ŋmin la.

1 Piita 3:15

Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.

Tibɔkpiirkaan 3:7

“Ŋmee kigbaŋ tii maanib bi bi Filadelfia aatiŋ ni na aatuun, ke min Yesu u ye chain, ki ye mbamɔn, ki kpa Ubɔr David aasaafii na, yaa piir mbisamɔb kan, ubaa aan ŋmaa piin mu; m yaa piin mu mu kan, ubaa aan ŋmaa piir mu,

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”