Aisaya 5:11 - Uwumbɔr aagbaŋ

¹¹ Nimi aadoon le na. Ni fii mala kichakpinaanyeek ni ki piin ndaan aanyum, ki nyu ki ti saa kijook ki nyu ki gbii.

Aisaya 5:11 ပူးပေါင်းရင်းမြစ်များ

2 Samuel 19:35

M kan ŋibin imonko inaa la, le nlaasaab aa ki bi nibaa ni. Maa ki nyi maah ji ki nyu tiwan ni na aamɔɔn, kaa ki ŋun bilahngaab mu aaneel. M ga ti li ye limukl le si Mpɔɔndaan chee.

Ŋiyataŋak 20:1

Lidanyul sakpen ŋani unii ujɔr ni kifuukdaan la. Lidanyul ye igbaan la.

Ŋiyataŋak 23:32

Kitaak yaa woln kan, aa ga li bi le ke uwaa u kpa liluul na le aah juu si na.

Aisaya 22:13

Le ni tee laa ki waa kinaachoŋ; ni kɔr ipiih ni inaa ke ni ŋmɔ, ki nyun ndaan; ni bui ke, “Ni ŋan ke ti ji ki nyu mu; ba pu? ti ga fe kpo fen.”

Aisaya 24:9

Baah nan nyu ndaan ki gaa mpopiin aalahn i na doo a, ubaa aan ki lak ndaan aamɔɔn.

Aisaya 28:1

Tibɔbir bi Israel aanaan pu. Kipak ki nnaan ngbaan aaninkpiib nan kpa na bi gbaar lir ke nsupuun mu bi di tuun baabɔryikpupur pu na la; ba pu? bi ye bidagbiib la. Bi di tulalee di gbaa biyil ŋi bi tu ŋi paacham na pu, le ki mu aa ŋmaa buen nibaa chee, bi nyun gbii ki dɔ gbara nima chee.

Aisaya 28:3

Bi ga taa taa bininkpiib bi ye bidagbiib ngbaan na aagaak ŋmal titan ni.

Aisaya 5:22

Nimi aadoon le na, nimi bi ye ndaan aakpalba aajakaandam na. Ni chee ti ye ke bi di ndaan chee tɔb ponn ni na, nima chee le ni kaar.

Aisaya 56:12

Bi len le ke, ‘Cha ti ban man ndaan; aan ki nyu taah gee pu na. Fen ga fe li mɔ jer din.’”

Habakuk 2:15

Tibɔbir bi aa pu la. Sin le bar ŋisubil aadaan lidabuul ni tii biken le bi ti gbii ki dɔ bi ŋmeen ki jinn bibaa inimɔɔn aanimbil ni.

Habakuk 2:5

Mbamɔn, liwangol ŋmanni unii la, u kpa kigaak le kaa tee kpa lifuur ma. Waah kpa kikumɔŋ ke likaakul ki bi ke nkun na, waa babr tiwan nibaa, le ki nyaŋni ŋitimbol ki chur binib mɔmɔk tinaagbiir.

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

Rom Yaab 13:13

Cha ti li bi mbamɔm, ke binib bi bi nwiihn ni na aah bi pu na, ki taa li ye bidanyurb, ki taa nyu ndaan ki gbii, ki taa gɔr kidagook, ki taa ŋani yɔl yɔl aatuln, ki taa jaa kijaak, ki taa li kpa lipiipoln.

1 Korenti 6:10

ni binaayukb, ni binimandam, ni bidagbiirb, ni ŋisiibildam, ni binib bi ji biken pempem na, aan kan Uwumbɔr aanaan.

Galantiya 5:21

ki kpa iniman, ki ku binib, ki nyu ndaan gbii, ki gbiir bidagbiib aagbiir, ki tun lituln limina mɔk aaboln. M ki sur nimi ke maah nan sur nimi n‑yoonn mu jer na pu na, ke binib bi ŋani kina na aan koo Uwumbɔr aanaan ni.

1 Samuel 25:36

Abigail nan gir kun Nabal u nan bi ji njim mu ŋeer ubɔr aajim na chee la. U nan nyun ndaan ki gbii, le ni mɔ u. Kina pu le waa nan bui u tibaa ki ti saa kichakpiik ni.